Nɔmbɛs 18:7 - EBƆRƐ BE KAWƆL

⁷ Fo nɛ fo mbinyɛnsobi nawule e naaŋ baa shuŋ kabɔrɛmata be kushuŋ na ashi bɔrɛsure na so nɛ acheembiana to be kakpa cheembi na to. Ŋkpal manɛ so ma e ta kabɔrɛmata be kushuŋ ere n sa menyi. Amoso esa kama nɛ e ta kpramɛ n shuŋ kumo, daga b ka mɔ mo.”

Nɔmbɛs 18:7 ပူးပေါင်းရင်းမြစ်များ

Nshɛ 115:10

Menyi nɛ men la Ɛɛrɔn be kanaŋ to ebi nsaa la bɔrɛmatapoana na, a daga fanɛ men yirda Enyɛnpe Ebɔrɛ na nɛ e baa chɛ menyi to nsaa kuŋ menyi.

Ɛksodɔs 28:1

Naniere shin nɛ fo da Ɛɛrɔn nɛ mbe mbinyɛnso Nadab nɛ Abihu nɛ Eliazaa nɛ Itama e lar Israɛlebi na to m ba fo kutɔ, saŋɛ na so baaŋ ba kaa la bɔrɛmatapoana a shuŋ ma.

Ɛksodɔs 29:9

nseŋ buu bumo nwuro n ta ekreso ŋ kre bumo so. Nɛ men wora loŋ Ɛɛrɔn nɛ mbe bibinyɛn nɛ bumo be kaman to ebi kikɛ beeŋ ki bɔrɛmatapoana a shuŋ ma hale mbaanaayɔ.

Ezikɛl 44:15

Kumo be kaman, nɛ Enyɛnpetale Ebɔrɛ na kaŋɛ le: “Livai be yiri to be bɔrɛmatapoana nɛ b shi kanyɛn nɛ baa tre Zadɔk na be kabuna na bre daŋ maŋ kini ma kushuŋ bɔrɛlambu na to nseŋ ya shuŋ agbirana jemanɛ nɛ Israɛl be basa na daŋ kini ma na. Amoso bumo e naŋ tiŋ m ba ma anishi to m ba shuŋ ma fanɛ bɔrɛmatapoana nseŋ ta asɔbɔya be nfɔ nɛ ŋklaŋ n lara esarga.

Ezikɛl 44:16

Zadɔk be kabuna ebi na nawule e naŋ tiŋ n luri bɔrɛlambu na to n shuŋ bɔrɛsure na ase nseŋ naŋ tiŋ n juŋkpar basa nɛ baa shuŋ ma na.

Ezikɛl 44:8

Bumo gbagba ka beeŋ baa wora asɔ nɛ a daga a laŋɛ esarga cheembi na kaplɛa so ashi bɔrɛlambu na to so na, befɔ nɛ b ta loŋ be kushuŋ nna n sa.

Levitikɔs 16:2

“Kaŋɛ fo da Ɛɛrɔn fanɛ jemanɛ nɛ k daga nawule nɛ e beeŋ tiŋ n luri acheembiana to be kakpa cheembi nɛ k wɔ patisa na be kaman na to, ŋkpal manɛ so, ndoŋ nɛ mee bɔla kuwɔlpa nɛ k buu kɔnɔkoŋwule be ŋkre be deka na so a lara ma kumu a ŋini. Nɛ mannɛ aloŋ, e beeŋ wu.

Levitikɔs 7:35

Ayu be sargajibi nɛ baa lara a sa Enyɛnpe Ebɔrɛ na be amo nɛ a daga a baa yɔ Ɛɛrɔn nɛ mbe kaman to ebi kutɔ nna na.

Nɔmbɛs 1:51

Saŋkama nɛ men baŋ chɛrga echenakpa, Livaiebi na e naaŋ baa bɔɔ Enyɛnpe be wajɛbu na. Bumo koŋwule na malɛ e naaŋ baa yuu kumo kaplɛkama nɛ men ya chena. Esa pɔtɛ kama malɛ nɛ e yili n taga Enyɛnpe be wajɛbu na to b mɔ mo.

Nɔmbɛs 16:40

nɛ k baa la kanyiŋi n sa Israɛlebi na fanɛ esa kama nɛ e maŋ shi Ɛɛrɔn be kanaŋ to, maŋ daga e ka chɔɔ duwu n lara sarga bɔrɛsure na so n sa Enyɛnpe Ebɔrɛ na. Esa kama nɛ e wora loŋ beeŋ wu fanɛ kananɛ Koora nɛ mbe basa wu na.

Nɔmbɛs 18:20

Nɛ Enyɛnpe Ebɔrɛ naŋ kaŋɛ Ɛɛrɔn le: “Fo maaŋ nya kasawule be kachige nɛ k beeŋ baa la fo kapetɛ ashi Israɛl be kasawule so. Ma Enyɛnpe Ebɔrɛ na e naŋ baa la fo kapetɛ.”

