Nɔmbɛs 20:5 - EBƆRƐ BE KAWƆL

⁵ Manɛ nna nɛ fo lara anyi Ijipt be kasawule so m ba lɛ kakpa lubi nɛ ajibi kikɛ maa wora ere? Aboyu nɛ figi be ndibi nɛ afeelebi nɛ a bee sɔr asɔrso nɛ baa tre greep na nɛ ndibi nɛ baa tre Pomegranates na kikɛ maŋ wɔ nfe. Nchu gba jalama anyi maŋ nya nɛ an nuu!”

Nɔmbɛs 20:5 ပူးပေါင်းရင်းမြစ်များ

Nehemaya 9:21

Fo daŋ keni bumo so nɛnɛ, Nfɛ adena nɛ shɛŋ maŋ tir bumo. Bumo be asɔbuuso daa maŋ wu. Bumo be asɛbta daa maŋ ji, nɛ bumo be aya malɛ daa maŋ puŋi.

Jɛremaya 2:2

n ya bɔ kubɔya ere n sa Jerusalɛm to be basa kikɛ. E yɛ: “N nyiŋi kananɛ men daa ji kashenteŋ a sa ma jemanɛ nɛ men daa du fanɛ mbifɔlbi na be asheŋ. Ma alɛ naŋ nyiŋi kananɛ men daa sha ma jemanɛ nɛ ma nɛ menyi daŋ ba abar so fanɛ basa nɛ b kraŋ luri kakil to sososo na gba be asheŋ. Menyi alɛ daŋ bɛ ma so n nite keshishɛrsawule fuloŋ so.

Jɛremaya 2:6

Ŋ ka daŋ mɔlga bumo ashi Ijipt be efuli so nseŋ juŋkpar bumo m bɔla kasawule fuloŋ nɛ k la eshishɛr nɛ e biti abar so nawule nseŋ naa la kasawule wɔlso nɛ k kɔ kufu nɛ esa kikɛ maŋ wɔ kumo so ŋko a sha kenite kumo so na be kaman, men nananyɛnana be shɛŋ daa maŋ wɔ ma to.

Ezikɛl 20:36

Kananɛ n ji men tutoana demu Ijipt be efuli so be kiyi to nɛ b ji n tɔr nɛ ŋ gberge bumo kusoe na nɛ meeŋ ji menyi alɛ gba demu. Ma, Enyɛnpetale Ebɔrɛ e kaŋɛ na.

Nɔmbɛs 16:14

Men nase kɔnɔ fanɛ menyeeŋ yɛra anyi kudɔsawule lela nɛ k bee wora adɔjibi nɛnɛ nɛ anyeeŋ tiŋ n dɔ asɔrso nɛ baa tre greeps kumo so na so nɛ k ki anyeya. Ama naniere nnɛ nɛ a wɔ? Menyee fule anyi nna. Amoso anyi maaŋ ba!”

Nɔmbɛs 20:24

“Ɛɛrɔn be keya maaŋ cha kasawule nɛ n nase kɔnɔ fanɛ meeŋ ta n sa Israɛlebi na so. Ŋkpal menyi benyɔ ka kini kenu n sa ma ashi Mɛriba na so, meeŋ shin nɛ e wu.

Nɔmbɛs 27:14

Ŋkpal manɛ so, Israɛlebi na ka fubel m bile asheŋ m malga ŋ gbiti ma ashi Mɛriba nɛ k mata Kadɛsh ashi Zin be keshishɛrsawule so na, kakpa nɛ n shin nɛ nchu lar kefalta to na, menyi basa anyɔ na daŋ maŋ yirda ma nseŋ kini keshin nɛ Israɛlebi na pin ma eleŋ.”

Ditɛronɔmi 8:15

Men baa nyiŋi kananɛ e juŋkpar menyi keshishɛrsawule gboŋgboŋi nɛ awɔ lubi nɛ nna wɔ kumo so na to. Nchu daa maŋ wɔ ndoŋ nɛ Enyɛnpe Ebɔrɛ na shin nɛ kefalta baŋɛ nɛ nchu lar kumo to saŋɛ na so, menyeeŋ nya n nuu.