Nɔmbɛs 22:12 - EBƆRƐ BE KAWƆL

¹² Nɛ Enyɛnpe Ebɔrɛ kaŋɛ Balaam le: “Sa maŋ kaŋ tu basa ere n yɔ, fo alɛ maŋ kraa sho Israɛlebi na kɔnɔ, ŋkpal manɛ so ma nɛfa wɔ bumo so nna.”

Nɔmbɛs 22:12 ပူးပေါင်းရင်းမြစ်များ

Jɛnesis 12:2

Meeŋ shin nɛ fo ki kanaŋgboŋwura nsaa kɔ efuligboŋ. Meeŋ nɛfa fo n shin nɛ fo ketre e dii, nɛ fo ki nɛfa n sa basa kikɛ.

2 Kronikɛls 31:10

nɛ bɔrɛmatapo nimuso Azariya nɛ e la Zadɔk be kaman to ebi be esa na kaŋɛ mo le: “Baŋ yili saŋɛ so nɛ basa na fara a bar bumo be ŋkɛ bɔrɛlambu to na, an bee nya ajibi nna a ji yɛlyɛla so. An daa nya amo kikɛ nna ŋkpal Enyɛnpe Ebɔrɛ na ka nɛfa mbe basa so. Keni amo be amo nɛ a ka.”

Nshɛ 144:15

Kagbenefuli la bekama nɛ le be asheŋ bee wora bumo to na peya nna. Kagbenefuli la bekama nɛ bumo be Ebɔrɛ la Enyɛnpe Ebɔrɛ na peya nna.

Nshɛ 146:5

Enyɛnpe Ebɔrɛ nɛ e la an nananyɛn Jeekɔb be Ebɔrɛ na bee nɛfa ekama nɛ e yirda mo nseŋ ta mbe kumu n to mo so na nna.

Aizaaya 61:9

Bumo be ketre beeŋ dii a chɔ efuli pɔtɛana peya. Ekama nɛ e wu bumo beeŋ pin fanɛ b la basa nɛ Enyɛnpe Ebɔrɛ nɛfa nna.

Maika 6:5

Ma basa, men baa nyiŋi kusɔ nɛ Mowab be ewura Balak daŋ kre kewora menyi nɛ kusɔ nɛ Biyɔɔ pibinyɛn Balaam daŋ kaŋɛ mo a laŋɛ menyi be kaplɛa so na. Men naŋ nyiŋi asheŋ nɛ e wora saŋɛ nɛ men lar Shitim a yɔ Gilgaal na nseŋ nyiŋi kananɛ ma, Enyɛnpe Ebɔrɛ na mɔlga menyi ale damta.”

Nɔmbɛs 22:11

fanɛ basa ko e shi Ijipt be kasawule so m ba sɔ bumo be kasawule so kikɛ n chena. Amoso e bee sha nna fanɛ m ba sho bumo kɔnɔ n sa mo nɛ e tiŋ ŋ kɔ m pɔɔ so bumo so n ju bumo n lar mbe kasawule so.”

Nɔmbɛs 22:13

Kare ka chɛ kachipurso, nɛ Balaam koso n ya kaŋɛ Ewura Balak be mbɔ le: “Men bɛta n yɔ epe, ŋkpal manɛ so, Enyɛnpe Ebɔrɛ maŋ sa ma ekpa fanɛ n tu menyi n yɔ.”

Nɔmbɛs 22:6

B kɔ eleŋ a chɔ anyi ga, amoso jande, ba sho bumo kɔnɔ n sa ma. Ashere loŋ e naaŋ shin nɛ an tiŋ m pɔɔ bumo so nseŋ ju bumo ashi anyi be kasawule ere so. M baa nyi geeŋ fanɛ fo baŋ nɛfa basa, baa nya nɛfa nna, fo naŋ sho basa kɔnɔ, kɔnɔsho bee pɛ bumo nna.”

Nɔmbɛs 23:23

Kudur ŋko kegbaya be eleŋ kikɛ maŋ wɔtɔ nɛ k beeŋ tiŋ ŋ kɔ m pɔɔ Israɛl be efuli ere so, Basa beeŋ ji Israɛl be asheŋ be shɛda ŋ kaŋɛ le: ‘Men keni kusɔ nɛ Ebɔrɛ wora n sa mbe basa!’

