Nɔmbɛs 20:11 - EBƆRƐ BE KAWƆL

¹¹ Kumo be kaman nɛ Mosis maŋ mbe kekpabi so ŋ ŋmɛa kefalta na ale anyɔ. Epul to nɛ nchu lar kefalta na to eleŋso a wurge nɛ basa na nɛ bumo be asɔbɔya kikɛ nuu.

Nɔmbɛs 20:11 ပူးပေါင်းရင်းမြစ်များ

1 Kronikɛls 15:13

Ŋkpal men ka daa maŋ wɔtɔ nɛ men sulɔ kumo sososo na so, Enyɛnpe Ebɔrɛ daŋ gberge anyi kusoe nna ŋkpal anyi ka daa maŋ wora kusɔ nɛ k daga so.”

1 Kronikɛls 15:2

Kumo be kaman nɛ Deevid kaŋɛ le: “Livaiebi na nawule a daga fanɛ b baa sulɔ ŋkre be deka na ŋkpal manɛ so bumo nɛ Enyɛnpe Ebɔrɛ lara fanɛ b baa sulɔ kumo nsaa shuŋ mo mbaanaayɔ.”

Nshɛ 105:41

E daŋ shin nɛ kefalta pante nɛ nchu lar kumo to eleŋso, a shile keshishɛrsawule na so fanɛ lɔr na nna.

Nshɛ 114:8

ŋkpal manɛ so, mo e naa shin nɛ kefalta kpakpaso bee pante a lar nchu nɛ a bee dese fanɛ kepa ŋko a shile fanɛ kabombi na.

Nshɛ 74:15

Fo e daŋ shin nɛ kasawule pante n lar nchu ŋ ki fanɛ kebuye nɛ mbombi. Nseŋ shin nɛ elɔr nɛ a daa shile bre wɔlto na.

Nshɛ 78:15

E daŋ shin nɛ afalta pante a lar nchu a shile fanɛ mbombi nna ashi keshishɛrsawule so nɛ b nya nchu n nuu bumo be kepar.

Nshɛ 78:16

Mo e daŋ shin nɛ nchu shi kefalta to n lar a shile fanɛ lɔr na.

Nshɛ 78:20

E ka daŋ shin nɛ kefalta na pante na, nchu daŋ lar a shile fanɛ mbombi na. Ama e kraa beeŋ tiŋ n sa anyi ajibi nna ere a? E beeŋ tiŋ n sa mbe basa eblaŋ nna ere a?”

Ɛksodɔs 17:6

Meeŋ ya kaa yil Sainai be kebee na be kefalta na ase nɛ fo ta kekpabi na ŋ ŋmɛa kefalta na nɛ nchu e lar kumo to nɛ basa na e nuu.” Ndoŋ nna nɛ Mosis wora loŋ ashi Israɛlebi be benimu na be anishito.

Aizaaya 43:19

Men baa keni kusɔ popɔr nɛ meeŋ wora na ekpa. K tea wora gba! Menyeeŋ tiŋ n wu kumo naniere! Meeŋ wora ekpa keshishɛrsawule so nseŋ shin nɛ men nya mbombi ashi kasawule wɔlso so.

Aizaaya 48:21

E juŋkpar anyi m bɔla keshishɛrsawule so nseŋ shin nɛ kefalta pante n lar nchu nɛ an nuu n tuge achukoŋ.

Hoziya 13:5

Ma e keni menyi so saŋɛ so nɛ men daa wɔ keshishɛrsawule tushiso na so na.

Levitikɔs 10:1

Nadab nɛ Abihu kikɛ daa la Ɛɛrɔn be mbinyɛnsobi nna nɛ b daŋ wora n da Enyɛnpe Ebɔrɛ na so ŋkpal b ka daŋ wora edɛ n wɔtɔ edɛtɔl to n chɔɔ duwu ekpa nɛ k maŋ daga so m ba Enyɛnpe Ebɔrɛ na be anishito so.

Nɔmbɛs 20:8

“Ta kekpabi nɛ k wɔ ŋkre be deka na be anishito na, nɛ fo nɛ Ɛɛrɔn e tre basa na kikɛ n shɛr, nɛ fo yili bumo be anishito m malga n sa kefalta na nɛ nchu e shi kumo to n lar eleŋso nɛ basa na nɛ bumo be asɔbɔya kikɛ e nya nchu n nu.”

Matiu 28:20

Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”

1 Kɔrintebi 10:4

nseŋ daŋ nuu asɔnuuso koŋwule mo nɛ a daŋ shi Ebɔrɛ kutɔ na. Kefalta mo nɛ kumo nɛ bumo daa na na kutɔ nɛ b daŋ nuu amo. Kefalta na e la Kristo na.

Ditɛronɔmi 8:15

Men baa nyiŋi kananɛ e juŋkpar menyi keshishɛrsawule gboŋgboŋi nɛ awɔ lubi nɛ nna wɔ kumo so na to. Nchu daa maŋ wɔ ndoŋ nɛ Enyɛnpe Ebɔrɛ na shin nɛ kefalta baŋɛ nɛ nchu lar kumo to saŋɛ na so, menyeeŋ nya n nuu.

Jeems 1:20

ŋkpal manɛ so, mannɛ kanya agbo so nɛ esa bee bɔla a wora alelasheŋ nɛ a bee par Ebɔrɛ.

Demujipoana 15:19

Ndoŋ nna nɛ Ebɔrɛ shin nɛ kefalta pete a lar nchu ashi Lehi ndoŋ. Samsɔn ka nuu nchu na nɛ e naŋ nya eleŋ. Nɛ b nase kechubu na Ɛn Hakkɔre. Kumo be kifito la: ‘Esa nɛ e shu n tre be kechubu.’ Loŋ be kechubu na kraa wɔ Lehi hale nɛ mbre.

1 Samuɛl 15:19

Manɛ nna nɛ fo maŋ wora kasonu n sa Enyɛnpe Ebɔrɛ? Manɛ nna nɛ fo kuse n ya muu asɔ lela na kikɛ nseŋ shin nɛ Enyɛnpe Ebɔrɛ nya agbo?”

1 Samuɛl 15:24

Ndoŋ nna nɛ Sɔɔl kaŋɛ Samuɛl le: “N shuli fanɛ n wora kulubi. Ŋ kini kenu n sa fo nɛ Enyɛnpe Ebɔrɛ kikɛ. Benapo na nɛ n daa ŋana nseŋ nu n sa bumo.