Nɔmbɛs 23:13 - EBƆRƐ BE KAWƆL

¹³ Nɛ Ewura Balak kaŋɛ mo: “Shin nɛ an yɔ kaboŋ pɔtɛ nɛ fo ya wu Israɛlebi na be gbrɛbi nɛ b maŋ fo bumo nɛ fo wu na so, saŋɛ na so feeŋ sho bumo kɔnɔ n sa ma.”

Nɔmbɛs 23:13 ပူးပေါင်းရင်းမြစ်များ

1 Bewura 20:23

Nɛ ewura Bɛnhadad be benimuana malɛ kaŋɛ mo le: “Abee so nɛ Israɛlebi na be agbir wɔ, amoso nɛ b tiŋ ŋ kɔ m pɔɔ anyi so abee so na. Nɛ an baŋ kɔ bumo keplasawule, anyeeŋ pɔɔ bumo so.

1 Bewura 20:28

Nɛ anebi na yɔ ewura Ahab kutɔ n ya kaŋɛ mo le: “Enyɛnpe Ebɔrɛ yɛ, ŋkpal Siriyaebi ka kaŋɛ fanɛ n la abee so be ebɔrɛ nna nsaa maŋ tre ma kepla so be ebɔrɛ na so, meeŋ shin nɛ men kɔ m pɔɔ bumo be benapo damta ere so nɛ fo nɛ fo basa e pin fanɛ ma e la Enyɛnpe na kashenteŋto.”

Nshɛ 109:17

E daa sha kebaasho basa kɔnɔ nna; amoso shin nɛ kɔnɔsho e pɛ mo alɛ gba. E daŋ kishi basa ga; amoso mo alɛ gba maaŋ nya nɛfa!

Maika 6:5

Ma basa, men baa nyiŋi kusɔ nɛ Mowab be ewura Balak daŋ kre kewora menyi nɛ kusɔ nɛ Biyɔɔ pibinyɛn Balaam daŋ kaŋɛ mo a laŋɛ menyi be kaplɛa so na. Men naŋ nyiŋi asheŋ nɛ e wora saŋɛ nɛ men lar Shitim a yɔ Gilgaal na nseŋ nyiŋi kananɛ ma, Enyɛnpe Ebɔrɛ na mɔlga menyi ale damta.”

Nɔmbɛs 22:41

Ŋklade kachipurso nɛ Ewura Balak keta Balaam n dii n yɔ Bamɔf Baal, kakpa nɛ Balaam beeŋ tiŋ n wu Israɛlebi na be beko.

Nɔmbɛs 22:6

B kɔ eleŋ a chɔ anyi ga, amoso jande, ba sho bumo kɔnɔ n sa ma. Ashere loŋ e naaŋ shin nɛ an tiŋ m pɔɔ bumo so nseŋ ju bumo ashi anyi be kasawule ere so. M baa nyi geeŋ fanɛ fo baŋ nɛfa basa, baa nya nɛfa nna, fo naŋ sho basa kɔnɔ, kɔnɔsho bee pɛ bumo nna.”

Nɔmbɛs 23:12

Nɛ Balaam kaŋɛ: “Kusɔ nɛ Enyɛnpe Ebɔrɛ kaŋɛ fanɛ ŋ kaŋɛ nɛ meeŋ kaŋɛ.”

Nɔmbɛs 23:14

Ndoŋ nna nɛ e keta Balaam n yɔ Zɔfim be ndɔ to be kebeegboŋ nɛ baa tre Pisga na be esoso n ya pɔr ebɔrɛsure ashunu ndoŋ gba, nseŋ mɔ gbolu nɛ kpakpa amo be kekama so n lara sarga.

Joshuwa 24:9

Zippɔ pibinyɛn Balak nɛ e la Mowab be efuli so be ewura na ka daŋ wora shiriya nɛ e ya kɔ Israɛl kena, e daŋ shuŋi Biyɔɔ pibinyɛn Balaam nna fanɛ e ya sho menyi kɔnɔ.