Nɔmbɛs 18:21 - EBƆRƐ BE KAWƆL

²¹ Nɛ Enyɛnpe Ebɔrɛ naŋ kaŋɛ le: “N ta Israɛlebi na be kudukudusopo kikɛ nɛ baa bar ma nna a sa Livaiebi na. Amo e la Enyɛnpe be wajɛbu na to na be kushuŋ nɛ baa shuŋ be kakɔka.

Nɔmbɛs 18:21 ပူးပေါင်းရင်းမြစ်များ

Jɛnesis 14:20

Kemaŋkura e baa la Ebɔrɛ Ewurgboŋ nɛ e sa fo eleŋ nɛ fo kɔ m pɔɔ fo doŋana so na peya.” Nɛ Eebram sa Mɛlkizedɛk asɔ nɛ e ya nya kena na to na kikɛ be kudukudusopo.

Jɛnesis 47:24

Ama men baa nyiŋi fanɛ men kaŋ teŋi loŋ be asɔ na, menyeeŋ nase amo ntuŋ anu nseŋ ta katuŋ koŋwule n sa ewura Fɛɛro. Ntuŋ ana so nɛ a ka na menyeeŋ tiŋ n ta amo be ako ŋ ki aduuso nseŋ ta amo nɛ a ka na nɛ menyi nɛ men be mbia nɛ men be laŋ to ebi kikɛ e baa ji.”

Jɛnesis 47:26

Amoso Josɛf daŋ shin nna nɛ k ki Ijipt kikɛ be mbra fanɛ esa kama be adɔjibi be ntuŋ anu so be katuŋ koŋwule kama la ewura Fɛɛro peya nna. Hale nɛ mbre loŋ be mbra na malɛ kraa shuŋ. Bɔrɛmatapoana nawule be nsawule e daa maŋ ki ewura Fɛɛro peya.

2 Kronikɛls 31:12

nsaa ta ŋkɛ na nɛ kudukudusopo na n yili ndoŋ, saŋɛ na so shɛŋ shɛŋ maaŋ tiŋ n ta amo. B daŋ ta Livainyɛn nɛ baa tre Konaniya na nna fanɛ e baa keni amo so nseŋ ta mo sipo Shimei malɛ m bɛ mo so.

Nehemaya 10:37

Anyi alɛ beeŋ naŋ bar aboyu nyifu nɛ an fara ŋ kɔr m ba sa bɔrɛmatapoana na ashi bɔrɛlambu na to. Amo nɛ asɔrso nɛ a walɛ ga na nɛ yabra popɔr nɛ ɔlif be ŋku. Anyeeŋ bar anyi be ayu teŋiso be kudu kudusopo m ba sa Livaiebi nɛ baa nite a sɔ asɔ ashi ndeana na to na.

Nehemaya 10:38

A daga bɔrɛmatapo nɛ e shi Ɛɛrɔn be kanaŋ to ka wɔtɔ jemanɛ nɛ Livaiebi na beeŋ sɔ kudukudusopo na ashi nde nɛ baa shuŋ to na kikɛ. Kumo be kaman nɛ Livaiebi na gba e lara bumo be kudukudusopo m ba sa Ebɔrɛ ashi mbe bɔrɛlambu nɛ kumo be ebu nɛ baa yili bumo be ajibi nɛ asɔwurbi na to.

Nehemaya 12:44

Loŋ be kamɔnchɛ na b daŋ lara basa ko nna fanɛ b baa keni ebuana nɛ baa yili ajibi nɛ asɔ wurbi ashi bɔrɛlambu na to na so nna. Bumo alɛ e naaŋ baa sɔ adɔjibi nɛ b juŋkpar n teŋi na nɛ adɔjibi nɛ asɔbɔya be kudu kudusopo nɛ b lara m ba sa Ebɔrɛ na. Bumo koŋwule na e naaŋ baa sɔ adɔjibi nɛ Mosis be mbra bee ŋini fanɛ b baa bar m ba kaa sa bɔrɛmatapoana nɛ Livaiebi na gba.

