Nɔmbɛs 21:25 - EBƆRƐ BE KAWƆL

²⁵ Israɛlebi na daŋ sɔ Amɔriebi na be nde kikɛ nna n ta bumo be kadegboŋ nɛ baa tre Hishbɔn nɛ ndewurbi nɛ a kulti kumo na n ti so.

Nɔmbɛs 21:25 ပူးပေါင်းရင်းမြစ်များ

Sɔlɔmɔn 7:4

Fo kubɔ du shirembi nna fanɛ jebote be kenyii be ketempreŋ jeŋgreŋ na. Fo anishi bee kpa edɛ nna fanɛ Heshbɔn be kade to be nchu nɛ a dese m mata Baf Rabbin be kabunagboŋ na. Nɛ fo kamuna lar jurɔmbi fanɛ Lebanɔn be kebeegboŋ nɛ k shoŋi Damaskɔs be kaba so na.

Aizaaya 15:4

Basa nɛ b wɔ nde nɛ baa tre Hɛshbɔn nɛ Ɛliale na daa shu awɔrso nna, nɛ esa wɔ kakpa wɔfɔ fanɛ Jahaz gba e daa nu bumo be kushu na. Bumo be esoji gba be kenyɛn kikɛ daŋ lar bumo to nna nɛ baa chicha kufuso.

Jɛremaya 48:2

Mowabebi, esa kikɛ maaŋ naaŋ maŋkura menyi. Bedoŋ bee kre keku menyi be ŋkpa so ashi men be kadegboŋ nɛ baa tre Hɛshbɔn na to. Kusɔ nɛ ma tokobi beeŋ wora e la keshin nɛ kakpa a wora shruum ashi kade nɛ baa tre Madmen na.

Jɛremaya 48:34

Basa nɛ b wɔ nde nɛ baa tre Ɛleale nɛ Jahaz na bee nu basa nɛ b wɔ kade nɛ baa tre Hɛshbɔn na be kushu nna. Nɛ bumo nɛ b wɔ Horoneem nɛ Eglaf Shelishima be ndeana to bee nu Zowaebi be kushu. Ŋkpal manɛ so, kabombi nɛ baa tre Nimrim na gba wɔlto nna.

Jɛremaya 48:45

Basa nɛ b shile kena na daŋ shile n yɔ Hɛshbɔn nna, kadegboŋ nɛ ewura Sihɔn daŋ chena ndoŋ n ji kuwura dra dra na. B daa shile nna a mɔlga bumo be amu, ama b ka yɔ nɛ kadegboŋ na bee ji edɛ. Mowab be basa bee sha anasheŋ nna ga, ama edɛ na teŋ n ji bumo be ndekarso nɛ abee so kikɛ m mur.

Ezikɛl 16:46

Fo dacheso e la kadegboŋ nɛ baa tre Samɛria na, nɛ kumo nɛ kumo be ndekarso wɔ a laŋɛ fo kelargato be esoso na. Nɛ fo sipocheso malɛ la kadegboŋ nɛ baa tre Sodɔm na, nɛ kumo alɛ nɛ kumo be ndekarso wɔ a laŋɛ fo kelargato be kaseto na.

Ezikɛl 16:49

Sodɔm nɛ kumo be ndekarso to be basa daa wu bumo be amu nna ŋkpal b kaa kɔ ajibi damta a ji nseŋ naa wɔ kayurwushi to so. B daa maa keni betirpo nɛ basa nɛ asheŋ maa nyalɛ a sa na so.

Ezikɛl 16:53

Kumo be kaman nɛ Enyɛnpe Ebɔrɛ naŋ kaŋɛ Jerusalɛm to be basa le: “Meeŋ naŋ nɛfa Sodɔm nɛ Samɛria nɛ amo be nde kresoana kikɛ to be basa. Ma alɛ beeŋ nɛfa fo alɛ gba be basa ashi Jerusalɛm to,

Eemɔs 2:10

Ma e lara menyi ashi Ijipt be kasawule so dra dra na ŋ keta menyi n nite kiyi to nfɛ adena nseŋ sɔ Amɔriebi be kasawule n sa menyi.

Nɔmbɛs 21:26

Hishbɔn daa la Amɔriebi be ewura Sihɔn be kadegboŋ nna. E daŋ kɔ Mowab be ewura ko kena nna n sɔ mbe kasawule n ya fo Aanɔn be lɔr na be kelargato be esoso be ekarso,

Nɔmbɛs 21:31

Israɛlebi na ka sɔ Amɔriebi be kasawule n chena so na,

Nɔmbɛs 32:3

“Enyɛnpe Ebɔrɛ chɛ anyi to nɛ an sɔ Atarɔf nɛ Dibɔn nɛ Jeeza nɛ Nimra nɛ Hishbɔn nɛ Eliale nɛ Sibma nɛ Neebo nɛ Bɛɔn be ndeana be nsawule nɛ a walɛ n sa asɔbɔya be kebela. Anyi alɛ kɔ asɔbɔya ga.

Ditɛronɔmi 2:12

Basa ko daa wɔ Edɔm be kasawule na so nɛ baa tre bumo Hɔɔ. Nɛ Edɔmebi nɛ b la Isɔɔ be kaman to ebi na ba mɔ Hɔɔebi na be bedamta nseŋ tintiŋ bumo nɛ b ka na nɛ b lar efuli na so nɛ b chena ndoŋ, fanɛ kananɛ Israɛl be basa gba beeŋ ba ju basa nɛ b wɔ kasawule nɛ Enyɛnpe Ebɔrɛ na ta n sa bumo na.)

Joshuwa 24:8

Ndoŋ nna nɛ n lara menyi m ba Amɔriebi nɛ b wɔ Jɔɔdan be lɔr na be epeŋilarkpa na be kasawule so. B daŋ kɔ menyi kena nna ama n chɛ menyi to nɛ men pɔɔ bumo so. N daŋ mur bumo saŋɛ nɛ menyee ba na nna nɛ men sɔ bumo be nsawule.

Demujipoana 11:26

Israɛlebi na ka chena Hɛshbɔn nɛ Arowa nɛ ndewurbi nɛ ndegboŋ nɛ a wɔ Aanɔn be lɔr be kebɔr so na kikɛ be nfɛ alfa asa nna na. Mannɛ nna nɛ fo maŋ fin nsawule na be kesɔ jemanɛ tenteŋ ere kikɛ?