Nɔmbɛs 19:19 - EBƆRƐ BE KAWƆL

¹⁹ Esa nɛ e walɛ so daŋkare be ekpa so na e naaŋ ta nchu na ŋ ŋmenyaŋ basa nɛ b wora eyurpi daŋkare be ekpa so na so kachɛ sasopo nɛ kushunusopo na. Loŋ be kachɛ shunusopo na, nɛ esa nɛ e maŋ walɛ so na e fɔr mbe epiŋi nseŋ bɛr pɔɛŋ n nyalɛ so kaaseso.

Nɔmbɛs 19:19 ပူးပေါင်းရင်းမြစ်များ

Jɛnesis 2:2

Kachɛ shunusopo na ka fo nɛ Ebɔrɛ loge mbe kushuŋ kikɛ, amoso kachɛ shunusopo na e wushi nna ashi ashuŋ nɛ e shuŋ na kikɛ nyam to.

Ɛksodɔs 19:10

Nɛ Enyɛnpe Ebɔrɛ kaŋɛ Mosis: “Bɛta n yɔ basa na kutɔ n ya kaŋɛ bumo nɛ b ta kabre nɛ echefo n lara alubi ashi bumo be ŋgbene to nseŋ ki cheembi. K daga fanɛ b fɔr bumo be asɔbuuso gba

Ezikɛl 36:25

Nɛ kebaadu fanɛ ŋ ka wora nchu lela ŋ ŋmenyaŋ menyi so nɛ men nyalɛ so ashi kagbirshuŋ nɛ kusɔ kama nɛ k shin nɛ men wora eyurpi na to.

Levitikɔs 14:7

ŋ ŋmenyaŋ esa nɛ baa sha e ka nyalɛ so ashi mbe kulɔ lubi to na so ale shunu. Kumo be kaman nɛ bɔrɛmatapo na e shin nɛ mo nɛ ekama e pin fanɛ e nyalɛ so nseŋ yige kabuibi nyɔsopo na to nɛ e firgi n yɔ kupuŋ to.

Levitikɔs 14:9

Kachɛ shunusopo na e beeŋ naŋ she mbe kumu nɛ katɔl nɛ anishi guŋgumbi nɛ mbe eyur so be afuibi kikɛ. Mo alɛ beeŋ naŋ fɔr mbe asɔbuuso nseŋ bɛr nchu pɔɛŋ nseŋ nyalɛ so.

Nɔmbɛs 19:12

Ama e baaŋ ta nchu nɛ b ta kena peper na be nsunɔ n wea to na nna n fɔr mbe kumu so daŋkare be ekpa so kachɛ sasopo nɛ kachɛ shunusopo na. Nɛ e baa maŋ wora loŋ, e maaŋ ba walɛ so daŋkare be ekpa so.

Nɔmbɛs 19:13

Esa kama nɛ e beta ebuni nseŋ kini kefɔr mbe kumu so daŋkare be ekpa so, wora eyurpi n jija Enyɛnpe be wajɛbu na nna nsaa maaŋ naŋ ti Ebɔrɛ be basa so.

Nɔmbɛs 19:18

Nɛ esa nɛ e walɛ so daŋkare be ekpa so, e ta kedibi nɛ baa tre hisɔp be keyabi n nyɔ nchu na to ŋ ŋmenyaŋ ŋ ŋmenyaŋ wajɛbu na nɛ kusɔ kama nɛ k wɔ kumo to na, nɛ basa nɛ b daa wɔ ndoŋ na kikɛ so. Loŋ koŋwule nɛ baaŋ wora esa kama nɛ e beta dimɛdi be kuwibi ŋko kebuni ŋko nchaŋ.

Nɔmbɛs 31:19

Menyi be ekama malɛ nɛ e mɔ esa ŋko m beta ebuni, e lar keeyi na to n yɔ kakpa ko nchɛ ashunu. Bumo nɛ basa nɛ b pɛ kena to na e fɔr bumo be eyur so daŋkare be ekpa so kachɛ sasopo nɛ kushunusopo na.

Nɔmbɛs 31:24

Men baŋ fɔr men be epiŋi kachɛ shunusopo na, menyeeŋ nyalɛ so daŋkare be ekpa so nseŋ nya ekpa m bɛta n yɔ keeyi to.’ ”

Taites 2:14

E ta mo gbagba be kumu n sa anyi nɛ e tiŋ m mɔlga anyi ashi alubisheŋ kikɛ to nseŋ ta anyi ŋ ki basa cheembi nɛ an baa la mo nawule peya m bugi kagbene a wɔtɔ a sha kebaawora alelasheŋ.

Hibruwebi 10:22

men shin nɛ an ta kashenteŋ be ŋgbene nɛ yirda nɛ k maŋ kɔ shikashika nɛ ŋgbene mo nɛ b fɔr amo be nfɛra fɛso lubi n lɛ na nɛ eyurana nɛ b ta nchu mo nɛ a maŋ kɔ eyurpi amo to n fɔr na n firgi n taga Ebɔrɛ to.

1 Jɔn 1:7

Ama nɛ fanɛ an baa na kefulto to fanɛ kananɛ e wɔ kefulto to na bre, kumo ere anyi nɛ an braana beeŋ baa kɔ kɔnɔkoŋwule be kebaawɔtɔ nɛ mo Pibinyɛn Yesu be ŋklaŋ nɛ a lar saŋɛ nɛ e wu na e baa fɔr kulubi kikɛ nyam ashi anyi be ŋgbene to.

Juud 1:23

Men baa mɔlga beko a suge bumo ashi edɛ to, men baa wu beko malɛ kuwɔr nsaa ŋana bumo be alubiana a de so nɛ a sa maŋ kaŋ gbiti menyi.