Nɔmbɛs 23:19 - EBƆRƐ BE KAWƆL

¹⁹ Ebɔrɛ maŋ la dimɛdi nna a ku efɛ ŋko nyiŋgbasa a chɛrga mbe nfɛra, kusɔ kama nɛ e nase kɔnɔ fanɛ e beeŋ wora, mo alɛ beeŋ wora kumo. E bee malga nna nɛ k bee wora.

Nɔmbɛs 23:19 ပူးပေါင်းရင်းမြစ်များ

Jɛnesis 26:3

Baa wɔ nfe n wora nchɛnnyɔ nɛ m baa wɔ fo kutɔ a nɛfa fo. Meeŋ bɛ kɔnɔ nɛ n nase n sa fo tuto Eebraham na so nseŋ ta kasawule ere kikɛ n sa fo nɛ fo kaman to ebi.

Jɛnesis 28:15

Amoso kaplɛkama nɛ fo yɔ, meeŋ baa wɔ fo kutɔ a keni fo so nseŋ bɛta fo m ba kasawule ere so. M maaŋ yige fo kikɛ ama m baŋ wora kusɔ nɛ n nase kɔnɔ fanɛ meeŋ wora ere nna.”

1 Bewura 14:11

Njɔnɔ malɛ e naaŋ ji fo kanaŋ to be esa kama nɛ e wu kade to, nɛ ejita malɛ e ji ekama nɛ e wu kupuŋ to. Ma Enyɛnpe Ebɔrɛ na e malga na.’ ”

2 Bewura 15:12

Kusɔ nɛ Enyɛnpe nase kɔnɔ n sa Jehu na bɔlɔ so. E yɛ: “Yili fo kenana m ya fo fo kenana gbiramuli be jemanɛ so fo basa e naaŋ baa ji Israɛl be efuli so be kuwura.”

2 Bewura 7:2

Ndoŋ nna nɛ ewura na be benapo be enimu nɛ e bee fute a yigeso na kaŋɛ anebi Elaisha le: “Loŋ maaŋ tiŋ n wora. Hale Enyɛnpe Ebɔrɛ shin nɛ bɔrɛ ba ga nɛ ayu wora ga gba, amo be yawu maaŋ baa du loŋ.” Nɛ Elaisha kaŋɛ: “Fo anishi nɛ feeŋ ta n wu amo ama fo maaŋ ji amo be ajibi.”

1 Kronikɛls 17:17

Kede be kaman, fo kraŋ nase kɔnɔ n sa ma kaman to ebi. Enyɛnpe Ebɔrɛ, fee keni ma a bɔlɔ kenishi fanɛ esagboŋ ko nna.

Nshɛ 110:4

Enyɛnpe Ebɔrɛ na nase kɔnɔ nɛ k maaŋ chɛrga kikɛ. E yɛ: “Feeŋ baa la bɔrɛmatapo mbaanaayɔ, fanɛ Mɛlkizedɛk nɛ e daa la bɔrɛmatapo na.”

Nshɛ 132:11

Fo e daŋ bɔ ntaŋ n nase kɔnɔ n sa mo; kumo alɛ la kɔnɔ naseso nɛ feeŋ wora m bɔlɔ so nna. Fo yɛ: “Jemanɛ kikɛ meeŋ shin nɛ fo kaman to ebi e baa ji kuwura.

Nshɛ 77:9

Ama Ebɔrɛ teŋ so kananɛ baa wu kuwɔr nna a? E kpal agbo so m pɛ mbe kuwɔrwu be kasha nna ere a?”

Nshɛ 89:34

Ma alɛ maaŋ ku ma nɛ mo be kɔnɔkoŋwule be ŋkre na to, ŋko n lar nnɔ nɛ n nase n sa mo na be kekama kaman.

Nshɛ 89:35

Kelekoŋwule pati nɛ n ta ma Ketre cheembi na m bɔ ntaŋ fanɛ, m maaŋ ku efɛ n sa Deevid kikɛ.

Aizaaya 21:17

Bumo to be benapo nɛ baa ta ata a kɔ kena na e la basa nɛ b kɔ kenyɛn, ama bumo to be gbrɛbi e naaŋ ka a wɔ Kɛda be kebonfu to ndoŋ. Ma, Enyɛnpe Israɛl be Ebɔrɛ na e kaŋɛ na.”

Aizaaya 31:2

Enyɛnpe Ebɔrɛ na malɛ nyi kusɔ nɛ e bee wora! Mo e naa sa ekpa nɛ jɛrbi bee ba. Kusɔ kama nɛ e kaŋɛ, kumo nɛ e bee wora. Mo e naa gberge basa lubi nɛ bumo be bekumpo kikɛ kusoe.

Aizaaya 40:8

Kashenteŋto, afitiri bee bolo nna nɛ atoto malɛ bee chuge a tɔr, ama Ebɔrɛ be kamalga na bre wɔtɔ nna mbaanaayɔ.”

Aizaaya 46:11

Mee tre esa ko nna nɛ e shi epeŋilarkpa, m ba manaŋ fanɛ kusore ka fuu kusɔ na. E beeŋ ba wora kusɔ nɛ mee sha n sa ma. Kusɔ nɛ ma, Enyɛnpe Ebɔrɛ na kaŋɛ, e naaŋ wora.

Aizaaya 55:11

aloŋ nɛ ma kɔnɔ to be mmalga gba du. Kusɔ kama nɛ ŋ kaŋɛ, aloŋ gbagba e naa wora.

