Nɔmbɛs 23:20 - EBƆRƐ BE KAWƆL

²⁰ Ebɔrɛ kaŋɛ ma nna fanɛ m baa nɛfa. M maaŋ tiŋ n chɛrga kusɔ nɛ Ebɔrɛ nɛfa.

Nɔmbɛs 23:20 ပူးပေါင်းရင်းမြစ်များ

Jɛnesis 12:2

Meeŋ shin nɛ fo ki kanaŋgboŋwura nsaa kɔ efuligboŋ. Meeŋ nɛfa fo n shin nɛ fo ketre e dii, nɛ fo ki nɛfa n sa basa kikɛ.

Jɛnesis 22:17

meeŋ nɛfa fo kashenteŋto nseŋ shin nɛ fo kaman to ebi e baa shi fanɛ awɔlpa to be achɛkpabi nɛ teku ase be shishɛr na. Fo kaman to ebi beeŋ ba koso m pɔɔ bumo doŋana so n sɔ bumo be ndeana.

Jɛnesis 27:33

Nɛ Aizek be eyur kikɛ chicha mo nɛ e bishi: “To, nɛ wanɛ malɛ e ya ji kekpaŋ n daŋɛ m bar ma na? M baŋ ji kumo nna pɔɛŋ nɛ fo ba na. Ma alɛ teŋ nɛfa amodoŋwura. Kashenteŋto malɛ, m maaŋ naŋ tiŋ n laŋɛ nɛfa na.”

1 Kronikɛls 17:27

Enyɛnpetale nɛfa ma kaman to ebi, saŋɛ na so feeŋ baa lara fo bewura bumo to saŋkama. Fo Enyɛnpe Ebɔrɛ na e nase kɔnɔ fanɛ fo nɛfa beeŋ baa wɔ ma kaman to ebi so hale mbaanaayɔ.”

Aizaaya 43:13

Ma e la Ebɔrɛ nɛ e wɔtɔ mbaanaayɔ na. Esa kikɛ maaŋ tiŋ ŋ gberge menyi n suge ma enɔ to; ŋko ŋ kuŋ ma ekpa nɛ m maaŋ tiŋ n wora kusɔ nɛ mee sha.”

Nɔmbɛs 22:12

Nɛ Enyɛnpe Ebɔrɛ kaŋɛ Balaam le: “Sa maŋ kaŋ tu basa ere n yɔ, fo alɛ maŋ kraa sho Israɛlebi na kɔnɔ, ŋkpal manɛ so ma nɛfa wɔ bumo so nna.”

Nɔmbɛs 22:18

Ama le nɛ Balaam daŋ kaŋɛ bumo: “Hale Ewura Balak ta ewurkpa be shuwa nɛ gbiti kikɛ gba n sa ma, maaŋ kini kenu n sa Enyɛnpe ma Ebɔrɛ na ekpa kama so.

Nɔmbɛs 22:38

Nɛ Balaam kaŋɛ le: “To m ba nna na! Ama maŋ kɔ eleŋ nɛ ŋ kaŋɛ kusɔ nɛ mee sha. Kusɔ nɛ Ebɔrɛ baŋ kaŋɛ nɛ mee malga.”

Nɔmbɛs 6:27

“Ŋkpal manɛ so, b baŋ ta ma ketre ŋ kule nɛfa n sa Israɛlebi na, ma alɛ beeŋ nɛfa bumo.”

1 Pita 1:5

Loŋ be enɛfa na la menyi nɛ Ebɔrɛ kpal men be yirda so n ta mbe eleŋ a keni menyi so a jo saŋɛ nɛ kumɔlga beeŋ lar efuli lalaloge be jemanɛ na peya nna.