Nɔmbɛs 20:8 - EBƆRƐ BE KAWƆL

⁸ “Ta kekpabi nɛ k wɔ ŋkre be deka na be anishito na, nɛ fo nɛ Ɛɛrɔn e tre basa na kikɛ n shɛr, nɛ fo yili bumo be anishito m malga n sa kefalta na nɛ nchu e shi kumo to n lar eleŋso nɛ basa na nɛ bumo be asɔbɔya kikɛ e nya nchu n nu.”

Nɔmbɛs 20:8 ပူးပေါင်းရင်းမြစ်များ

Jɛnesis 18:14

Kusɔ ko malɛ wɔtɔ nna a du kpakpa n sa Enyɛnpe na a? Kafɛ a ba saŋɛ ere so, meeŋ naŋ bɛta m ba fanɛ kananɛ ŋ kaŋɛ na nɛ Sɛɛra nya kebia na.”

Nehemaya 9:15

Akoŋ ka daŋ pɛ bumo fo sa bumo ajibi nɛ a shi ebɔrɛso nna. Achukoŋ ka daa kɔ bumo, fo daŋ shin nɛ nchu lar kefalta to nna nɛ b nuu. Kumo be kaman nɛ fo kaŋɛ bumo fanɛ b kɔ n suge kasawule nɛ fo nase kumo be kɔnɔ na nna.

Nshɛ 105:41

E daŋ shin nɛ kefalta pante nɛ nchu lar kumo to eleŋso, a shile keshishɛrsawule na so fanɛ lɔr na nna.

Nshɛ 114:8

ŋkpal manɛ so, mo e naa shin nɛ kefalta kpakpaso bee pante a lar nchu nɛ a bee dese fanɛ kepa ŋko a shile fanɛ kabombi na.

Nshɛ 33:9

Mo e malga nɛ durnya fara. Mo e kaŋɛ nɛ kusɔ kama ba.

Ɛksodɔs 14:16

Teŋi fo kekpabi na n shoŋi teku na nɛ k ku to nɛ Israɛlebi na e nite kasawule wɔlso so m bɔla kumo to n choŋ.

Ɛksodɔs 17:9

Ndoŋ nna nɛ Mosis kaŋɛ Joshuwa le: “Lara anyi be benyɛn ko nɛ men ya kɔ Amalɛkebi na kena. Echefo ma alɛ beeŋ baa yil kebee ere be esoso a kɔ kekpabi nɛ Ebɔrɛ ta n sa ma na to.”

Ɛksodɔs 4:17

Ama ta kekpabi ere ŋ keta a yɔ ŋkpal manɛ so, kumo nɛ feeŋ ta a wora emamachisheŋ na.”

Ɛksodɔs 4:2

Nɛ Enyɛnpe Ebɔrɛ na bishi mo: “Manɛ e wɔ fo enɔ to ere?” Nɛ Mosis kaŋɛ mo: “Kekpabi nna.”

Ɛksodɔs 4:20

Ndoŋ nna nɛ Mosis keta mbe eche nɛ mbe mbinyɛnsobi n chena kurma so nseŋ ta kekpabi nɛ k kɔ Ebɔrɛ be eleŋ na ŋ keta m bɛta a yɔ Ijipt be kasawule so.

Ɛksodɔs 7:20

Ndoŋ nna nɛ Mosis nɛ Ɛɛrɔn wora kusɔ nɛ Enyɛnpe Ebɔrɛ ŋini bumo na. Ɛɛrɔn daŋ maŋ mbe kekpabi so ashi Fɛɛro nɛ mbe beyaasepoana na be anishito nna ŋ ŋmɛa Nail be nchu so nɛ nchu na kikɛ kilgi ŋklaŋ.

Aizaaya 43:20

Jemanɛ ko bee ba nɛ n shin nɛ elɔr e baa shile keshishɛrsawule so, nɛ ma basa laraso e nya nchu a nuu. Saŋɛ na so asɔbɔya lubi beeŋ baa maŋkura ma, nɛ ejiŋkaamu nɛ egbuŋgbula kikɛ e baa di ma epaŋ.

