Nɔmbɛs 19:11 - EBƆRƐ BE KAWƆL

¹¹ Esa kama nɛ e beta ebuni maaŋ baa walɛ so daŋkare be ekpa so nchɛnshunu.

Nɔmbɛs 19:11 ပူးပေါင်းရင်းမြစ်များ

Aizaaya 52:11

Menyi kikɛ nɛ menyee sulɔ bɔrɛlambu na to be asɔ na, e lar kadegboŋ nɛ baa tre Babilɔn na to. Men sa maŋ kaŋ beta keyurpisɔ kikɛ n wora eyurpi daŋkare be ekpa so. Menyi alɛ e bɛr nchu a du farfarbi pɔɛŋ nseŋ lar ndoŋ.

Nfabel 4:14

Kashenteŋto, anebiana na nɛ bɔrɛmatapoana na daa nite kadegboŋ na be agbembi so cham cham fanɛ etanpo nna. Ŋkpal basa nɛ b wu na be luwu be turju ka bɛ bumo so so, esa kikɛ daa maa sha kefirgi n tege bumo to gba kuraa.

Ezikɛl 39:12

Afɔl ashunu nɛ Israɛlebi na beeŋ ta m puli bubuni na kikɛ pɔɛŋ nɛ kasawule na e naŋ nyalɛ so.

Ezikɛl 44:26

Kumo be kaman nɛ e ka naŋ nyalɛ so daŋkare be ekpa so, a daga fanɛ e jo nchɛ ashunu pɔɛŋ

Levitikɔs 11:31

Esa kama nɛ e beeŋ beta amo be kekama be kekeniso ŋko kuwuso beeŋ baa wɔ eyurpi to hale nɛ epeŋi e ya tɔr.

Levitikɔs 21:1

Ndoŋ nna nɛ Enyɛnpe Ebɔrɛ na kaŋɛ Mosis fanɛ e kaŋɛ Ɛɛrɔn be mbinyɛnsobi nɛ b la bɔrɛmatapoana na le: “Bɔrɛmatapo kikɛ e sa maŋ kpal ekurgepo ko be keeliwora so a ta mbe kumu a wɔtɔ eyurpisheŋ to,

Levitikɔs 21:11

B gbiti mo ŋku nɛfaso nna n lara mo n yili n sa ma. Amoso a maŋ daga fanɛ e luri eyurpisheŋ to ŋko n shin nɛ ma wajɛbu cheembi na e wora eyurpi ŋkpal e kaa beeŋ lar kumo to n ya luri ebuni kikɛ so, hale mo tuto ŋko mo nio be kebuni gba so.

Levitikɔs 22:4

Ɛɛrɔn be kaman be esa kama nɛ e kɔ achuu nɛ e bee lar nchu ŋko nɛ nchu bee lar mbe kenyɛnsɔ to maŋ daga keji esarga cheembi na, ama e nyalɛ so daŋkare be ekpa so nna pɔɛŋ. Bɔrɛmatapo kama nɛ e beta kusɔ kama nɛ k maŋ walɛ so ŋko n luri ebuni so ŋko mbe kenyɛnsɔ bee lar nchu

Levitikɔs 5:2

Nɛ esa maŋ kute m beta kusɔbɔya wuso ŋko kusɔ ko nɛ k maŋ walɛ so daŋkare be ekpa so gba, amodoŋwura wora eyurpi nseŋ wora n da so nna na.

Heegai 2:13

Ndoŋ nna nɛ Heegai bishi bumo, “Nɛ fanɛ esa wora eyurpi ŋkpal e ka beta ebuni so nseŋ beta ajibi, loŋ be ajibi na gba wora eyurpi a?” Nɛ bɔrɛmatapoana na kaŋɛ, “Mm, a wora eyurpi.”

Nɔmbɛs 19:16

Ekama nɛ e beta esa nɛ b mɔ kowushina ŋko esa nɛ e wu kowushina be kebuni, ŋko dimɛdi be kuwibi ŋko nchaŋ gba wora eyurpi daŋkare be ekpa so nchɛnshunu.

