Nɔmbɛs 22:23 - EBƆRƐ BE KAWƆL

²³ Balaam be kurma na ka wu malaika ka keta tokobi a yil ekpa na to, nɛ k gbɛ n luri adɔ to. Nɛ Balaam bri kumo nɛ k bɛta m ba ekpa to.

Nɔmbɛs 22:23 ပူးပေါင်းရင်းမြစ်များ

2 Bewura 6:17

Kumo be kaman nɛ Elaisha kule ŋ kaŋɛ: “O Enyɛnpe Ebɔrɛ bugi mbe anishi nɛ e wu kusɔ nɛ k wɔtɔ.” Nɛ Enyɛnpe Ebɔrɛ nu Elaisha be kekule nseŋ bugi mbe kayɛrbi be anishi nɛ e maŋ kumu so ŋ keni nɛ egbaŋɛ nɛ egbaŋɛturko nɛ e bee suse edɛ kulti Elaisha n wɔtɔ kebee na so kikɛ.

1 Kronikɛls 21:16

Deevid ka wu malaika na ka wɔ esoso ŋ keta mbe tokobi nɛ e mur Jerusalɛm na, nɛ mo nɛ Israɛl be bejuŋkparpoana nɛ b buu kagbenejijaso be asɔbuuso na tɔr epun so n dese kasawule.

Jɛremaya 8:7

Etɔkɔrkɔ nyi jemanɛ nɛ a daga e bɛta m ba nɛ elepɔ nɛ abɔrɛpɔpɔbi nɛ etitibi gba nyi jemanɛ ka chɛrga nɛ a daga e naŋ yɔ efuli pɔtɛ so. Ama menyi, nɛ men la ma basa na, maŋ nyi mbra nɛ ŋ kɔ a keni menyi so.

Danɛl 10:7

N nawule e daŋ wu esa na ashi bɔrɛdare na to. Basa nɛ ma nɛ bumo daa la na bre daa maŋ wu mo, ama kufu daŋ pɛ bumo alegaiso nna nɛ b shile n ya ŋana.

Nɔmbɛs 22:22

Balaam daŋ dii mbe kurma nna nɛ mbe nyɛrbi anyɔ ko tu mo a yɔ Mowab, nɛ Ebɔrɛ nya agbo ŋkpal Balaam ka daŋ tu basa na a yɔ so nseŋ shin nɛ mbe malaika ya kuŋ mo akpa.

Nɔmbɛs 22:24

Ndoŋ nna nɛ malaika na naaŋ ya yili ekpa mɔebi, nɛ k dese asɔrso nɛ baa tre greep na be adɔana anyɔ nɛ b pɔr ajembu be egbal ŋ kulti na be nferinto.

Ashuŋ Shunso 22:9

Ma nɛ basa nɛ b daa la na daŋ wu kefulto na, ama b daa maŋ nu esa nɛ e daŋ malga n sa ma na be ebɔl na.

Joshuwa 5:13

Joshuwa ka bee taga to Jɛriko na, epul to nɛ e wu kanyɛn ko ka yili mbe anishito a kɔ tokobi to. Ndoŋ nna nɛ e ya bishi mo le: “Fo alɛ gba la anyi to be eko nna ŋko anyi doŋ e la fo?”

2 Pita 2:16

Mo e la esa nɛ kurma nɛ k la kusɔbɔya a maa malga, ama kumo alɛ nseŋ daŋ malga fanɛ dimɛdi n fiɛ mo so na. Mbe alubi so nɛ kurma na daŋ wora loŋ n shin nɛ mo ere anebi na lar mbe ebonsheŋ na to.

Juud 1:11

Cha, asheŋ maaŋ nyalɛ n sa bumo kikɛ, ŋkpal manɛ so, ekpa nɛ Keen daŋ ta na nɛ b bɛ so na. Ŋkpal amansherbi so b luri alubi to fanɛ kananɛ Balaam daŋ wora na. B daŋ ji kenimu kikɛ emɔrɔ fanɛ kananɛ Koora daŋ wora na, amoso, bumo alɛ gba beeŋ mur fanɛ mo.