Nɔmbɛs 22:6 - EBƆRƐ BE KAWƆL

⁶ B kɔ eleŋ a chɔ anyi ga, amoso jande, ba sho bumo kɔnɔ n sa ma. Ashere loŋ e naaŋ shin nɛ an tiŋ m pɔɔ bumo so nseŋ ju bumo ashi anyi be kasawule ere so. M baa nyi geeŋ fanɛ fo baŋ nɛfa basa, baa nya nɛfa nna, fo naŋ sho basa kɔnɔ, kɔnɔsho bee pɛ bumo nna.”

Nɔmbɛs 22:6 ပူးပေါင်းရင်းမြစ်များ

Jɛnesis 12:3

Bekama malɛ nɛ b nɛfa fo, ma alɛ gba beeŋ nɛfa bumo. Ama ekama nɛ e sho fo kɔnɔ, ma alɛ gba beeŋ sho amodoŋwura kɔnɔ. Fo so nɛ meeŋ bɔla n nɛfa durnya to ebi kikɛ.”

Jɛnesis 27:29

Ebɔrɛ e shin nɛ efuli pɔtɛana be basa e ba kaa bunyaŋ fo nɛ basa be nnanto e baa gbir fo kumuli. Baa la fo sipoana kikɛ be ewura n shin nɛ fo nio be bibinyɛn kikɛ e ba kaa gbir fo kumuli. Ebɔrɛ e shin nɛ bekama nɛ baaŋ sho fo kɔnɔ e nya kɔnɔsho nɛ bekama malɛ nɛ b nɛfa fo e nya nɛfa.”

1 Bewura 22:13

Esa nɛ e daŋ yɔ Mikaya kutɔ na daŋ ya kaŋɛ mo nna le: “Anebiana na kikɛ daŋ wu ŋ kaŋɛ nna fanɛ ewura na beeŋ kɔ m pɔɔ so, amoso fo alɛ gba e ya kaŋɛ loŋ.”

1 Bewura 22:6

Ndoŋ nna nɛ ewura Ahab tre anebiana alfa ana, m bishi bumo le: “N ya kɔ Ramɔfebi kena ŋko n sa maŋ yɔ?” Nɛ bumo alɛ kaŋɛ le: “Ya kɔ kumo, ŋkpal manɛ so Enyɛnpe Ebɔrɛ na beeŋ shin nɛ fo kɔ n sɔ kumo.”

1 Bewura 22:8

Nɛ ewura Ahab kaŋɛ le: “Ekoŋwule ko kraa wɔtɔ nɛ anyeeŋ tiŋ n wu mo, mo e la Imla pibinyɛn Mikaya ama ŋ kishi mbe asheŋ ga ŋkpal manɛ so kusɔ kama nɛ e wu ŋ kaŋɛ ma maa walɛ.” Nɛ Jehoshafat kaŋɛ: “Sa maŋ kaŋ kaŋɛ loŋ!”

Nehemaya 13:2

Ŋkpal manɛ so b daŋ kini kesa Israɛl be basa ajibi nɛ nchu nna nseŋ naŋ ber Balaam paa fanɛ e shoduu bumo jemanɛ nɛ Ebɔrɛ daŋ lara bumo n shi Ijipt be efuli so a yɔ Keenan be kasawule so nɛ b ya kɔ n sɔ kasawule na. Ama anyi be Ebɔrɛ na daŋ kilgi Balaam be shoduu na nna ŋ ki nɛfa n sa anyi.

Nshɛ 109:28

Bumo ere beeŋ tiŋ n shoduu ma, ama fo ere bee nɛfa ma nna. Nɛ bedoŋ bee kɔ ma gba, fo maaŋ shuli nɛ b pɔɔ ma so; fo alɛ beeŋ shin nɛ ma, nɛ n la fo kayɛrbi na, be kagbene e fuli ma.

Aŋasa 26:2

Kɔnɔsho nɛ k maŋ bɛ ekpa so maaŋ tiŋ m pɛ esa. K du nna fanɛ mbuibi ka firgi a choŋ na.

