Nɔmbɛs 18:6 - EBƆRƐ BE KAWƆL

⁶ Ŋ gbagba e lara fo kurgepoana Livaiebi na ashi Israɛlebi to fanɛ kakɛ nɛ b ta m bɔɔ ma enɔ n sa menyi, nɛ b baa chɛ to a shuŋ wajɛbu na to.

Nɔmbɛs 18:6 ပူးပေါင်းရင်းမြစ်များ

Jɛnesis 6:17

Lɔŋɛ kuloŋ na, ŋkpal manɛ so, meeŋ shin nɛ bɔrɛ e ba durnya to nɛ nchu e sɔ kaplɛkama n ji kusɔ futeso kikɛ nyam. Kashenteŋto, durnya to be kusɔ kama nyam beeŋ mur.

Jɛnesis 9:9

“Yili kabre a yɔ, mee nase kɔnɔ nna a sa menyi nɛ men be kanaŋ to ebi

Ɛksodɔs 14:17

Meeŋ naŋ shin nɛ Ijiptebi na be ŋgbene e ki kpakpa nɛ b yuu teku na to m bɛ bumo so, saŋɛ na so nɛ n nya kemaŋkura ŋkpal kusɔ nɛ meeŋ wora ewura Fɛɛro nɛ mbe benapo so so.

Ɛksodɔs 31:6

Ma alɛ naŋ lara Oholiab nɛ e la Ahisamak malɛ pibinyɛn ashi Dan be kanaŋ to nna fanɛ e baa chɛ Besalɛl to a shuŋ. Bekama malɛ gba nɛ b ti so a kɔ enɔ to be kushuŋ be kenyi na, n sa bumo kikɛ kenyi damta, saŋɛ na so, baaŋ tiŋ n wora asɔ kama nyam nɛ ŋ kaŋɛ fo fanɛ b wora na.

Aizaaya 48:15

Ma e lara mo nseŋ n tre mo; ma alɛ beeŋ juŋkpar mo n shin nɛ e kɔ m pɔɔ so.

Aizaaya 51:12

Ade be kaman, nɛ Enyɛnpe Ebɔrɛ naŋ kaŋɛ le: “Ma e naa leŋ menyi to a wushi menyi kagbene. Nɛ manɛ nna nɛ menyee ŋana edimɛdi bomin? B maa chɛr nsaa wu a mur fanɛ afitiri.

Ezikɛl 34:11

Ma, Enyɛnpetale Ebɔrɛ na e naa kaŋɛ menyi na fanɛ ŋ gbagba e naŋ fin ma mbolpɔ nsaa keni bumo so

Ezikɛl 34:20

Amoso, naniere ma Enyɛnpetale Ebɔrɛ na bee kaŋɛ menyi nna fanɛ, meeŋ keni so m barga mbolpɔ nɛ b kɔ eleŋ na ashi bumo nɛ b maŋ kɔ eleŋ na to.

Nɔmbɛs 3:12

“Ŋ ka daŋ mɔ Ijiptebi na be ewurkoŋnyɛn na, n daŋ yili kumo nna fanɛ Israɛlebi be ewurkoŋnyɛn kikɛ nɛ bumo be asɔbɔya be ewurkoŋnyɛn la meya nna. Ama naniere bre Livaiebi na nɛ n lara fanɛ b tal Israɛlebi na be ewurkoŋnyɛn to. Amoso b la meya nna. Ma e la Enyɛnpe Ebɔrɛ na.”

Nɔmbɛs 3:45

“Shin nɛ Livaiebi na e yili Israɛlebi be ewurkoŋnyɛn be katelamu to nɛ Livaiebi na be asɔbɔya malɛ e tal Israɛlebi na be asɔbɔya be ewurkoŋ to.

Nɔmbɛs 3:6

“Lara Livai be yiri na nɛ b baa chɛ bɔrɛmatapo Ɛɛrɔn nɛ mbe mbia to a shuŋ kabɔrɛmata be kushuŋ.

Nɔmbɛs 3:9

Bumo koŋwule na malɛ e naaŋ baa chɛ Ɛɛrɔn nɛ mbe mbinyɛnsobi to a shuŋ nshɛr be wajɛbu na to.