Nɔmbɛs 22:31 - EBƆRƐ BE KAWƆL

³¹ Nɛ Enyɛnpe Ebɔrɛ bugi Balaam be anishi nɛ e wu malaika na ka keta tokobi a yil ekpa na to. Ndoŋ nna nɛ Balaam kurgi kumu n yuu kasawule.

Nɔmbɛs 22:31 ပူးပေါင်းရင်းမြစ်များ

Jɛnesis 21:19

Kamalga ere be kaman nɛ Ebɔrɛ shin nɛ Heega wu ketirbu ko nɛ k kɔ nchu nɛ e ya jɔ amo m bɔlɔ deŋkeŋ na m ba sa kebia na nɛ e nuu.

1 Kronikɛls 21:16

Deevid ka wu malaika na ka wɔ esoso ŋ keta mbe tokobi nɛ e mur Jerusalɛm na, nɛ mo nɛ Israɛl be bejuŋkparpoana nɛ b buu kagbenejijaso be asɔbuuso na tɔr epun so n dese kasawule.

Nshɛ 9:20

Enyɛnpe Ebɔrɛ, shin nɛ kufugboŋ e tɔr efuli pɔtɛana na so, nɛ b pin fanɛ b la edimɛdi nna ashi fo anishito.

Ɛksodɔs 34:8

Epul na to nɛ Mosis gbir m bunyaŋ Ebɔrɛ na

Nɔmbɛs 22:30

Ndoŋ nna nɛ kurma na kaŋɛ mo le: “Manɛ ma nɛ fee dii nfɛ damta ere kikɛ na a? Fo daŋ wu ŋ ka wora fo le kikɛ a?” Nɛ Balaam kaŋɛ: “M-m.”

Nɔmbɛs 24:16

Mo e naa nu Ebɔrɛ be mmalga nsaa pin amo to; Mo e kɔ nfɛra nɛ k shi Enyɛnpetale Ebɔrɛ na kutɔ, nsaa nya kewuŋkaŋɛ Enyɛnpetale Ebɔrɛ na kutɔ, nsaa tɔr kasawule a bunyaŋ mo na.

Nɔmbɛs 24:4

nsaa nu kusɔ nɛ Ebɔrɛ bee kaŋɛ na. Ma anishi yil nna nɛ k wora ma lemm fanɛ edare na nɛ n nya bɔrɛdare ashi Enyɛnpe Ebɔrɛ kutɔ.

Luuk 24:16

Ama bumo be anishi daŋ ki nna gbrum nɛ b maŋ tiŋ m pin mo.

Luuk 24:31

Ndoŋ nna nɛ bumo be anishi bugi nɛ b pin mo nɛ e foe bumo to epul na to.

Baru lela nɛ Jɔn kute na 18:6

Yesu ka daŋ kaŋɛ fanɛ: “Ma nna na” na, b daŋ lar kamanto nna gbrɛ n tɔr kasawule.

Ashuŋ Shunso 26:18

Ya bugi bumo be anishi n shin nɛ b lar bumo be tentembiri na to m ba kefulto to. Shin nɛ b lar Setani be eleŋ to m ba Ebɔrɛ peya to n shin nɛ b yirda ma nɛ n ta bumo be alubi m paŋ bumo nɛ b nya bumo be kakpa ashi Ebɔrɛ be basa laraso na to.’

Joshuwa 5:13

Joshuwa ka bee taga to Jɛriko na, epul to nɛ e wu kanyɛn ko ka yili mbe anishito a kɔ tokobi to. Ndoŋ nna nɛ e ya bishi mo le: “Fo alɛ gba la anyi to be eko nna ŋko anyi doŋ e la fo?”

Joshuwa 5:14

Nɛ kanyɛn na kaŋɛ le: “M maŋ la amo be kekama. Enyɛnpe Ebɔrɛ be benapo be enimu e la ma, nɛ m ba.” Ndoŋ nna nɛ Joshuwa gbir m bunyaŋ mo nseŋ kaŋɛ le: “Fo kenya e la ma, manɛ nɛ fee sha fanɛ n wora?”