Nɔmbɛs 18:23 - EBƆRƐ BE KAWƆL

²³ Livaiebi na nawule e naa ba shuŋ wajɛbu na to nɛ kumo be kewora n da so be turju e ba bɛ bumo. Le be mbra ere dese nna n sa menyi nɛ men be kaman to ebi kikɛ mbaanaayɔ. Bumo alɛ maaŋ nya kapetɛ kikɛ ashi Israɛlebi na to,

Nɔmbɛs 18:23 ပူးပေါင်းရင်းမြစ်များ

Ɛksodɔs 27:21

Ɛɛrɔn nɛ mbe mbinyɛnso e daga fanɛ b baa chɔɔ efitila na so a yili patisa nɛ k kuŋ kɔnɔkoŋwule be ŋkre be deka na be anishito na. B baa chɔɔ efitila na so kaaseso kikɛ nɛ a baa fuli to ma, Enyɛnpe Ebɔrɛ be wajɛbu na to a klade. A daga fanɛ Israɛlebi nɛ bumo be kaman to ebi kikɛ e baa bɛ mbra ere so mbaanaayɔ.

Ezikɛl 44:10

Kede be kaman nɛ Enyɛnpe Ebɔrɛ na naŋ kaŋɛ ma le: “Mee sha kegberge Livaiebi nɛ b tu Israɛl be basa na ŋ kini ma nseŋ ya shuŋ agbirana na kusoe nna na.

Nɔmbɛs 18:1

Le nɛ Enyɛnpe Ebɔrɛ kaŋɛ Ɛɛrɔn a laŋɛ bɔrɛmatapoana be kushuŋ be kaplɛa so: “Fo nɛ fo mbinyɛnsobi nɛ Livaiebi na kikɛ e naaŋ nya kulubi kama nɛ k wora Enyɛnpe be wajɛbu na be kushuŋ be kaplɛa so be kasogberge ama fo nɛ fo mbinyɛnsobi nawule e naaŋ nya kulubi kama nɛ k wora ashi bɔrɛmatapoana bre be kushuŋ be kaplɛa so bre be kasogberge.

Nɔmbɛs 18:20

Nɛ Enyɛnpe Ebɔrɛ naŋ kaŋɛ Ɛɛrɔn le: “Fo maaŋ nya kasawule be kachige nɛ k beeŋ baa la fo kapetɛ ashi Israɛl be kasawule so. Ma Enyɛnpe Ebɔrɛ na e naŋ baa la fo kapetɛ.”

Nɔmbɛs 19:21

Mbra ere maaŋ chɛrga kikɛ. Ekama nɛ e bee ŋmenyaŋ nchu na a fɔr basa so daŋkare be ekpa so gba, daga e fɔr mbe epiŋi. Ekama nɛ e beta nchu na malɛ beeŋ wora eyurpi daŋkare be ekpa so n ya fo kaaseso.

Nɔmbɛs 26:62

Livai be yiri to be benyɛn nɛ b fo kufɔl ŋko m baŋ so nɛ b daa maŋ karga n ti Israɛlebi nɛ b ka na so ŋkpal bumo ere ka maŋ nya kasawule na be kachige so kikɛ daa wɔ ŋgboŋ adunyɔ nɛ asa.

Nɔmbɛs 3:7

Bumo e naaŋ baa chɛ bɔrɛmatapoana na to a shuŋ Israɛlebi na ashi Enyɛnpe be wajɛbu na to.

Nɔmbɛs 35:29

Le be mbra ere beeŋ baa wɔtɔ n sa menyi nɛ men be kaman to ebi kikɛ mbaanaayɔ.

Ditɛronɔmi 10:9

Amoso nɛ Livai be yiri to ebi maŋ nya kachige ashi kasawule na be kebarga to n sa eyiriana na to na. Enyɛnpe Ebɔrɛ na e naaŋ baa la bumo be kapetɛ fanɛ kananɛ e nase kɔnɔ n sa bumo na.)

Joshuwa 13:14

Mosis daa maŋ yige kasawule kikɛ n sa Livai be yiri na bre, ŋkpal manɛ so, Enyɛnpe Ebɔrɛ na daŋ kaŋɛ Mosis nna fanɛ bɔrɛsure so be sarga chɔɔso nɛ baa lara a sa Enyɛnpe nɛ e la Israɛl be Ebɔrɛ na e la bumo be kapetɛ.