Nɔmbɛs 31:19

Menyi be ekama malɛ nɛ e mɔ esa ŋko m beta ebuni, e lar keeyi na to n yɔ kakpa ko nchɛ ashunu. Bumo nɛ basa nɛ b pɛ kena to na e fɔr bumo be eyur so daŋkare be ekpa so kachɛ sasopo nɛ kushunusopo na.

Nɔmbɛs 5:2

“Kaŋɛ Israɛlebi na kenishipereso fanɛ b ju bekama nɛ b wora eyurpi daŋkare be ekpa so ŋkpal b ka bee lɔ keboti ŋko babaso ŋko m beta kusɔ wuso ashi bumo be keeyi to so.

Nɔmbɛs 6:6

Bumo be emin tenteŋ na e naa ŋini b ka ta bumo be amu m bɔɔ Enyɛnpe Ebɔrɛ enɔ. A maŋ daga b baa luri bubuni so. Hale bumo tutoana ŋko bumo nioana ŋko bumo siponyɛnana ŋko besipocheana gba be kebuni. Saŋɛ na so b maaŋ ta bumo be amu n wɔtɔ eyurpi to.

Nɔmbɛs 9:10

fanɛ e kaŋɛ Israɛlebi na le: “Nɛ fanɛ menyi to be eko ŋko menyi be kaman to ebi ko wora eyurpi ŋkpal b ka beta ebuni so ŋko b wɔ ekpa wɔfɔ be enite to, bumo alɛ nsaa sha keji kebansonchoŋ be kejigboŋ na,

Nɔmbɛs 9:6

Basa na be beko daŋ wora eyurpi nna daŋkare be ekpa so ŋkpal b ka beta ebuni so. Amoso b daa maŋ tiŋ n ji kebansonchoŋ be kejigboŋ na loŋ be kachɛ na. Ndoŋ nna nɛ b yɔ Mosis nɛ Ɛɛrɔn kutɔ

Ashuŋ Shunso 21:26

Ndoŋ nna nɛ Pɔɔl shin nɛ mo nɛ basa na yɔ ŋ klade n ya wora bumo be kefɔr n lɛ be daŋkaresheŋ na nseŋ shin nɛ e yɔ bɔrɛlambu na to n ya kaŋɛ kachɛ nɛ baa loge eyurpi be kefɔr n lɛ be daŋkare na nseŋ lara basa na be ekama be sarga.

Ashuŋ Shunso 21:27

Nchɛnshunu na ka taga to nɛ Eeshia be kasawule so be Juwebi ko wu Pɔɔl bɔrɛlambu na to nseŋ we n wɔtɔ jimaŋ na kikɛ nseŋ nyaŋ Pɔɔl

Romebi 5:12

To, naniere, men baa nyi fanɛ esa koŋwule so nɛ alubi bɔla m ba durnya to nɛ luwu malɛ ba ŋkpal alubi na so m ba sɔ durnya kikɛ to nyam, ŋkpal manɛ so, basa kikɛ wora alubi.

2 Kɔrintebi 6:17

Amoso ma, Enyɛnpe na e naa yɛ menyi na fanɛ men lara men be amu ashi bumo to a kɔr to. Men sa maŋ kaa beta kusɔ kama nɛ k kɔ eyurpi nɛ n sɔ menyi.

Ɛfesesebi 2:1

To, menyi alɛ gba du fanɛ basa nɛ b wu nna ŋkpal men ka daŋ foe ekpa a wɔtɔ a wora alubi na so.

Hibruwebi 9:14

kumo ere, kusɔ nɛ Yesu be ŋklaŋ na bre beeŋ tiŋ n wora shi pasaa. Ŋkpal manɛ so, e bɔla Kiyoyu nɛ e wɔ ŋkpa to saŋkama na so nna n ta mo gbagba be kumu nɛ k maŋ kɔ kulubi kikɛ na n lara sarga n sa Ebɔrɛ. Mbe ŋklaŋ na e naa fɔr anyi be ŋgbeneana to be nfɛra fɛsoana ashi amo be aworbi jiga to na, saŋɛ na so anyeeŋ tiŋ n shuŋ Ebɔrɛ nɛ e wɔ ŋkpa to na.