Nɔmbɛs 23:23 - EBƆRƐ BE KAWƆL

²³ Kudur ŋko kegbaya be eleŋ kikɛ maŋ wɔtɔ nɛ k beeŋ tiŋ ŋ kɔ m pɔɔ Israɛl be efuli ere so, Basa beeŋ ji Israɛl be asheŋ be shɛda ŋ kaŋɛ le: ‘Men keni kusɔ nɛ Ebɔrɛ wora n sa mbe basa!’

Nɔmbɛs 23:23 ပူးပေါင်းရင်းမြစ်များ

Jɛnesis 3:15

Ma alɛ beeŋ ta kedoŋ n wɔtɔ fo nɛ eche na be nferinto nseŋ naŋ ta kedoŋ n wɔtɔ fo pibi nɛ eche na be kebia to. Eche na be kebia na beeŋ baa bɛa fo kumu to nɛ fo alɛ e baa duŋ mbe kenaŋkuŋ.”

Nshɛ 31:19

Fo kelela shi m baŋ so; nɛ fee sha kebaawora basa nɛ baa ŋana fo kelela. Ekama nyi fo kelela nɛ kananɛ fee kuŋ basa nɛ b yirda fo.

Nshɛ 64:9

Kufu beeŋ pɛ basa, nɛ b ji Ebɔrɛ be ashuŋ shuŋso be asheŋ be shɛda, nsaa fɛ kusɔ nɛ e wora na be asheŋ.

Aizaaya 41:4

Wanɛ e daŋ shin nɛ le wora? Wanɛ e yili edimɛdi be adrasheŋ n sa bumo? Ma Enyɛnpe Ebɔrɛ nɛ n wɔtɔ sososo na kikɛ na e wora loŋ! Ma, alɛ e naaŋ baa wɔtɔ hale mbaanaayɔ.

Aizaaya 44:25

Ma katiŋ to nɛ anebi fɛpoana bee ku efɛ a ki befɛpo, nɛ bekpalpo malɛ bee ki bewulpo. Emamachisheŋ nɛ mee wora e naa shin nɛ dimɛdi be kanyiasheŋ bee ki kawulisheŋ.

Ezikɛl 21:21

Babilɔn be ewura kaŋ baa fo ekpa anyɔ na be ŋkpancheri na, e beeŋ bɔla mbe atanyembi so nɛ mbe agbirana so nɛ kusɔbɔya nɛ b mɔ n lara sarga be kegbirche so m bishi so m pin kusɔ nɛ e beeŋ wora.

Danɛl 9:15

O, Enyɛnpe anyi be Ebɔrɛ, fo ŋini eleŋ nna n lara fo basa ashi Ijipt be kasawule so dra na nɛ b kraa nyiŋi kumo hale kabre. Anyi e wora n jija nseŋ wora kulubi kashenteŋto.

Maika 7:15

Enyɛnpe Ebɔrɛ, yaŋ wora emamachisheŋ n sa anyi fanɛ kananɛ fo daŋ wora saŋɛ nɛ fo daŋ lara anyi ashi Ijipt be efuli so na.

Nɔmbɛs 24:1

Ŋkpal Balaam ka tea nyi fanɛ Enyɛnpe Ebɔrɛ bee sha fanɛ e nɛfa Israɛlebi na so, e daa maŋ wora ŋkilgisheŋ kikɛ fanɛ kananɛ e chɛr a wora saŋko saŋko na. E daŋ kilgi mbe anishi nna n shoŋi keshishɛrsawule na be kaba so

Matiu 12:25

Ama Yesu pin bumo be nfɛra na nseŋ kaŋɛ bumo le: “Ewura kama nɛ mbe basa barga to a kɔ abar kena, kuwura na maaŋ chɛr ŋkeŋ tɔr. Nɛ kade kama ŋko kakurge koŋwule kama to ebi baŋ barga to a kɔ abar kena, kade na ŋko kakurge na beeŋ jija.