Aizaaya 48:21

E juŋkpar anyi m bɔla keshishɛrsawule so nseŋ shin nɛ kefalta pante n lar nchu nɛ an nuu n tuge achukoŋ.

Nɔmbɛs 20:11

Kumo be kaman nɛ Mosis maŋ mbe kekpabi so ŋ ŋmɛa kefalta na ale anyɔ. Epul to nɛ nchu lar kefalta na to eleŋso a wurge nɛ basa na nɛ bumo be asɔbɔya kikɛ nuu.

Nɔmbɛs 20:7

Nɛ Enyɛnpe Ebɔrɛ kaŋɛ Mosis le:

Nɔmbɛs 21:15

nɛ kumo be ketaŋɛ nɛ k gbelge to a yɔ Ar be kade to be kaba so a laŋɛ Mowab be kasawule be egbaŋ to na be asheŋ na.”

Nɔmbɛs 21:18

An be bewurbi nɛ bejuŋkparpo e kur ketirbu na. Bumo be awurakpabi nɛ akpabi nɛ b ta n ŋini kakpa nɛ b kur kumo.” Kumo be kaman nɛ Israɛlebi na lar keshishɛrsawule na so n yɔ Mataana,

Matiu 21:21

Nɛ Yesu kaŋɛ bumo: “Ma e kaŋɛ menyi kashenteŋto na fanɛ nɛ men baa kɔ yirda a maa wora shikashika, mannɛ kusɔ nɛ k wora figi be kedibi na nawule nɛ menyeeŋ tiŋ n wora, ama menyeeŋ tiŋ ŋ kaŋɛ kebee ere le: ‘Pulgi n ta fo kumu n ya lɛ teku to’, nɛ loŋ e wora.

Luuk 11:13

Nɛ menyi ere ka la basa lubi le nsaa nyi asɔ lela be kebaata a sa menyi be mbia, nɛ Etuto nɛ e wɔ ebɔrɛso na a? Mo ere maaŋ shuli n sa bekama nɛ b kule mo Kiyoyu Cheeŋ na a?”

Baru lela nɛ Jɔn kute na 16:24

Hale m ba fo mbre, men maŋ naŋ ta ma ketre ŋ kule shɛŋ. Men kule nseŋ nya nɛ menyi be ŋgbene e fuli menyi m baŋ so.

Ashuŋ Shunso 1:14

Bumo kikɛ nɛ beche na nɛ Mɛɛri, Yesu mo nio nɛ Yesu koŋwule na mo sipoana daa wɔtɔ nna a shɛr kɔnɔkoŋwuleso a kule Ebɔrɛ.

Joshuwa 6:20

Ndoŋ nna nɛ bɔrɛmatapoana na foŋ bumo be mbel na nɛ basa nu nseŋ cha awɔr nɛ egbal na kikɛ tɔr. Epul na to nɛ benapo na luri kade na to n sɔ kumo to kikɛ,

Joshuwa 6:5

Men baŋ nu bɔrɛmatapoana na ka foŋ bumo be mbel na n chɛr nɛ menyi alɛ e fara a cha awɔr. Aloŋ, kade na be egbal na beeŋ tɔr, nɛ menyi be benapo kikɛ e luri kumo to.”

Kelaraŋŋini 22:1

Malaika na daŋ ŋini ma ŋkpa be lɔr be nchu gba nɛ a bee wu to fanɛ abɔrɛjembubi ashi Ebɔrɛ nɛ Kpakpafɔlbi be kuwurputiakpa

Kelaraŋŋini 22:17

Ndoŋ nna nɛ Kiyoyu na nɛ kejafɔ na kaŋɛ: “Ba.” Ekama malɛ gba nɛ e nu loŋ e kaŋɛ: “Ba.” Ekama nɛ achukoŋ kɔ mo e ba, ekama malɛ nɛ e bee sha e ba sɔ ŋkpa be nchu na n nuu ŋkaa maaŋ ka shɛŋ.