Nɔmbɛs 19:21 - EBƆRƐ BE KAWƆL

²¹ Mbra ere maaŋ chɛrga kikɛ. Ekama nɛ e bee ŋmenyaŋ nchu na a fɔr basa so daŋkare be ekpa so gba, daga e fɔr mbe epiŋi. Ekama nɛ e beta nchu na malɛ beeŋ wora eyurpi daŋkare be ekpa so n ya fo kaaseso.

Nɔmbɛs 19:21 ပူးပေါင်းရင်းမြစ်များ

Ɛksodɔs 27:21

Ɛɛrɔn nɛ mbe mbinyɛnso e daga fanɛ b baa chɔɔ efitila na so a yili patisa nɛ k kuŋ kɔnɔkoŋwule be ŋkre be deka na be anishito na. B baa chɔɔ efitila na so kaaseso kikɛ nɛ a baa fuli to ma, Enyɛnpe Ebɔrɛ be wajɛbu na to a klade. A daga fanɛ Israɛlebi nɛ bumo be kaman to ebi kikɛ e baa bɛ mbra ere so mbaanaayɔ.

Levitikɔs 11:40

Esa kama nɛ e we kusɔbɔya na be eblaŋ daga e fɔr mbe asɔbuuso, ama e beeŋ kraa wɔ eyurpi to hale nɛ kaase e ya fo. Esa kama malɛ nɛ e sulɔ loŋ be kusɔbɔya gba daga kefɔr mbe asɔbuuso, ama mo alɛ kraa beeŋ baa wɔ eyurpi to hale nɛ kaase e ya fo.

Nɔmbɛs 18:23

Livaiebi na nawule e naa ba shuŋ wajɛbu na to nɛ kumo be kewora n da so be turju e ba bɛ bumo. Le be mbra ere dese nna n sa menyi nɛ men be kaman to ebi kikɛ mbaanaayɔ. Bumo alɛ maaŋ nya kapetɛ kikɛ ashi Israɛlebi na to,

Nɔmbɛs 19:10

Esa nɛ e muu nsunɔ na gba daga e fɔr mbe epiŋi. Mo alɛ maaŋ baa walɛ so hale n ya fo kaaseso. Le be mbra ere dese nna mbaanaayɔ n sa Israɛlebi na nɛ befɔ nɛ b chena bumo to na kikɛ.

Nɔmbɛs 19:7

Kumo be kaman nɛ bɔrɛmatapo na e ya fɔr mbe epiŋi nseŋ bɛr pɔɛŋ m bɛta m ba keeyi na to. Ama e maaŋ baa walɛ so daŋkare be ekpa so hale n ya fo kaaseso.

Nɔmbɛs 19:8

Esa nɛ e chɔɔ kena na gba daga kefɔr mbe epiŋi nseŋ bɛr. Mo alɛ gba maaŋ baa walɛ so hale n ya fo kaaseso.

Hibruwebi 10:4

Ŋkpal manɛ so, egbolu nɛ mboe be ŋklaŋ maaŋ tiŋ n lara esa be alubi ashi mo to kikɛ.

Hibruwebi 7:19

Ŋkpal manɛ so, Mosis be mbra na daa maŋ tiŋ n ta shɛŋ ŋ ki cheembi. Ama naniere tama popɔr naŋ ba nɛ an bɔla kumo so n firgi n taga Ebɔrɛ to.

Hibruwebi 9:10

Asɔ na be asheŋ la asɔ jiso nɛ asɔ nuusoana nɛ daŋkare be eyurana so be kefɔr nna. Amo alɛ nseŋ naa la eyur so be atande nɛ a baa wɔtɔ n ya fo jemanɛ nɛ Ebɔrɛ beeŋ shin nɛ asɔ kikɛ e naŋ bɔla ekpa na.