Nɔmbɛs 18:3

Shin nɛ b baa shuŋ kushuŋ kama nɛ feeŋ sa bumo ashi wajɛbu na to, ama b sa maŋ kaŋ beta asɔ cheembi nɛ a wɔ Enyɛnpe be wajɛbu na to na nɛ bɔrɛsure na bre, nɛ mannɛ aloŋ, fo nɛ bumo kikɛ beeŋ wu.

Nɔmbɛs 3:10

Lara Ɛɛrɔn nɛ mbe bibinyɛn nɛ b baa la bɔrɛmatapoana. Esa pɔtɛ kama nɛ e pɛl n shuŋ bɔrɛmatapo be kushuŋ b mɔ mo.”

Nɔmbɛs 3:38

Mosis nɛ Ɛɛrɔn nɛ Ɛɛrɔn be mbia beeŋ wora bumo be echenakpa ashi wajɛbu na be anishito a laŋɛ epeŋilarkpa be kaba so. Bumo e naaŋ baa juŋkpar Israɛlebi na nɛ b baa bunyaŋ Enyɛnpe Ebɔrɛ. Esa pɔtɛ kama malɛ nɛ e pɛl n sɔ Mosis ŋko Ɛɛrɔn be kushuŋ a shuŋ, b mɔ mo.

Matiu 10:8

Men kaŋ yɔ, men chɛ belɔpo n tiŋi bubuni n shin nɛ bebotipo e nyalɛ so nseŋ ju mbuibi lubi basa to. Menyi maŋ tɔ nseŋ nya, amoso, menyi alɛ gba e sa nsaa maa fin kakɔka.

Baru lela nɛ Jɔn kute na 3:27

Nɛ Jɔn kaŋɛ bumo: “Nyiŋgbasa maaŋ tiŋ n nya shɛŋ mo gbagba be kumu so ama Ebɔrɛ e baŋ sa mo kumo.

Ɛfesesebi 3:8

Kashenteŋto nna fanɛ m maŋ fo Ebɔrɛ be basa to be ekekarso gba kuraa, ama Ebɔrɛ ta le be kuwɔr be kakɛ ere nna n sa ma nɛ m bɔ Kristo be enɛfa damta be baru lela na n sa nnyamase

Ditɛronɔmi 18:2

B maaŋ baa kɔ kasawule fanɛ kananɛ eyiriana na kikɛ beeŋ baa kɔ na. Bumo be kachige e naaŋ baa la esarga nɛ basa beeŋ lara n sa Enyɛnpe Ebɔrɛ na be ako fanɛ kananɛ e nase kɔnɔ na.

Hibruwebi 5:4

Esa kama maaŋ tiŋ n ta le be bunyaŋ be kushuŋ ere n sa mo gbagba be kumu. Ebɔrɛ nawule e naaŋ tre esa n ta loŋ be kushuŋ m bɔɔ mo enɔ fanɛ kananɛ e daŋ tre Ɛɛrɔn na nɛ e daŋ juŋkpar ŋ ki bɔrɛmatapo nimuso na.

Joshuwa 18:7

Men sa maŋ kaŋ sa Livaiebi na bre men be kasawule na be kachige kikɛ, ŋkpal manɛ so, Enyɛnpe Ebɔrɛ be kabɔrɛmata be kushuŋ na e la bumo be kachige. Gad nɛ Ruben nɛ Manase be yiri na be bargato bre tiŋ n nya bumo be nsawule ashi Jɔɔdan be lɔr na be epeŋilarkpa na be kaba so. Enyɛnpe Ebɔrɛ be kayɛrbi Mosis e daŋ ta kumo n sa bumo.”

1 Pita 5:2

Mee kule menyi nna fanɛ men baa keni Ebɔrɛ be basa nɛ b wɔ men be enɔ to a du fanɛ mbolpɔ na so. Men sa maŋ ta bumo be kekeniso na fanɛ katiŋ be kusɔ. Men baa bugi ŋgbene a keni bumo so fanɛ kananɛ Ebɔrɛ bee sha fanɛ men baa du na. Men sa maŋ baa wɔtɔ a kɔ kajɛso a fin kakɔka, men baa bugi kagbene a sha kebaashuŋ basa.

1 Pita 5:3

Men sa maa ŋini bumo nɛ Ebɔrɛ ta m bɔɔ menyi enɔ na kenimu, men baa la basa nɛ mbolpɔbi na beeŋ tiŋ ŋ keni so n wora asheŋ.

1 Samuɛl 2:28

Mo nɛ n lara Israɛl be eyiri na kikɛ to, fanɛ e baa la bɔrɛmatapo nsaa chɔɔ duwu ashi bɔrɛsure na so a sa ma nsaa buu kabɔrɛmata be piŋi nɛ baa tre ɛfɔd na saŋkama nɛ e bee ba ma anishito, nseŋ sa mbe kaman to ebi ekpa fanɛ b baa ta sarga nɛ baa chɔɔ bɔrɛsure na so na be ako.