Nɔmbɛs 21:24 - EBƆRƐ BE KAWƆL

²⁴ Israɛlebi na daŋ mɔ bumo doŋana na kena na to ga nseŋ sɔ bumo be kasawule nɛ k wɔ yili Aanɔn be Lɔr nɛ k wɔ kelargato be kaseto be kaba so na n ya fo Jabɔk be lɔr nɛ k wɔ kelargato be esoso. Jabɔk be lɔr na e daa la Amɔriebi nɛ Ammɔnebi na be nsawule be egbaŋ to. Ammɔnebi na bre daŋ pɔr egbal ŋ kulti bumo be nde nna.

Nɔmbɛs 21:24 ပူးပေါင်းရင်းမြစ်များ

Jɛnesis 32:22

Kumo be kanyɛso nɛ Jeekɔb koso n ta mbe beche nɛ bumo be mbita anyɔ nɛ mbe bibinyɛn kudukako n ya bɔla Jabɔk be lɔr na be kakpa nɛ k maŋ wɔ nchiŋ na n dii.

Nehemaya 9:22

Fo daŋ chɛ bumo to nɛ b pɔɔ bewura so n suge bumo be nsawule. Hɛshbɔn be efuli so be ewura Sihɔn, nɛ Baashan be efuli so be ewura Ɔg gba daŋ ti bewura nɛ b daŋ pɔɔ so na so nna.

Nshɛ 136:19

Bewuraana na be eko e daa la Amɔ be ewura, Sihɔn; Ebɔrɛ be kasha nɛ k maa chɛrga na malɛ wɔtɔ nna mbaanaayɔ;

Eemɔs 2:9

Ama ŋkpal bumo so, nɛ m mur Amɔriebi nɛ b daa wɔ nteŋ fanɛ ndibi tenteŋ nɛ baa tre Sida na, nsaa kɔ eleŋ malɛ fanɛ ndibi gboŋgboŋi lempo na. N daŋ mur bumo be ayabi nɛ achin kikɛ nna cheche.

Nɔmbɛs 21:13

B ka naŋ koso ndoŋ, nɛ b ya dii Aanɔn be lɔr na n wora bumo be keeyi to ashi kumo be ekarso. Aanɔn be lɔr na e daa la Mowabebi nɛ Amɔriebi be egbaŋ to.

Ditɛronɔmi 1:4

Pɔɛŋ nɛ Mosis malga bumo kutɔ na nɛ e tiŋ ŋ kɔ m pɔɔ Amɔriebi be ewura Sihɔn nɛ e chena kade nɛ baa tre Hɛshbɔn a ji kuwura na nɛ Bashan be ewura Ɔg nɛ mo alɛ bee ji kuwura nde nɛ baa tre Ashterɔf nɛ Edrei na so.

Ditɛronɔmi 29:7

Ade be kaman, anyi ka ba nfe, Amɔriebi be ewura nɛ b daa tre Sihɔn nɛ e daŋ chena kade nɛ baa tre Hɛshbɔn a ji kuwura na nɛ Bashan be ewura Ɔg kikɛ lar nna m ba kɔ anyi kena. Ama an daŋ pɔɔ bumo so,

Ditɛronɔmi 3:16

Nseŋ ta kasawule nɛ k dese yili Giliad n ya fo Aanɔn be lɔr ase na n sa Ruben nɛ Gad be eyiri to ebi. Aanɔn be lɔr na e daa la bumo be kelargato be kaseto be egbaŋ nɛ Jabbɔk be lɔr na malɛ daa la bumo be kelargato be esoso be egbaŋ nɛ kumo be kaba ya lar bumo nɛ Ammɔnebi be egbaŋ to.

Ditɛronɔmi 31:4

Enyɛnpe Ebɔrɛ na gbagba e naaŋ mur basa na, fanɛ kananɛ e pɔɔ Amɔriebi be bewura, Sihɔn nɛ Ɔg so nseŋ mur bumo be efuli na.

Joshuwa 13:12

Ɔg nɛ e daa la basa tenteŋ gboŋgboŋi nɛ baa tre Refaebi na be esa lalalogesopo nɛ e daŋ ji Ashterɔf nɛ Edrei be kuwura na be efuli gba daŋ ti so. Mosis e daŋ pɔɔ le be basa ere so nseŋ ju bumo ashi kasawule na so.

Joshuwa 24:8

Ndoŋ nna nɛ n lara menyi m ba Amɔriebi nɛ b wɔ Jɔɔdan be lɔr na be epeŋilarkpa na be kasawule so. B daŋ kɔ menyi kena nna ama n chɛ menyi to nɛ men pɔɔ bumo so. N daŋ mur bumo saŋɛ nɛ menyee ba na nna nɛ men sɔ bumo be nsawule.

Joshuwa 9:10

nɛ kusɔ nɛ e wora Amɔriebi be bewura anyɔ na ashi Jɔɔdan be lɔr na be epeŋilarkpa be kaba so na be asheŋ. Bewura na e la ewura Sihɔn nɛ e chena Hishbɔn n ji kuwura na nɛ ewura Ɔg nɛ e la Bashan be ewura nseŋ chena Ashterɔf na.

Demujipoana 10:11

Nɛ Enyɛnpe Ebɔrɛ na kaŋɛ: “Jemanɛ nɛ Ijiptebi nɛ Amɔriebi nɛ Ammɔnebi nɛ Filistiebi nɛ

Demujipoana 11:13

Ndoŋ nna nɛ Ammɔn be ewura kaŋɛ Jɛfta be mbɔ na: “Israɛlebi ka shi Ijipt be efuli so m ba na b ba suge ma kasawule nɛ k yili lɔr nɛ baa tre Aanɔn ashi kelargato be kaseto be kaba so n ya fo lɔr nɛ baa tre Jabbɔk ashi kelargato be esoso be kaba so, hale ŋ keta loŋ n ya fo Jɔɔdan be lɔr na ase ashi epeŋitɔrkpa be kaba so na nna. Nɛ fo tea sha kayurwushi bre fo bɛta kasawule na n sa ma.”

Demujipoana 21:8

Nɛ b naŋ laŋɛ m bishi: “Israɛl be eyiri na to be kabuna mo e maŋ shɛr Enyɛnpe Ebɔrɛ na be anishito ashi Mizpa?” Ndoŋ nɛ b wu fanɛ esa kama daŋ maŋ shi Jabesh ashi Giliad m ba nshɛr na to.