Nehemaya 12:47

Jemanɛ nɛ Zerubabel daa la bɔrɛmatapo nimuso nɛ ma, Nehemaya, malɛ daa la gomena ashi Juda be efuli so na, ekama ashi Israɛl be efuli so daa sa kusɔ nɛ k daga fanɛ e sa nɛ beshɛbompo na nɛ bɔrɛlambu na to be bekumpo nɛ b shi Livaiebi be yiri to na e baa nya bumo be karechɛ kikɛ be kusɔ jiso nna. Basa na daa lara ŋkɛ cheembi nna a sa Livaiebi na nɛ bumo alɛ bee lara amo to be amo nɛ a daga na a sa bɔrɛmatapoana nɛ b la Ɛɛrɔn be kaman to ebi na.

Nehemaya 13:12

Kede be kaman nɛ ekama ashi Juda be efuli so bar ayu nɛ yabra nɛ ɔlif be ŋku be kudu kudusopo m ba wɔtɔ bɔrɛlambu na be ebuana nɛ baa yili ajibi amo to na to.

Nehemaya 13:5

E daŋ shin nna nɛ Tobaya daa wɔ ebuana na be kegboŋgboŋi nɛ baa yili asɔ be yiri yiri fanɛ esarga be aboyu nɛ duwu nɛ bɔrɛlambu na to be asɔ daŋɛso nɛ ashuŋsɔ nɛ ayu nɛ yabra nɛ ɔlif be ŋku be kudu kudusopo nɛ b bar m ba sa Livaiebi nɛ beshɛbompo na nɛ bɔrɛlambu na to be bekumpo na nɛ ŋkɛ nɛ b bar m ba sa bɔrɛmatapoana na kikɛ na to.

Malakai 2:4

Ndoŋ nɛ menyeeŋ pin fanɛ kenishipere be mmalga nɛ ŋ kɔ a sa menyi na, saŋɛ na so ma nɛ bɔrɛmatapoana nɛ b la Livai be kaman to ebi na be kɔnɔ naseso be ŋkre na maaŋ jija.

Malakai 3:10

Men ta menyi be kudukudusopo kikɛ m ba Enyɛnpe Ebɔrɛ be lambu to, saŋɛ na so ajibi damta beeŋ baa wɔ ndoŋ. Men wora ma ŋ keni, nɛ m bugi Ebɔrɛso be etokuro n chulgi enɛfa be yiri yiri alegaiso n sa menyi nɛ menyi maaŋ nya kakpa gba n yili amo.

Nɔmbɛs 18:6

Ŋ gbagba e lara fo kurgepoana Livaiebi na ashi Israɛlebi to fanɛ kakɛ nɛ b ta m bɔɔ ma enɔ n sa menyi, nɛ b baa chɛ to a shuŋ wajɛbu na to.

Nɔmbɛs 3:6

“Lara Livai be yiri na nɛ b baa chɛ bɔrɛmatapo Ɛɛrɔn nɛ mbe mbia to a shuŋ kabɔrɛmata be kushuŋ.

Nɔmbɛs 31:28

Asɔ nɛ benapo na nya na, dimɛdi ŋko kusɔbɔya, be kekama be alfa anu to be kukoŋwule la Ebɔrɛ be kachige nna.

Galeeshaebi 6:6

Ekama nɛ e bee nya abɔrɛsheŋ na be keŋini malɛ gba e baa kɔ mbe asɔ lela be ako a chɛ mbe eŋinipo na to.

Ditɛronɔmi 18:8

Livai be yiri to be esa beeŋ tiŋ n fa mbe kanaŋ to be asɔ n nya amansherbi, beko malɛ maaŋ wora loŋ. Ama Livaiebi kama nɛ baa shuŋ kakpa nɛ menyee shuŋ Ebɔrɛ na kikɛ beeŋ nya ajibi nɛ basa na bar m ba lara esarga ŋko m ba kɛ Ebɔrɛ na, a sasa.

Hibruwebi 7:5

Anebi Mosis be mbra na malɛ e daŋ kaŋɛ fanɛ a daga fanɛ Livai be kanaŋ to ebi nɛ b ki bɔrɛmatapoana na e baa sɔ bumo peebi Israɛlebi kudukudusopo ŋkeshin nɛ bumo alɛ gba la Eebraham mo nanabiana nna.