Nɔmbɛs 21:14 - EBƆRƐ BE KAWƆL

¹⁴ Amoso nɛ nwɔl nɛ a bee malga Enyɛnpe Ebɔrɛ be kena be asheŋ na bee kaŋɛ le na: “Wahɛb be kade nɛ k wɔ Sufa be kebonfu ko to na nɛ kumo be ataŋɛ, nɛ Aanɔn be Lɔr na,

Nɔmbɛs 21:14 ပူးပေါင်းရင်းမြစ်များ

2 Samuɛl 1:18

Nseŋ yili kumo fanɛ a daga Juda be esa kikɛ ka koya kumo. Ketre nɛ e daŋ sa kashɛ na e la Keta be kashɛ. Nɛ b sibɛ kumo n wɔtɔ Jashɛr be kawɔl to.

Aizaaya 16:2

Mowab be beche nɛ baa dii lɔr nɛ baa tre Aanɔn na du fanɛ mbuibi nɛ b jija bumo be asha to nna.

Nɔmbɛs 21:13

B ka naŋ koso ndoŋ, nɛ b ya dii Aanɔn be lɔr na n wora bumo be keeyi to ashi kumo be ekarso. Aanɔn be lɔr na e daa la Mowabebi nɛ Amɔriebi be egbaŋ to.

Nɔmbɛs 21:15

nɛ kumo be ketaŋɛ nɛ k gbelge to a yɔ Ar be kade to be kaba so a laŋɛ Mowab be kasawule be egbaŋ to na be asheŋ na.”

Luuk 24:27

Ndoŋ nna nɛ e fara Mosis be abɔrɛsibɛ to m bugi asɔ nɛ a bee malga mo gbagba be asheŋ kikɛ to ŋ kaŋɛ bumo loŋ hale n ya bɔla anebiana na kikɛ be abɔrɛsibɛana to nyam.

Ditɛronɔmi 2:24

An ka bɔla Mowabebi be kasawule so n choŋ na be kaman, nɛ Enyɛnpe Ebɔrɛ naŋ kaŋɛ anyi le: “To, men fara n dii lɔr nɛ baa tre Aanɔn na. Mee ta Amɔriebi be ewura nɛ e wɔ Hɛshbɔn nɛ baa tre mo Sihɔn nɛ mbe efuli a bɔɔ menyi enɔ nna. Amoso, men yɔ n ya kɔ mo nseŋ sɔ kasawule na n chena so.

Joshuwa 10:13

Ndoŋ nna nɛ epeŋi na yili dindiŋ, nɛ kufɔl malɛ kini ketɔr n ya fanɛ Israɛlebi ka pɔɔ bumo doŋana so na. Kumo be loŋ nɛ b sibɛ Jaasha be kawɔl to na fanɛ: “Epeŋi daŋ yili kumu to sirr nna a maŋ tɔr kachɛ lelemu.”

1 Samuɛl 18:17

Kachako nɛ Sɔɔl kaŋɛ Deevid le: “Nɛ feeŋ nya kenyɛn a kɔ Enyɛnpe Ebɔrɛ be ana a sa ma bre, kumo ere ma alɛ beeŋ ta m pibiche nimuso Mɛrab n sa fo.” Sɔɔl be nfɛra e daa la fanɛ nɛ e wora loŋ, Filistiebi na beeŋ nya Deevid m mɔ, saŋɛ na so k maaŋ ba fanɛ mo e mɔ mo.