Nɔmbɛs 21:26 - EBƆRƐ BE KAWƆL

²⁶ Hishbɔn daa la Amɔriebi be ewura Sihɔn be kadegboŋ nna. E daŋ kɔ Mowab be ewura ko kena nna n sɔ mbe kasawule n ya fo Aanɔn be lɔr na be kelargato be esoso be ekarso,

Nɔmbɛs 21:26 ပူးပေါင်းရင်းမြစ်များ

Sɔlɔmɔn 7:4

Fo kubɔ du shirembi nna fanɛ jebote be kenyii be ketempreŋ jeŋgreŋ na. Fo anishi bee kpa edɛ nna fanɛ Heshbɔn be kade to be nchu nɛ a dese m mata Baf Rabbin be kabunagboŋ na. Nɛ fo kamuna lar jurɔmbi fanɛ Lebanɔn be kebeegboŋ nɛ k shoŋi Damaskɔs be kaba so na.

Sɔlɔmɔn 7:5

Fo kumu wɔ esoso nna fanɛ kebeegboŋ nɛ baa tre kamɛl na. Nɛ fo emin walɛ nsaa nyɛkpɛ so nɛ bewura gba maa keni amo a moɛ.

Jɛremaya 48:2

Mowabebi, esa kikɛ maaŋ naaŋ maŋkura menyi. Bedoŋ bee kre keku menyi be ŋkpa so ashi men be kadegboŋ nɛ baa tre Hɛshbɔn na to. Kusɔ nɛ ma tokobi beeŋ wora e la keshin nɛ kakpa a wora shruum ashi kade nɛ baa tre Madmen na.

Jɛremaya 48:20

Baaŋ kaŋɛ menyi le: “Mowabebi kɔ kena n tɔr nna! Men shu n sa bumo. B ji anishinyɔr. Men ber kumo be kebomboŋ ashi Aanɔn be Lɔr na be ekarso, fanɛ Mowab be efuli na mur!

Jɛremaya 48:45

Basa nɛ b shile kena na daŋ shile n yɔ Hɛshbɔn nna, kadegboŋ nɛ ewura Sihɔn daŋ chena ndoŋ n ji kuwura dra dra na. B daa shile nna a mɔlga bumo be amu, ama b ka yɔ nɛ kadegboŋ na bee ji edɛ. Mowab be basa bee sha anasheŋ nna ga, ama edɛ na teŋ n ji bumo be ndekarso nɛ abee so kikɛ m mur.

Nɔmbɛs 21:25

Israɛlebi na daŋ sɔ Amɔriebi na be nde kikɛ nna n ta bumo be kadegboŋ nɛ baa tre Hishbɔn nɛ ndewurbi nɛ a kulti kumo na n ti so.

Nɔmbɛs 21:27

Amoso nɛ beshɛbompo bee boŋ kashɛ fanɛ: “Men ba Hishbɔn nɛ k la Sihɔn be kadegboŋ na to! Anyee sha kelɔnɛ m pɔr kumo nna n yili nɛnɛ.

Ditɛronɔmi 1:4

Pɔɛŋ nɛ Mosis malga bumo kutɔ na nɛ e tiŋ ŋ kɔ m pɔɔ Amɔriebi be ewura Sihɔn nɛ e chena kade nɛ baa tre Hɛshbɔn a ji kuwura na nɛ Bashan be ewura Ɔg nɛ mo alɛ bee ji kuwura nde nɛ baa tre Ashterɔf nɛ Edrei na so.

Joshuwa 13:16

Bumo be kasawule na dese n ya fo Arowa nɛ k wɔ Aanɔn be ketaŋɛ be kɔnɔ na, nɛ kade nɛ k wɔ ketaŋɛ na be kefɛato na hale n ya fo kedeŋiso be kasawule nɛ k dese Mɛdiba na,

Joshuwa 13:17

n ta Hishbɔn nɛ nde nɛ a wɔ kepreŋ so nɛ baa tre amo Dibɔn nɛ Bamɔf Baal nɛ Bɛf Baalmiɔn,

Joshuwa 13:25

Bumo alɛ be kasawule daŋ yili Jaza nɛ Giliad be kasawule so be ndegboŋ na kikɛ nɛ Ammɔn be kasawule be bargato n ya fo Arowa nɛ k wɔ Raaba be epeŋilarkpa be kaba so na nna.

Joshuwa 21:39

nɛ Heshbɔn nɛ Jaza, n ta amo be asɔbɔya be ejikpa be nsawule n ti so.

Demujipoana 11:26

Israɛlebi na ka chena Hɛshbɔn nɛ Arowa nɛ ndewurbi nɛ ndegboŋ nɛ a wɔ Aanɔn be lɔr be kebɔr so na kikɛ be nfɛ alfa asa nna na. Mannɛ nna nɛ fo maŋ fin nsawule na be kesɔ jemanɛ tenteŋ ere kikɛ?