Nɔmbɛs 20:15 - EBƆRƐ BE KAWƆL

¹⁵ nɛ kananɛ an nananyɛnana daŋ yɔ Ijipt be kasawule so nɛ kananɛ an chena ndoŋ n chɛr nɛ Ijiptebi na daŋ tɔrɔ anyi ga.

Nɔmbɛs 20:15 ပူးပေါင်းရင်းမြစ်များ

Jɛnesis 15:13

Kumo be kaman nɛ Enyɛnpe Ebɔrɛ kaŋɛ mo: “Eebram, baa nyi geeŋ fanɛ kachako fo kanaŋ to ebi beeŋ ki befɔ ashi kasawule nɛ b maŋ nyi so nseŋ ki anya ndoŋ nɛ b tɔrɔ bumo ga nfɛ alfa ana.

Jɛnesis 46:6

Asɔ nɛ b daŋ ta n ti bumo be amu so n yɔ e daa la bumo be asɔbɔya nɛ bumo be kanya kama nɛ b daŋ nya Keenan be kasawule so kikɛ. Jeekɔb nɛ mbe kaman to ebi kikɛ nyam e daŋ yɔ Ijipt,

Jɛnesis 46:7

bumo e la fanɛ mbe bibinyɛn nɛ mo nanabi nyɛnsoana nɛ mbe bibiche nɛ mo nanabi chesoana nɛ bekama nɛ b lar mo to kikɛ nyam.

2 Samuɛl 12:18

Kumo be kaman nɛ kebia na wu, ama ewura Deevid be basa daa lɔ kufu nɛ b kaŋɛ mo loŋ be baru na nna. Le nɛ b daŋ kaŋɛ: “Kebia ere ka daa wɔ mbe ŋkpa to gba, kusɔ kama nɛ an kaŋɛ ewura Deevid e maaŋ tuge anyi. Nɛ nuso bre nɛ anyeeŋ wora ŋ kaŋɛ mo kebia ere be keeli naniere? E beeŋ tiŋ ŋkpal loŋ so n wora mbe kumu kesheŋ lubi ko!”

Ɛksodɔs 1:16

“Saŋkama nɛ men baŋ ya kaa keta Hibruwche kama kakurge nseŋ wu fanɛ ebinyɛn nɛ e kurge, men mɔ kebia na. Ama nɛ fanɛ kebia na la ebiche bre, men yige mo.”

Ɛksodɔs 1:22

Ndoŋ nna nɛ ewura Fɛɛro sa mbe basa kikɛ ebɔl kenishipereso ŋ kaŋɛ le: “Hibruwebi na baŋ kurge ebinyɛn kikɛ, men ta mo n ya lɛ lɔr nɛ baa tre Nail na to, ama becheso na bre, men yige bumo kikɛ nɛ b baa wɔtɔ.”

Ɛksodɔs 12:40

Nfɛ alfa ana nɛ adesa nɛ Israɛlebi na daŋ ji ashi Ijipt to.

Ɛksodɔs 5:14

Ade kikɛ be kaman nɛ Ijipt be basa nɛ baa keni anya na so na wɔtɔ a bri Israɛlebi na be bejuŋkparpo nɛ b daa juŋkpar bumo kushuŋ na to na nsaa bishi bumo le: “Manɛ so nɛ menyi maa kuya ebirkesi na nɛ a bee fo kananɛ men chɛr a kuya amo saŋkama na?”

Nɔmbɛs 11:5

Ama an ka daa wɔ Ijipt na bre, an daa nya ekɔrɔtɔ kananɛ anyee sha nna a we jiga. Eŋampo nɛ asɔrso nɛ baa tre watamelɔŋ nɛ albasa be eyiri yiri kikɛ wɔ ndoŋ nna nɛ an daa ji anyi be kepar.

Nɔmbɛs 16:13

Men ka lara anyi ashi Ijipt be kasawule nɛ ajibi damta nɛ kedamaya wɔ na m ba lɛ keshishɛrsawule ere so nɛ men mɔ ere bre maŋ kukwe a? Nɛ men naa sha nɛ men ta anyi ŋ ki menyi be nyɛrbi a tɔrɔ a?

Nɔmbɛs 20:14

Nɛ Mosis yili Kadɛsh n shuŋi mbɔ fanɛ b ya kaŋɛ Edɔm be ewura le: “Fo kurgepoana Israɛlebi e la anyi. Fo gbagba nyi awurfoŋ nɛ anyee ji

Nɔmbɛs 20:16

Nɛ an shu ŋ ŋini Enyɛnpe Ebɔrɛ nɛ e nu anyi be kushu nseŋ shuŋi malaika nɛ e ba lara anyi ashi Ijipt be kasawule so. Naniere an fo kade nɛ baa tre Kadɛsh nɛ k wɔ fo kasawule be egbaŋ be ekar na.

Ashuŋ Shunso 7:15

Ndoŋ nna nɛ Jeekɔb kaa n yɔ Ijipt be efuli so, ndoŋ nɛ mo nɛ an nanaana kikɛ ya wu n wu n loge

Ashuŋ Shunso 7:19

Mo e daŋ fule anyi be basa nseŋ tɔrɔ an nanaana ga n tintiŋ bumo n shin nɛ b ta bumo be mbi popɔrbi n ya nase nde na be ntamaŋ to nɛ b wu.

Ditɛronɔmi 26:6

Kumo be kaman nɛ Ijiptebi na ba kaa nyaŋ anyi nɛ anyee shuŋ bumo fanɛ anya.