Nɔmbɛs 20:12 - EBƆRƐ BE KAWƆL

¹² Ama le nɛ Enyɛnpe Ebɔrɛ daŋ kaŋɛ Mosis nɛ Ɛɛrɔn: “Ŋkpal men ka maŋ yirda ma nseŋ kini keshin nɛ Israɛlebi na pin ma eleŋ so, men maaŋ juŋkpar bumo n yɔ kasawule nɛ n nase kɔnɔ fanɛ meeŋ sa bumo na so.”

Nɔmbɛs 20:12 ပူးပေါင်းရင်းမြစ်များ

2 Kronikɛls 20:20

Ŋklade kachipurdidi saŋɛ so nɛ ekama lar a yɔ keshishɛrsawule nɛ k mata Tekua na, nɛ ewura Jehoshafat niŋi to ŋ kaŋɛ jimaŋ na le: “Menyi Juda nɛ Jerusalɛm ebi! Men ta men be yirda n deŋi Enyɛnpe nɛ e la menyi be Ebɔrɛ na so nsaa yili to kpakpa. Men yirda kusɔ nɛ mbe anebiana na kaŋɛ menyi na saŋɛ na so asheŋ beeŋ nyalɛ n sa menyi.”

Nshɛ 106:32

Basa na daŋ wɔtɔ Enyɛnpe Ebɔrɛ na agbo to nna ashi kubuye nɛ baa tre Mɛriba na ase, nɛ Mosis daŋ ŋkpal bumo so n wora n da Ebɔrɛ so.

Nshɛ 99:8

O Enyɛnpe anyi be Ebɔrɛ, fo e daŋ nu bumo be kekule, nseŋ ta bumo be alubi m paŋ bumo. Ama b ka naŋ wora kusɔ nɛ k maŋ daga na, fo gberge bumo kusoe nna.

Aizaaya 7:9

Israɛl be efuli na maŋ kɔ eleŋ a chɔ kumo be kadegboŋ nɛ baa tre Samɛria na, nɛ Samɛria malɛ maŋ kɔ eleŋ a chɔ ewura Pɛka. Nɛ Juda be ewura, Ahaz, nɛ mbe benimuana maŋ yirda ma bre, baaŋ kɔ n tɔr.”

Aizaaya 8:13

Baa nyiŋi fanɛ ma, Enyɛnpetale Ebɔrɛ na du cheembi nna. N nawule e daga fanɛ fo baa ŋana ga nsaa sa ma bunyaŋ.

Ezikɛl 20:41

Jemanɛ nɛ meeŋ naŋ lara menyi efuliana nɛ men pesaŋ to n yɔ to m bɛta m ba gama abar so na, ma kagbene beeŋ naŋ fuli menyi so nɛ n sɔ menyi be esarga fanɛ duwu nɛ a bee dufɛ viim na. Ndoŋ nɛ efuliana na kikɛ beeŋ wu fanɛ n du cheembi nna.

Ezikɛl 36:23

Ŋ kaŋ lara kecheembiya nɛ k wɔ ma ketregboŋ nɛ men ŋaba ashi efuliana na so na ŋ ŋini bumo na nɛ baaŋ pin fanɛ ma e la Enyɛnpe Ebɔrɛ na. Ma, Enyɛnpetale Ebɔrɛ na e kaŋɛ, fanɛ men bɔla menyi so ŋ ŋini efuli pɔtɛana na fanɛ n du cheembi nna.

Ezikɛl 38:10

Kusɔ nɛ Enyɛnpetale Ebɔrɛ na bee kaŋɛ Gɔg nde: “Jemanɛ na kaŋ fo, feeŋ fara a fɛ ŋkre lubi.

Levitikɔs 10:3

Ndoŋ nna nɛ Mosis kaŋɛ Ɛɛrɔn: “Kusɔ nɛ Enyɛnpe Ebɔrɛ na daa de saŋɛ nɛ e daa malga fanɛ, bekama nɛ baa shuŋ mo daga b bɔla mbe kecheembiya so n sa mo bunyaŋ. Mo alɛ beeŋ shin nɛ mbe kemaŋkura a dii efuli ashi mbe basa to nɛ b bunyaŋ mo.” Ama Ɛɛrɔn daa maŋ kaŋɛ shɛŋ.

Nɔmbɛs 11:15

Nɛ le bre nɛ fee sha kewora ma, kumo ere wu ma kuwɔr nseŋ mɔ ma nɛ n wushi.”

