Nɔmbɛs 24:18 - EBƆRƐ BE KAWƆL

¹⁸ E beeŋ kɔ m pɔɔ so mo doŋana Edɔmebi so nseŋ ta bumo be kasawule ŋ ki mbe kapetɛ. Israɛl beeŋ baa kɔ a pɔɔ so saŋkama.

Nɔmbɛs 24:18 ပူးပေါင်းရင်းမြစ်များ

Jɛnesis 27:29

Ebɔrɛ e shin nɛ efuli pɔtɛana be basa e ba kaa bunyaŋ fo nɛ basa be nnanto e baa gbir fo kumuli. Baa la fo sipoana kikɛ be ewura n shin nɛ fo nio be bibinyɛn kikɛ e ba kaa gbir fo kumuli. Ebɔrɛ e shin nɛ bekama nɛ baaŋ sho fo kɔnɔ e nya kɔnɔsho nɛ bekama malɛ nɛ b nɛfa fo e nya nɛfa.”

Jɛnesis 27:40

Fo tokobi so nɛ feeŋ baa bɔla a ji; fo alɛ beeŋ baa la fo sipo be kayɛrbi nna. Ama kachɛ nɛ fo ba diewu bre, feeŋ sɔ fo kumu ashi mbe enɔ to.”

Jɛnesis 32:3

Ndoŋ nɛ Jeekɔb yili n shuŋi mbɔ nɛ b juŋkpar mo a yɔ mo da Isɔɔ kutɔ ashi Seyir nɛ k wɔ Edɔm be efuli so na.

2 Samuɛl 8:14

Deevid daŋ yige mbe benapo ko ashi Edɔm be efuli so nna, nɛ ndoŋebi bee shuŋ mo. Kaplɛkama malɛ nɛ Deevid baaŋ yɔ, Enyɛnpe Ebɔrɛ na bee chɛ mo to nna nɛ e bee kɔ a pɔɔ so.

1 Bewura 11:14

Ade kikɛ be kaman nɛ Enyɛnpe Ebɔrɛ shin nɛ ewura Hadad nɛ e shi Edɔm be efuli so be kuwurji be kanaŋ to na nɛ ewura Sɔlɔmɔn ki bedoŋ.

1 Bewura 11:15

Dra dra na ewura Deevid daŋ kɔ Edɔm be efuli kena nna m pɔɔ kumo so nɛ mbe benapo be enimu Jɔab yɔ ndoŋ n ya puli basa nɛ b mɔ kena na to na kikɛ. Kumo be kaman nɛ mo nɛ mbe basa chena Edɔm afɔl ashe m mɔ enyɛn kikɛ nɛ e daa wɔ Edɔm.

Nshɛ 60:1

Enyɛnpe Ebɔrɛ, fo nya agbo nna n wɔtɔ anyi nseŋ kini anyi, n shin nɛ an tɔr m buri to. Naniere naaŋ sa anyi eleŋ.

Aizaaya 34:5

Enyɛnpe Ebɔrɛ na kaŋ ta mbe tokobi n wora awɔlpa so be asɔ kusɔ nɛ e bee sha n loge, k beeŋ gbelge efuli nɛ baa tre Edɔm na be basa nɛ Enyɛnpe Ebɔrɛ na yili kumo fanɛ baaŋ mur na so.

Aizaaya 63:1

Wanɛ e shi Edɔm be efuli so be kadegboŋ nɛ baa tre Bozra na ŋ kre to nɛnɛ m buu epiŋi peper a tia aya eleŋ so a ba ere? Enyɛnpe Ebɔrɛ nɛ e kɔ eleŋ ga nɛ e tiŋ m mɔlga basa na e naa ba nɛ e ba bɔ mbe kekɔmpɔɔso be kubɔya.

Eemɔs 9:11

Enyɛnpe Ebɔrɛ yɛ: “Kachako bee ba nɛ n naŋ lɔŋɛ Deevid be kuwurji nɛ k ki fanɛ kelambure na m pɔr n yili nɛnɛ. Meeŋ naŋ lɔŋɛ kumo be egbalana m pɔr fanɛ kananɛ k daa du dra na.

Eemɔs 9:12

Saŋɛ na so menyi Israɛlebi na beeŋ kɔ n sɔ Edɔm be nsawule nɛ efuliana nɛ a daa la meya na kikɛ.” Ma Enyɛnpe Ebɔrɛ nɛ meeŋ shin nɛ loŋ e wora na e malga na.

Obadaya 1:2

Le nɛ Enyɛnpetale na kaŋɛ Edɔm: “Meeŋ shin nɛ fo ki epɔshipo nɛ ekama nyam e keni fo jiga.

Nɔmbɛs 20:18

Ndoŋ nna nɛ Edɔm be ewura na kaŋɛ le: “M maaŋ shin nɛ men bɔla ma efuli so n choŋ! Men baŋ bɔla ndoŋ anyeeŋ lar ŋ kɔ menyi kena.”

Nɔmbɛs 24:19

Ejuŋkparpo ko beeŋ ba lar Israɛl kachako m mur basa nɛ b ka kade na to kikɛ.”