Nɔmbɛs 22:32 - EBƆRƐ BE KAWƆL

³² Nɛ malaika na kaŋɛ Balaam le: “Manɛ nna nɛ fo bri fo kurma ale asa kikɛ? M ba nna nɛ m ba kuŋ fo ekpa nɛ fo maaŋ yɔ fo enite ere to.

Nɔmbɛs 22:32 ပူးပေါင်းရင်းမြစ်များ

Nshɛ 145:9

Enyɛnpe Ebɔrɛ na bee wora ekama kelela nsaa kɔ kashagboŋ a sa mbe asɔ to so kikɛ nna.

Nshɛ 147:9

Mo e naa sa asɔbɔya kusɔ jiso nsaa bela ejɔnɔkoso fɔlbi jemanɛ kikɛ nɛ a shu n tre mo.

Nshɛ 36:6

Fo asheŋ woraso niŋi ekpa nna nsaa du fanɛ kebeegboŋ nɛ k maa gbuŋgbuŋ na. Kananɛ fee mige basa be asheŋ to a ji asheŋ nɛ amo be ekpa so du chiŋgeliŋ fanɛ teku nna. Fo enɔ to nɛ edimɛdi nɛ asɔbɔya kikɛ wɔ.

Aŋasa 14:2

Basa nɛ bumo be asheŋ wora so niŋi bee ŋana Ebɔrɛ nna, ama esa kama nɛ e maa wora asheŋ niŋiso maa sa Ebɔrɛ bunyaŋ.

Aŋasa 16:2

Dimɛdi beeŋ fɛ fanɛ mbe asheŋ woraso walɛ, ama Enyɛnpe Ebɔrɛ nawule e nyi kusɔ nɛ k walɛ.

Aŋasa 28:18

Kashenteŋji bee kuŋ esa nna, ama esa nɛ e maŋ niŋi bre bee tɔr manaŋ manaŋ nna.

Aŋasa 28:6

Kebaa la etirpo nsaa ji kashenteŋ bɔ kebaa la damawura fɛpo.

Jona 4:11

Basa nɛ b chɔ ŋgboŋ kalfa nɛ adunyɔ nɛ b maŋ nyi bumo be bena nɛ jiso, n ta asɔbɔya damta gba n ti so e wɔ Ninɛve be kadegboŋ na to. A maŋ daga bumo be asheŋ ka tir ma a?”

Maika 6:5

Ma basa, men baa nyiŋi kusɔ nɛ Mowab be ewura Balak daŋ kre kewora menyi nɛ kusɔ nɛ Biyɔɔ pibinyɛn Balaam daŋ kaŋɛ mo a laŋɛ menyi be kaplɛa so na. Men naŋ nyiŋi asheŋ nɛ e wora saŋɛ nɛ men lar Shitim a yɔ Gilgaal na nseŋ nyiŋi kananɛ ma, Enyɛnpe Ebɔrɛ na mɔlga menyi ale damta.”

Nɔmbɛs 22:20

Kumo be kanyɛso nɛ Ebɔrɛ kaŋɛ Balaam le: “Meeŋ shin nɛ fo tu Ewura Balak be mbɔ na n yɔ Mowab, ama ya wora kusɔ kama nɛ meeŋ kaŋɛ fo.”

Nɔmbɛs 22:22

Balaam daŋ dii mbe kurma nna nɛ mbe nyɛrbi anyɔ ko tu mo a yɔ Mowab, nɛ Ebɔrɛ nya agbo ŋkpal Balaam ka daŋ tu basa na a yɔ so nseŋ shin nɛ mbe malaika ya kuŋ mo akpa.

Nɔmbɛs 22:28

Ndoŋ nna nɛ Enyɛnpe Ebɔrɛ shin nɛ kurma na malga Balaam kutɔ ŋ kaŋɛ le: “Manɛ nɛ n wora fo nɛ fo bri ma ale asa kikɛ?”

Nɔmbɛs 22:33

Fo kurma na wu ma nna nseŋ gbɛ ma ale asa kikɛ. Kurma na daa maŋ gbɛ ma nna, dafanɛ m mɔ fo n yige kumo ere.”

Nɔmbɛs 22:35

Nɛ malaika na kaŋɛ: “Fo nɛ Ewura Balak be benimuana ere e baa yɔ, ama ya malga kusɔ nɛ meeŋ kaŋɛ fo na nawule.” Ndoŋ nna nɛ Balaam tu bumo n yɔ.

Ashuŋ Shunso 13:10

“Setani pibi ere. Fo la kelela be yiri kikɛ be edompo nna. Kafule be kulubi be yiri kikɛ e baŋ bɔlɔ fo to nɛ saŋkama fee kɔ a fin keta Enyɛnpe be nshenteŋ ŋ ki efɛ.

Ditɛronɔmi 23:4

Ŋkpal manɛ so, b daŋ kini kesa menyi ajibi nɛ nchu jemanɛ nɛ men daŋ lar Ijipt be efuli so a ba na nna. Kumo be kaman nɛ b ya haya kanyɛn nɛ baa tre Balaam nɛ e la Biyɔɔ pibinyɛn na nseŋ shi kadegboŋ nɛ baa tre Peto ashi Mɛsopoteemia be efuli so na fanɛ e ba sho menyi kɔnɔ.

Ditɛronɔmi 25:4

Men sa maa kre kena nɛ men kɔ a bri ayu be kɔnɔ so.