Nɔmbɛs 20:24

“Ɛɛrɔn be keya maaŋ cha kasawule nɛ n nase kɔnɔ fanɛ meeŋ ta n sa Israɛlebi na so. Ŋkpal menyi benyɔ ka kini kenu n sa ma ashi Mɛriba na so, meeŋ shin nɛ e wu.

Nɔmbɛs 27:14

Ŋkpal manɛ so, Israɛlebi na ka fubel m bile asheŋ m malga ŋ gbiti ma ashi Mɛriba nɛ k mata Kadɛsh ashi Zin be keshishɛrsawule so na, kakpa nɛ n shin nɛ nchu lar kefalta to na, menyi basa anyɔ na daŋ maŋ yirda ma nseŋ kini keshin nɛ Israɛlebi na pin ma eleŋ.”

Matiu 17:17

Nɛ Yesu bishi bebɛsopo na: “O menyi mbreebi, nuso be basa lubi e la menyi nɛ men maŋ kɔ yirda ere bre? Nuso be kechɛr nɛ menyee sha fanɛ n chɛr menyi kutɔ? Nɛ nuso be kanyiti nɛ menyee sha fanɛ n naŋ ta ŋ keta menyi? Men bar kebia na ma kutɔ nfe.”

Matiu 17:20

Nɛ Yesu kaŋɛ bumo: “Men be yirda ka maŋ shi so nɛ men maŋ tiŋ na. Ma e kaŋɛ menyi kashenteŋto na fanɛ nɛ men be yirda baa du fimbi fanɛ kakilia be kebi gba, menyeeŋ tiŋ ŋ kaŋɛ kebee ere le: ‘Pulgi fo kumu nfe n yɔ ndoŋ ere!’ Nɛ k pulgi. Shɛŋ shɛŋ maaŋ baa du menyi so kpakpa.

Luuk 1:20

Ama fo maŋ yirda kubɔya na, kumo alɛ be saŋɛ kaŋ fo, loŋ e naaŋ wora. Ŋkpal fo ka maŋ yirda ma kubɔya ere so, fo maaŋ naŋ tiŋ m malga. Feeŋ ki neemu yili kabre n ya fo kachɛ nɛ ma kamalga ere beeŋ bɔla ekpa.”

Luuk 1:45

Fo ka yirda fanɛ Ebɔrɛ be kubɔya nɛ e bar fo na beeŋ bɔla ekpa na so so nɛ e nɛfa fo kagbenefuliso nna.”

Baru lela nɛ Jɔn kute na 1:17

Ŋkpal manɛ so, anebi Mosis so nɛ Ebɔrɛ bɔla m bar mbra na, ama kuwɔr be kakɛ nɛ kashenteŋ bre shi Yesu Kristo so nna.

Romebi 4:20

Mbe yirda daa maŋ gbuŋgbuŋ to n shin nɛ e fara a lar Ebɔrɛ be kɔnɔ naseso be kaman. E daŋ nya yirda be eleŋ nna n ti so nseŋ ta kemaŋkura n sa Ebɔrɛ.

Ditɛronɔmi 1:37

Ŋkpal menyi so, Enyɛnpe Ebɔrɛ na daŋ nya agbo nna n wɔtɔ ma alɛ gba nseŋ kaŋɛ le: ‘Mosis, fo alɛ gba maaŋ yɔ kasawule na so.

Ditɛronɔmi 34:4

Ade be kaman nɛ Enyɛnpe Ebɔrɛ na kaŋɛ Mosis le: “Kasawule nɛ n nase kumo be kɔnɔ n sa Eebraham nɛ Aizek nɛ Jeekɔb fanɛ meeŋ ta n sa bumo be kaman to ebi na nna na. N shin nɛ fo wu kumo, ama fo alɛ maaŋ yɔ ndoŋ.”

Ditɛronɔmi 4:21

Ŋkpal menyi so nɛ Enyɛnpe Ebɔrɛ na nya agbo n wɔtɔ ma, nseŋ bɔ ntaŋ fanɛ m maaŋ dii Jɔɔdan be Lɔr na n yɔ kasawule lela nɛ e ta a sa menyi na so.

Joshuwa 1:2

“Naniere ma kayɛrbi Mosis wu, amoso fo nɛ Israɛlebi ere kikɛ e koso n dii Jɔɔdan be lɔr na n yɔ kasawule nɛ ŋ kɔ a sa bumo na so.

1 Pita 3:15

Ama men baa sa Kristo bunyaŋ fanɛ Enyɛnpe ashi men be ŋgbene to. Men baa wora shiriya saŋkikɛ a jo esa kama nɛ e beeŋ ba bishi menyi tama mo nɛ men kɔ ere be kifito, nɛ men kaŋɛ mo.