Jɛremaya 4:28

Durnya to beeŋ ki fanɛ b kaa bee shu keeli na, nɛ esoso e ki m biri to. Ŋkpal manɛ so, Enyɛnpe Ebɔrɛ na teŋ malga, mo alɛ maaŋ chɛrga mbe nfɛra n leŋi kamalga na. E teŋ yili kusɔ nɛ e beeŋ wora, mo alɛ maaŋ yige kusɔ nɛ e yili na be kewora.

Danɛl 4:28

Le be asheŋ ere kikɛ daŋ wora m bɔla so nna.

Hoziya 11:9

M maaŋ naŋ kaa agbo m mur Israɛlebi kikɛ; ŋkpal manɛ so, n la Ebɔrɛ nna, mannɛ dimɛdi. N la Ebɔrɛ nɛ n du cheembi nna a wɔ bumo to. M maaŋ kaa agbo m ba bumo so kikɛ.

Maika 7:20

Feeŋ lara fo kashenteŋji nɛ kasha nɛ k maa loge na ŋ ŋini fo basa nɛ b la an nananyɛnana Eebraham nɛ Jeekɔb be kaman to ebi na, fanɛ kananɛ fo chɛr n nase kumo be kɔnɔ n sa bumo na.

Habakuk 2:3

Ŋkpal manɛ so, kelaraŋŋini ere bee jo kumo be jemanɛ nna. Kusɔ nɛ k beeŋ wora lalaloge be nchɛ to na be asheŋ nɛ k bee ji. Kumo alɛ maaŋ baa la efɛsheŋ kikɛ. Kewora fanɛ k bee chɛr nna, ama baa kraa jo. Kanaŋ kama nɛ asheŋ du k beeŋ wora m bɔlɔ so.

Malakai 3:6

Ma e la Enyɛnpe Ebɔrɛ nɛ maa chɛrga kikɛ na. Amoso menyi nɛ men la Jeekɔb be kaman to ebi na maaŋ mur cheche.

Nɔmbɛs 14:35

Menyi basa lubi nɛ men chala a fubel a bile asheŋ a malga a gbiti ma ere kikɛ beeŋ wu n dese keshishɛrsawule ere so. Ma Enyɛnpe Ebɔrɛ na e malga na.”

Nɔmbɛs 23:18

Nɛ Balaam kaŋɛ: “Ewura Balak kaŋ kusoe n nu nfe! Zippɔ pibi Ewura Balak nu nfe.

Luuk 21:33

Ebɔrɛso nɛ kasawule kikɛ beeŋ ba mur, ama ma mmalga maa ba nɛ a ba mur kikɛ.

Romebi 11:29

Ŋkpal manɛ so, Ebɔrɛ be kakɛ nɛ mbe ketre esa a sa mbe kumu maa chɛrga.

Romebi 9:6

Kede maa ŋini fanɛ Ebɔrɛ be kɔnɔ naseso na maŋ tiŋ m bɔla ekpa nna, ŋkpal manɛ so, mannɛ Israɛl be efuli so ebi kikɛ e la Ebɔrɛ be basa laraso.

2 Timoti 2:13

Nɛ anyi ere kɔ nnɔkilgi gba, mo ere maŋ kɔ kɔnɔkilgi, ŋkpal manɛ so, e maaŋ tiŋ n wora asheŋ n da mbe da so.

Taites 1:2

nɛ kumo be tama wɔ kenya ŋkpa nɛ k maŋ kɔ ekar na to na. Kumo be kɔnɔ nɛ Ebɔrɛ nase pɔɛŋ nɛ kusɔ kikɛ fara na. Mo alɛ maa ku efɛ kikɛ.

Hibruwebi 6:18

Naniere an nya asɔ anyɔ nɛ a maaŋ tiŋ n chɛrga, ŋkpal manɛ so, Ebɔrɛ maaŋ tiŋ ŋ ku efɛ kikɛ. Asɔ anyɔ na so nɛ anyi nɛ an shuli m mata Ebɔrɛ na beeŋ nya kagbene a kɔ kumɔlga be tama nɛ k wɔ anishito na to kpakpa.

Hibruwebi 7:21

Ama Yesu bre, ntaŋ so nɛ e daŋ bɔla ŋ ki bɔrɛmatapo saŋɛ nɛ Ebɔrɛ daŋ kaŋɛ fanɛ: “Ma, Enyɛnpe bɔ ntaŋ, ma alɛ maaŋ chɛrga ma nfɛra fanɛ feeŋ baa la bɔrɛmatapo mbaanaayɔ na.”

Jeems 1:17

Kelela be yiri kikɛ nɛ kakɛ lela kikɛ bee shi ebɔrɛso nna a ba. Ebɔrɛ nɛ e to kefulto na kutɔ nɛ asɔ na kikɛ bee shi a ba. Ebɔrɛso be kefulto bee kaa chɛrga a bar tentembiri, ama Ebɔrɛ bre maa chɛrga kikɛ.

Jeems 4:5

Ŋko menyee tama fanɛ abɔrɛsibɛ na ka bee kaŋɛ fanɛ: “Ebɔrɛ be kenishi pere kiyoyu nɛ e ta n wɔtɔ anyi to na so ga na,” maŋ kɔ kifi nna a?

Joshuwa 21:45

Enyɛnpe Ebɔrɛ be nnɔ nɛ e daŋ nase n sa Israɛlebi na kikɛ daŋ bɔlɔ so nna.

1 Samuɛl 15:29

Israɛl be Ebɔrɛ nɛ e kɔ kemaŋkura na maa ku efɛ ŋko a chɛrga mbe nfɛra, ŋkpal manɛ so, e maŋ la dimɛdi.”

1 Samuɛl 3:12

Loŋ be kachɛ na ma kasogberge nɛ ŋ kaŋɛ fanɛ meeŋ sa Eli nɛ mbe laŋ to ebi kikɛ na beeŋ bɔlɔ so le chap.