Ezikɛl 13:6

Bumo be ebɔrɛdare nɛ baa ku na kikɛ maŋ la kashenteŋ. Bumo be asheŋ nɛ baa kaŋɛ fanɛ a beeŋ wora na kikɛ la efɛ nna. Baa kaŋɛ nna fanɛ ma kubɔya nɛ baa malga, ama ma alɛ maaŋ shuŋi bumo. Amo nɛ amo kikɛ, baa sha fanɛ bumo be mmalga e baa la kashenteŋ nna.

Maika 6:5

Ma basa, men baa nyiŋi kusɔ nɛ Mowab be ewura Balak daŋ kre kewora menyi nɛ kusɔ nɛ Biyɔɔ pibinyɛn Balaam daŋ kaŋɛ mo a laŋɛ menyi be kaplɛa so na. Men naŋ nyiŋi asheŋ nɛ e wora saŋɛ nɛ men lar Shitim a yɔ Gilgaal na nseŋ nyiŋi kananɛ ma, Enyɛnpe Ebɔrɛ na mɔlga menyi ale damta.”

Nɔmbɛs 22:12

Nɛ Enyɛnpe Ebɔrɛ kaŋɛ Balaam le: “Sa maŋ kaŋ tu basa ere n yɔ, fo alɛ maŋ kraa sho Israɛlebi na kɔnɔ, ŋkpal manɛ so ma nɛfa wɔ bumo so nna.”

Nɔmbɛs 22:17

E yɛ e beeŋ ka fo kukɔ nseŋ naŋ sa fo kusɔ kama nɛ fee sha n ti so. Amoso jande, ba sho basa na kɔnɔ.”

Nɔmbɛs 23:13

Nɛ Ewura Balak kaŋɛ mo: “Shin nɛ an yɔ kaboŋ pɔtɛ nɛ fo ya wu Israɛlebi na be gbrɛbi nɛ b maŋ fo bumo nɛ fo wu na so, saŋɛ na so feeŋ sho bumo kɔnɔ n sa ma.”

Nɔmbɛs 23:27

Nɛ Ewura Balak kaŋɛ le: “Ba, nɛ n naŋ keta fo n yɔ kaboŋ ko. Ashere ndoŋ bre beeŋ bɔlɔ Ebɔrɛ kenishi nɛ e shin nɛ fo sho bumo kɔnɔ n sa ma.”

Nɔmbɛs 24:9

Bumo be efuli du nna fanɛ buluŋ lempo na. K baa di, wanɛ e naaŋ tiŋ n ya tiŋi kumo. Esa kama nɛ e nɛfa Israɛl, gba bee nya nɛfa nna; Esa kama malɛ nɛ e sho Israɛl kɔnɔ, bee nya kɔnɔsho nna.”

Ashuŋ Shunso 16:16

Kachako an ka bee yɔ kabɔrɛkulekpa nɛ kebichebi ko nɛ kiyoyu lubi ko daa wɔ mo to a shin nɛ e daa wu asheŋ a kaŋɛ na tu anyi. Mbe kewu asheŋ ŋ kaŋɛ na daa shin nɛ e daa nya amansherbi damta ga nna a sa mo nyɛnpeana.

Ditɛronɔmi 23:4

Ŋkpal manɛ so, b daŋ kini kesa menyi ajibi nɛ nchu jemanɛ nɛ men daŋ lar Ijipt be efuli so a ba na nna. Kumo be kaman nɛ b ya haya kanyɛn nɛ baa tre Balaam nɛ e la Biyɔɔ pibinyɛn na nseŋ shi kadegboŋ nɛ baa tre Peto ashi Mɛsopoteemia be efuli so na fanɛ e ba sho menyi kɔnɔ.

Joshuwa 24:9

Zippɔ pibinyɛn Balak nɛ e la Mowab be efuli so be ewura na ka daŋ wora shiriya nɛ e ya kɔ Israɛl kena, e daŋ shuŋi Biyɔɔ pibinyɛn Balaam nna fanɛ e ya sho menyi kɔnɔ.

1 Samuɛl 17:43

ŋ kaŋɛ Deevid le: “Jɔnɔ e la ma nɛ fee ta ndibi a ba ŋ kutɔ a?” Nɛ e melgi Deevid n sa Filistiebi na be agbir.