Nɔmbɛs 22:36 - EBƆRƐ BE KAWƆL

³⁶ Ewura Balak ka nu fanɛ Balaam bee ba, nɛ e yɔ nɛ e ya shɛr mo to ashi kade nɛ baa tre Ar nɛ k wɔ Aanɔn be lɔr be ekarso ashi Mowab be kasawule be ekarso na.

Nɔmbɛs 22:36 ပူးပေါင်းရင်းမြစ်များ

Jɛnesis 14:17

Eebram ka daŋ ya kɔ m pɔɔ Kedɔrlawomer nɛ bewura nɛ b daŋ chɛ mo to a kɔ na so, nseŋ bɛta a ba na, nɛ Sodɔm be ewura daŋ ya shɛr mo to ashi Shave be Ketaŋɛ nɛ baa tre Bewura be Ketaŋɛ na to.

Jɛnesis 18:2

Eebraham daa baŋ maŋ kumu so nna nɛ e keni nseŋ wu benyɛn asa ko kaa yil. E ka wu bumo, epul na to nɛ e shile n lar kowu n ya shɛr bumo to ŋ jɔŋɛ bumo ase

Jɛnesis 46:29

nɛ Josɛf bela ase n luri mbe gbaŋɛturko to m pɛ ekpa nɛ e ya tu mo tuto Jeekɔb ndoŋ. Josɛf ka wu mo tuto nɛ e ya ber mo to m pɛ mo to nseŋ shu n chɛr ga.

Ɛksodɔs 18:7

Ndoŋ nna nɛ Mosis lar n ya shɛr mo shanyɛn Jetro to nseŋ jɔŋɛ mo ase bunyanso. B ka chɔrɔ abar n loge nɛ b keta abar n luri Mosis be wajɛbu to.

Aizaaya 16:2

Mowab be beche nɛ baa dii lɔr nɛ baa tre Aanɔn na du fanɛ mbuibi nɛ b jija bumo be asha to nna.

Jɛremaya 48:20

Baaŋ kaŋɛ menyi le: “Mowabebi kɔ kena n tɔr nna! Men shu n sa bumo. B ji anishinyɔr. Men ber kumo be kebomboŋ ashi Aanɔn be Lɔr na be ekarso, fanɛ Mowab be efuli na mur!

Nɔmbɛs 22:35

Nɛ malaika na kaŋɛ: “Fo nɛ Ewura Balak be benimuana ere e baa yɔ, ama ya malga kusɔ nɛ meeŋ kaŋɛ fo na nawule.” Ndoŋ nna nɛ Balaam tu bumo n yɔ.

Nɔmbɛs 22:37

Nseŋ kaŋɛ mo le: “Manɛ nna nɛ n shuŋi n tre fo sososo na nɛ fo kini keba? Ŋko fee fɛ fanɛ maaŋ tiŋ ŋ ka fo nɛnɛ nna a?”

Ashuŋ Shunso 28:15

Bekurgepo nɛ b wɔ Rom na ka nu anyi be asheŋ nɛ b lege anyi m ba hale Apias be Kebɛ nɛ kakpa nɛ baa tre Befɔ be Ewushikpa be Nwu Asa na. Pɔɔl ka wu bumo nɛ e nya kenyɛn chɔrɔ Ebɔrɛ ga.

Ditɛronɔmi 2:24

An ka bɔla Mowabebi be kasawule so n choŋ na be kaman, nɛ Enyɛnpe Ebɔrɛ naŋ kaŋɛ anyi le: “To, men fara n dii lɔr nɛ baa tre Aanɔn na. Mee ta Amɔriebi be ewura nɛ e wɔ Hɛshbɔn nɛ baa tre mo Sihɔn nɛ mbe efuli a bɔɔ menyi enɔ nna. Amoso, men yɔ n ya kɔ mo nseŋ sɔ kasawule na n chena so.

Ditɛronɔmi 3:8

“Kasawule nɛ k dese Lɔr nɛ baa tre Jɔɔdan na be epeŋilarkpa be kaba so na nɛ an daŋ suge ashi Amɔriebi be bewura anyɔ na kutɔ. Bumo be nsawule daŋ yili lɔr nɛ baa tre Aanɔn nɛ k wɔ kelargato be kaseto na nna n ya fo kebeegboŋ nɛ baa tre Hɛɛmɔn nɛ k wɔ kelargato be esoso na ase na nna.

Demujipoana 11:18

Kumo be kaman nɛ b koso m bɔla keshishɛrsawule na so ŋ gelge Edɔm nɛ Mowab be nsawule hale n ta n ya lar Aanɔn be lɔr be kaba ndoŋ a laŋɛ Mowab be epeŋilarkpa be kaba so. B daŋ maŋ luri Mowab be kasawule so, ŋkpal manɛ so, Aanɔn be lɔr na e la kumo be egbaŋ to.

1 Samuɛl 13:10

E baa lara sarga chɔɔso na nna a loge nɛ Samuɛl nde. Nɛ Sɔɔl shɛr mo to n wora mo ansaŋ nɛ keba.