Nɔmbɛs 19:20 - EBƆRƐ BE KAWƆL

²⁰ Esa kama nɛ e wora eyurpi daŋkare be ekpa so nseŋ kini kefɔr mbe kumu so daŋkare be ekpa so wora eyurpi n jija Enyɛnpe be wajɛbu na nna nsaa maaŋ naŋ ti Ebɔrɛ be basa so.

Nɔmbɛs 19:20 ပူးပေါင်းရင်းမြစ်များ

Jɛnesis 17:14

Amoso enyɛn kama nɛ e maŋ ku kututu daga b ka lara mo ashi ma basa to, ŋkpal manɛ so, e maŋ bɛ ma kɔnɔkoŋwule be ŋkre be kɔnɔ naseso na so nna na.”

Ɛksodɔs 30:33

Esa kama nɛ e pel n wora amo be kaduli ŋko n ta amo ŋ gbiti esa pɔtɛ nɛ e maŋ la bɔrɛmatapo, a daga fanɛ b lara mo ashi mbe basa to.’ ”

Levitikɔs 15:31

Ade kikɛ be kaman, nɛ Enyɛnpe Ebɔrɛ na naŋ kaŋɛ Mosis fanɛ e kpele Israɛl be basa na kusoe a laŋɛ bumo be eyurpisheŋ be kaplɛa so, saŋɛ na so b maaŋ ta eyurpi m pɛ wajɛbu nɛ k wɔ keeyi na be nferinto na. Nɛ b ta eyurpi m pɛ kumo, efuli na kikɛ beeŋ wu.”

Levitikɔs 17:16

E kaŋ kini kefɔr mbe asɔbuuso nseŋ bɛr nchu e beeŋ nya kumo be kasogberge.”

Levitikɔs 22:4

Ɛɛrɔn be kaman be esa kama nɛ e kɔ achuu nɛ e bee lar nchu ŋko nɛ nchu bee lar mbe kenyɛnsɔ to maŋ daga keji esarga cheembi na, ama e nyalɛ so daŋkare be ekpa so nna pɔɛŋ. Bɔrɛmatapo kama nɛ e beta kusɔ kama nɛ k maŋ walɛ so ŋko n luri ebuni so ŋko mbe kenyɛnsɔ bee lar nchu

Nɔmbɛs 15:30

Ama kadetobia ŋko efɔ nɛ e kute n wora kulubi bre, bee fɛl Enyɛnpe Ebɔrɛ na nna nsaa maŋ daga e ka wɔ basa na to.

Nɔmbɛs 19:13

Esa kama nɛ e beta ebuni nseŋ kini kefɔr mbe kumu so daŋkare be ekpa so, wora eyurpi n jija Enyɛnpe be wajɛbu na nna nsaa maaŋ naŋ ti Ebɔrɛ be basa so.

Nɔmbɛs 9:13

Ama nɛ fanɛ esa walɛ so daŋkare be ekpa so mo alɛ nsaa maa wɔ enite to nseŋ kini kebansonchoŋ be kejigboŋ na be keji, kumo ere m maŋ naa ber mo a ti ma basa so, ŋkpal e ka kini kelara sarga n sa ma saŋɛ nɛ k daga so. Mo alɛ beeŋ nya mbe kulubi be kasogberge

Maak 16:16

Ekama nɛ e yirda, nɛ b bɛr mo kabɔrɛbɛr, e beeŋ nya kumɔlga, ama ekama nɛ e maŋ yirda, e beeŋ nya kasogberge.

2 Pita 3:14

Amoso, n teri shasoana, ŋkpal men ka bee keni le be kesheŋ ere ekpa so, men baa wora ania ga a la basa nɛ Ebɔrɛ maaŋ wu kulubi bumo so nɛ b maŋ kɔ saŋgre kikɛ nɛ menyi nɛ mo malɛ e naa kɔ kagbenewushi abar so.

Kelaraŋŋini 22:11

Esa kama nɛ e bee wora alubi e baa kraa wora amo, ekama malɛ nɛ e kɔ eyurpi mo to e baa kraa du loŋ. Ekama nɛ e bee wora alela e baa kraa wora alela na nɛ ekama malɛ nɛ e du cheembi e baa kraa du cheembi loŋ.”