Nɔmbɛs 20:6 - EBƆRƐ BE KAWƆL

⁶ Ndoŋ nna nɛ Mosis nɛ Ɛɛrɔn lar basa na kutɔ n ya gbir wajɛbu na be kabuna a kule Ebɔrɛ nɛ Enyɛnpe Ebɔrɛ be kemaŋkura lar bumo so.

Nɔmbɛs 20:6 ပူးပေါင်းရင်းမြစ်များ

1 Kronikɛls 21:16

Deevid ka wu malaika na ka wɔ esoso ŋ keta mbe tokobi nɛ e mur Jerusalɛm na, nɛ mo nɛ Israɛl be bejuŋkparpoana nɛ b buu kagbenejijaso be asɔbuuso na tɔr epun so n dese kasawule.

Ɛksodɔs 16:10

Ɛɛrɔn ka bee malga a sa Israɛlebi na nɛ b keni keshishɛrsawule na be kaba so n wu Enyɛnpe be kemaŋkura ka bee nyaŋɛ kuwɔlpa to epul na to.

Ɛksodɔs 17:4

Asheŋ na ka daŋ ki loŋ na nɛ Mosis shu n tre Enyɛnpe Ebɔrɛ m bishi mo: “Nuso nɛ meeŋ wora basa ere? A ka gbrɛbi nɛ b kpa ma ajembu m mɔ nna na.”

Nɔmbɛs 12:5

nɛ Enyɛnpe Ebɔrɛ na bɔla kuwɔlpa to m ba yili wajɛbu na be kabuna to nseŋ tre Ɛɛrɔn nɛ Miriam awɔrso, nɛ bumo benyɔ na lar n yɔ anishito.

Nɔmbɛs 14:10

Ŋkpal kusɔ nɛ Joshuwa nɛ Kalɛb kaŋɛ na so Israɛlebi na daa sha kekpa bumo ajembu nna m mɔ, ama epul na to nɛ Enyɛnpe Ebɔrɛ be kemaŋkura lar Israɛlebi na so nseŋ buu Enyɛnpe be wajɛbu cheembi na so.

Nɔmbɛs 14:5

Ndoŋ nna nɛ Mosis nɛ Ɛɛrɔn kurgi amu n yuu to ŋ kule Ebɔrɛ ashi Israɛlebi na be anishito.

Nɔmbɛs 16:19

Nɛ Koora shin nɛ Israɛlebi na kikɛ gbargbar abar m ba yili Mosis nɛ Ɛɛrɔn be anishito ashi wajɛbu na be kabuna. Epul na to nɛ Enyɛnpe Ebɔrɛ be kemaŋkura lar basa na kikɛ so,

Nɔmbɛs 16:22

Ama Mosis nɛ Ɛɛrɔn bre daŋ gbir nna ŋ kurgi amu n yuu to nseŋ kaŋɛ le: “O Ebɔrɛ, fo e naa sa anyi ŋkpa. Feeŋ shuli n nya agbo n wɔtɔ basa ere kikɛ ŋkpal esa koŋwule be kulubi so a?”

Nɔmbɛs 16:4

Mosis ka nu loŋ, nɛ e gbir ŋ kurgi kumu n yuu to ŋ kule Ebɔrɛ.

Nɔmbɛs 16:42

B ka ba abar so nɛ b ba malga ŋ gbiti Mosis nɛ Ɛɛrɔn na, nɛ b keni wajɛbu na be kaba so, nseŋ wu Enyɛnpe Ebɔrɛ be kemaŋkura ka bɔla kuwɔlpa to m ba buu kumo so.

Nɔmbɛs 16:45

“Men shile basa ere kutɔ nɛ m ba mɔ bumo epul ere to!” Epul na to nɛ Mosis nɛ Ɛɛrɔn gbir ŋ kurgi amu n yuu to ŋ kule Ebɔrɛ,

Nɔmbɛs 20:7

Nɛ Enyɛnpe Ebɔrɛ kaŋɛ Mosis le:

Matiu 26:39

Ndoŋ nna nɛ e yɔ anishito gbrɛbi n ya gbir n kur kumu n yuu nseŋ kule Ebɔrɛ ŋ kaŋɛ le: “N Tuto, nɛ ekpa wɔtɔ, fo ta awurfoŋ ere ashi ma so, ama mannɛ ma keparso, shin nɛ k baa la feya.”

Joshuwa 7:6

Nɛ Joshuwa nɛ Israɛlebi be benimu na kikɛ kpɛa bumo be asɔbuuso to kagbenejijaso nseŋ tɔr kasawule ashi Enyɛnpe Ebɔrɛ be ŋkre be deka na ase n dese ndoŋ hale n ya fo kaaseso. B daŋ muu shishɛr gba nna n wurge bumo be amu so a ŋini fanɛ bumo be ŋgbene jija bumo ga.