Matiu 12:27

Menyi yɛ Biyɛlzibel e naa sa ma eleŋ nɛ ŋ kɔ a ju mbuibi lubiana ashi basa to. To, nɛ wanɛ malɛ e naa sa men be bebɛsopoana eleŋ nɛ baa tiŋ a ju bumo ashi basa to? To, men gbagba be bebɛsopo e naa ŋini fanɛ men maŋ kɔ kashenteŋ.

Matiu 16:18

Ma alɛ e kaŋɛ fo na fanɛ fo e la Pita, kefalta. Le be kefalta malɛ so nɛ meeŋ pɔr ma asɔri nɛ luwu be eleŋ gba e pɔɔ kumo so ŋ gben.

Baru lela nɛ Jɔn kute na 11:47

Ndoŋ nna nɛ Efarisiana na nɛ bɔrɛmatapowuraana na shɛr kɔɔtiebi nɛ b daa tre Sanhedrinebi na ŋ kaŋɛ: “Men keni emamachisheŋ damta nɛ kanyɛn ere bee wora ere, nuso nɛ anyeeŋ wora?

Ashuŋ Shunso 10:38

Men nyi Nazarɛt be Yesu na be asheŋ nɛ kananɛ Ebɔrɛ lara mo nseŋ shin nɛ Kiyoyu Cheeŋ na nɛ eleŋ ba mo so. E daŋ yɔ kaplɛkama n ya wora kelela nseŋ chɛ basa damta nɛ b daa wɔ Setani be enɔ to na, ŋkpal manɛ so, Ebɔrɛ daa wɔ mo to.

Ashuŋ Shunso 15:12

Pɔɔl nɛ Baanabas ka bee kute Ebɔrɛ be etɔɔnɛsheŋ nɛ emamachisheŋ damta nɛ Ebɔrɛ shin nɛ b wora nnyamase na to be asheŋ ere nɛ basa na kikɛ la to boeŋ a nu.

Ashuŋ Shunso 4:16

a bishi abar: “Nuso nɛ anyeeŋ wora basa anyɔ ere? Jerusalɛm ere to be esa kama nyi fanɛ bumo e wora kemamachisheŋ gboŋ na, anyi maaŋ tiŋ n chɛ kumo be loŋ.

Ashuŋ Shunso 5:12

Beshuŋipo na daŋ wora emamachisheŋ nɛ kashenteŋ be etɔɔnɛsheŋ damta basa na to. Beyirdapoana na kikɛ daa shɛr Sɔlɔmɔn be Kedɛdɛ na to nna kɔnɔkoŋwuleso.

Ashuŋ Shunso 5:14

Saŋkama malɛ basa damta, beche nɛ benyɛn nɛ b daŋ yirda Enyɛnpe na daa ti beyirdapo na so nna.

Romebi 16:20

K maaŋ chɛr ko nɛ Ebɔrɛ nɛ kagbenewushi kikɛ bee shi mo kutɔ na e jija Setani be eleŋ kikɛ n shin nɛ e gbir menyi kumuli. An Nyɛnpe Yesu Kristo be kuwɔr be kakɛ e baa wɔ menyi to.

Ditɛronɔmi 3:24

“Enyɛnpetale Ebɔrɛ, n nyi fanɛ asheŋgboŋ nɛ emamachisheŋ nɛ fee sha kewora na nɛ fo fara ŋ ŋini ma na. Ebɔrɛ kikɛ maŋ naa wɔ ebɔrɛso ŋko kasawule so nɛ e beeŋ tiŋ n wora asheŋgboŋ nɛ fo wora ere!

Joshuwa 13:22

Basa nɛ Israɛlebi na daŋ mɔ na be eko e daa la lejipo nɛ baa tre Balaam nɛ e daa la Beyɔ pibinyɛn na.

Kelaraŋŋini 12:9

B daŋ ta kusɔ gbeyeso gboŋgboŋi na nna n lɛ kasawule so. Mo e la kusɔkpaŋ dra nɛ baa tre alubipo ŋko Setani mo nɛ e bee fule durnya kikɛ na. B daŋ ta mo nɛ mbe kaman to ebi kikɛ nna n lɛ kasawule.