Nɔmbɛs 23:3

Ndoŋ nna nɛ Balaam kaŋɛ Ewura Balak le: “Baa yil fo sarga ere ase nɛ n yɔ anishito n ya keni, Enyɛnpe Ebɔrɛ beeŋ ba ma kutɔ a? Saŋɛ na so meeŋ kaŋɛ fo kusɔ kama nɛ e lara ŋ ŋini ma, nseŋ dii n yɔ kebee na be kakpa nɛ ndibi nɛ afitiri maŋ wɔ na.”

Nɔmbɛs 23:8

Ama nuso nɛ meeŋ tiŋ n sho basa nɛ Ebɔrɛ nɛfa kɔnɔ, ŋko n shin nɛ basa nɛ Ebɔrɛ maŋ kaŋɛ fanɛ b mur, e mur?

Nɔmbɛs 24:9

Bumo be efuli du nna fanɛ buluŋ lempo na. K baa di, wanɛ e naaŋ tiŋ n ya tiŋi kumo. Esa kama nɛ e nɛfa Israɛl, gba bee nya nɛfa nna; Esa kama malɛ nɛ e sho Israɛl kɔnɔ, bee nya kɔnɔsho nna.”

Matiu 27:19

Pailat daŋ kraa tase demujikpa na nna nɛ mbe eche ta le be kubɔya n shoŋi mo: “Lara fo enɔ ashi kanyɛn na be asheŋ to, ŋkpal manɛ so, e la esa lela nna. Ŋ kaŋ ku mbe edare ndre kanyɛso, n ji awurfoŋ ga.”

Romebi 11:29

Ŋkpal manɛ so, Ebɔrɛ be kakɛ nɛ mbe ketre esa a sa mbe kumu maa chɛrga.

Ɛfesesebi 1:3

Men shin nɛ an chɔrɔ an Nyɛnpe Yesu Kristo be Ebɔrɛ nɛ e la mo Tuto na ga, ŋkpal manɛ so, e bɔla Kristo so n nɛfa anyi n ta abɔrɛsheŋ be kakɛ be yiri kikɛ ashi ebɔrɛso n sa anyi.

Ditɛronɔmi 2:7

Men baa nyiŋi kananɛ Enyɛnpe menyi be Ebɔrɛ na nɛfa menyi ashi asɔ kama nɛ men wora to. E keni menyi so jemanɛ nɛ men daa nite keshishɛrsawule palɛlɛ na so a kulti na. Menyi nɛ mo e daa la nfɛ adena ere kikɛ. Menyi alɛ daŋ nya kusɔ kama nɛ menyee sha.

Ditɛronɔmi 23:5

Ama Enyɛnpe menyi be Ebɔrɛ na daŋ maŋ nu n sa Balaam. Kusɔ nɛ e daŋ wora e la fanɛ e kilgi shoduu na nna ŋ ki nɛfa ŋkpal e ka bee sha menyi so.

Ditɛronɔmi 28:6

Enyɛnpe Ebɔrɛ na beeŋ nɛfa kusɔ kama nɛ menyeeŋ wora kikɛ.

Ditɛronɔmi 33:29

Israɛlebi, men be ŋgbene fuli pasaa! Ekama maŋ wɔtɔ e du fanɛ menyi. Enyɛnpe Ebɔrɛ na mɔlga menyi be efuli nna. Mo gbagba e naa kuŋ menyi nsaa kɔ a sa menyi. Mo koŋwule na e naa chɛ menyi to a shin nɛ menyee kɔ a pɔɔ so. Men doŋana beeŋ ba gbir ŋ kule fanɛ men wu bumo kuwɔr, nɛ men chichi bumo so m mata kasawule.”

Ditɛronɔmi 7:14

Enyɛnpe Ebɔrɛ na beeŋ nɛfa menyi a chɔ efuli kama so be basa ashi durnya ere to. Menyi to be enyɛn ŋko eche kama maaŋ ki egbentepo. Menyi be kusɔbɔya kama malɛ maaŋ fir.