Nɔmbɛs 20:16 - EBƆRƐ BE KAWƆL

¹⁶ Nɛ an shu ŋ ŋini Enyɛnpe Ebɔrɛ nɛ e nu anyi be kushu nseŋ shuŋi malaika nɛ e ba lara anyi ashi Ijipt be kasawule so. Naniere an fo kade nɛ baa tre Kadɛsh nɛ k wɔ fo kasawule be egbaŋ be ekar na.

Nɔmbɛs 20:16 ပူးပေါင်းရင်းမြစ်များ

Ɛksodɔs 14:10

Ewura Fɛɛro nɛ mbe benapo ka ya kaa taga bumo to na nɛ Israɛlebi na maŋ bumo be amu so n wu fanɛ Ijiptebi na ju a buu bumo so a ba nɛ kufu pɛ bumo ga nɛ b shu n tre Enyɛnpe Ebɔrɛ.

Ɛksodɔs 14:19

Ade kikɛ be kaman nɛ Ebɔrɛ be malaika mo nɛ e daa wɔ kuwɔlpa to a juŋkpar Israɛlebi na bɛta n ya kaa bɛ bumo be kaman.

Ɛksodɔs 23:20

Ade kikɛ be kaman nɛ Ebɔrɛ kaŋɛ bumo le: “Meeŋ shin nɛ malaika ko e baa juŋkpar menyi ŋ kuŋ menyi ekpa to loŋ n ya fo kaboŋ nɛ n lɔŋɛ n yili menyi na.

Ɛksodɔs 33:2

Loŋ be kasawule na e kɔ kanya alegaiso nsaa wora ajibi nɛnɛ na. Meeŋ shin nɛ ma malaika e juŋkpar menyi nɛ men ju Keenanebi nɛ Amɔriebi nɛ Hitebi nɛ Pɛrizebi nɛ Hivebi nɛ Jebusiebi na kikɛ ashi loŋ be kasawule na so.

Ɛksodɔs 6:5

Kede malɛ be buushi naniere bre n nu Israɛl be basa nɛ Ijiptebi nyaŋ n wɔtɔ a tɔrɔ fanɛ anya na be kushu nseŋ nyiŋi ma kɔnɔkoŋwule be ŋkre be kɔnɔ naseso na.

Danɛl 6:22

Ma Ebɔrɛ na shuŋi mbe malaika nna nɛ e ba ti ebuluŋ na be nnɔ nɛ b maŋ tiŋ n tɔrɔ ma. Yiramu! E wora loŋ nna ŋkpal e ka nyi fanɛ m maŋ wora kulubi kikɛ so.”

Nɔmbɛs 20:15

nɛ kananɛ an nananyɛnana daŋ yɔ Ijipt be kasawule so nɛ kananɛ an chena ndoŋ n chɛr nɛ Ijiptebi na daŋ tɔrɔ anyi ga.

Nɔmbɛs 21:22

“Men shin nɛ an bɔla men be kasawule ere so n choŋ. Anyi nɛ an be ana maaŋ yige ekpa n ya luri men be ndɔana nɛ men be asɔrso nɛ baa tre greep na be ndibi be adɔana to. Anyi alɛ maaŋ nuu menyi be atirbuana be nchu. Anyeeŋ baŋ bɔla kegbembi nna a yɔ hale nɛ an ya baŋ menyi be kasawule so.”

Ditɛronɔmi 4:34

Kegbir ko malɛ daŋ ber kagbene fanɛ k beeŋ ya lara basa ko ashi efuli ko so m ba ki kumo gbagba be basa fanɛ kananɛ Enyɛnpe Ebɔrɛ na wora ashi Ijipt be efuli so na a? Menyi gbagba be anishito nɛ Enyɛnpe Ebɔrɛ na bɔla mbe yukugboŋ nɛ eleŋ so n shin nɛ alɔ mɔso nɛ kena nɛ emamachisheŋ be yiri yiri wora nseŋ naŋ shin nɛ asheŋ nɛ a bee keta kufu wora nɛ men wu amo.

Ditɛronɔmi 4:37

Kasha nɛ Enyɛnpe Ebɔrɛ na kɔ n sa men nananyɛnana na so nɛ e lara menyi nɛ men baa la mo gbagba be basa nseŋ bɔla mbe yukugboŋ so n lara menyi ashi Ijipt be efuli so m ba.

Joshuwa 15:1

Juda gba be yiri to ebi na daŋ nya kasawule na be kaba ko nɛ k dese kelargato be kaseto be kaba so a yɔ Zin be keshishɛrsawule so ashi Edɔm be kasawule be ekar na nna.