Nɔmbɛs 18:20 - EBƆRƐ BE KAWƆL

²⁰ Nɛ Enyɛnpe Ebɔrɛ naŋ kaŋɛ Ɛɛrɔn le: “Fo maaŋ nya kasawule be kachige nɛ k beeŋ baa la fo kapetɛ ashi Israɛl be kasawule so. Ma Enyɛnpe Ebɔrɛ na e naŋ baa la fo kapetɛ.”

Nɔmbɛs 18:20 ပူးပေါင်းရင်းမြစ်များ

Jɛnesis 15:1

Ade kikɛ be kaman nɛ Eebram ku bɔrɛdare nseŋ nu Enyɛnpe Ebɔrɛ na ka kaŋɛ mo: “Eebram, sa maa lɔ kufu. Ma e la fo ekumpo meeŋ ka fo kukɔ gboŋgboŋi.”

Nshɛ 142:5

Fo Enyɛnpe Ebɔrɛ na, nɛ mee kule nɛ fo chɛ ma to! Fo Enyɛnpe Ebɔrɛ na e la ma ekumpo. Fo nawule nɛ mee fute a yigeso ashi ma kebaawɔtɔ to.

Nshɛ 16:5

Enyɛnpe Ebɔrɛ fo nawule nɛ ŋ kɔ. Fo alɛ bee sa ma kusɔ kama nɛ k tir ma. Fo enɔ to nɛ ma echefoso be kebaawɔtɔ wɔ.

Nshɛ 73:26

Ma eyur nɛ nfɛra beeŋ tiŋ n wora asheŋ ŋ gben, ama Ebɔrɛ e la ma eleŋ ashi ma kagbene to. Mo alɛ be asheŋ a tir ma jemanɛ kikɛ.

Nfabel 3:24

Kusɔ nɛ mee kaŋɛ ma kagbene to e la: “Enyɛnpe Ebɔrɛ na e baa la ma; mo nɛ meeŋ tiŋ n ta ma tama n to so!”

Ezikɛl 44:28

Kebɔrɛmata be kushuŋ na e la bɔrɛmatapoana be kapetɛ nɛ baaŋ tiŋ n yige n sa bumo be kenana. B maŋ daga fanɛ b baa kɔ kapetɛsɔ kikɛ Israɛl to. Ma e la bumo be kapetɛ.

Nɔmbɛs 18:7

Fo nɛ fo mbinyɛnsobi nawule e naaŋ baa shuŋ kabɔrɛmata be kushuŋ na ashi bɔrɛsure na so nɛ acheembiana to be kakpa cheembi na to. Ŋkpal manɛ so ma e ta kabɔrɛmata be kushuŋ ere n sa menyi. Amoso esa kama nɛ e ta kpramɛ n shuŋ kumo, daga b ka mɔ mo.”

Nɔmbɛs 26:62

Livai be yiri to be benyɛn nɛ b fo kufɔl ŋko m baŋ so nɛ b daa maŋ karga n ti Israɛlebi nɛ b ka na so ŋkpal bumo ere ka maŋ nya kasawule na be kachige so kikɛ daa wɔ ŋgboŋ adunyɔ nɛ asa.

Ditɛronɔmi 10:9

Amoso nɛ Livai be yiri to ebi maŋ nya kachige ashi kasawule na be kebarga to n sa eyiriana na to na. Enyɛnpe Ebɔrɛ na e naaŋ baa la bumo be kapetɛ fanɛ kananɛ e nase kɔnɔ n sa bumo na.)

Ditɛronɔmi 12:12

Men shin nɛ menyi nɛ menyi be mbia nɛ nyɛrbi nɛ Livai be yiri to be basa nɛ b wɔ menyi be ndeana to na be ŋgbene e fuli menyi ashi Enyɛnpe Ebɔrɛ na be anishito. Men baa nyiŋi fanɛ Livai be yiri to be basa na maaŋ baa kɔ bumo gbagba be kasawule.

Ditɛronɔmi 14:27

Ama men sa maŋ kaa kplaŋ Livai be basa nɛ b wɔ menyi be nde to so jemanɛ nɛ menyee ji na, ŋkpal manɛ so, b maaŋ baa kɔ bumo gbagba be nsawule nɛ baaŋ baa dɔ amo so a nya ajibi.

Ditɛronɔmi 14:29

Le be ajibi ere la Livaiebi nɛ b maŋ kɔ bumo gbagba be nsawule na, nɛ befɔ, nɛ amunibi, nɛ bekulpoche, nɛ b wɔ menyi be nde to na peya nna. Saŋɛ na so, bumo alɛ gba beeŋ nya n ji yɛlayɛlaso. Men baa wora loŋ nɛ Enyɛnpe menyi be Ebɔrɛ na e nɛfa menyi ashi kusɔ kama nɛ menyee wora to.

Joshuwa 13:14

Mosis daa maŋ yige kasawule kikɛ n sa Livai be yiri na bre, ŋkpal manɛ so, Enyɛnpe Ebɔrɛ na daŋ kaŋɛ Mosis nna fanɛ bɔrɛsure so be sarga chɔɔso nɛ baa lara a sa Enyɛnpe nɛ e la Israɛl be Ebɔrɛ na e la bumo be kapetɛ.

Joshuwa 13:33

Ama Livai be yiri na bre, Mosis daa maŋ sa bumo kasawule. Esarga nɛ baa lara a sa Enyɛnpe Israɛl be Ebɔrɛ na e daa la bumo be kapetɛ.

Joshuwa 14:3

Mosis teŋ barga kasawule nɛ k wɔ Jɔɔdan be lɔr na be epeŋilarkpa be kaba so na to nna n sa Israɛl be eyiri anyɔ nɛ yiri na be kuko be basa be bargato. (Josɛf be kaman to ebi bre daŋ barga to ntuŋ anyɔ nna ŋ ki Manase nɛ Efrayim be eyiri.) Mosis daa maŋ sa Livaiebi na bre kasawule kikɛ. Nde nɛ a kɔ asɔbɔya be ejikpa be nsawule m mata amo nawule nɛ e sa bumo nɛ b chena.

Joshuwa 18:7

Men sa maŋ kaŋ sa Livaiebi na bre men be kasawule na be kachige kikɛ, ŋkpal manɛ so, Enyɛnpe Ebɔrɛ be kabɔrɛmata be kushuŋ na e la bumo be kachige. Gad nɛ Ruben nɛ Manase be yiri na be bargato bre tiŋ n nya bumo be nsawule ashi Jɔɔdan be lɔr na be epeŋilarkpa na be kaba so. Enyɛnpe Ebɔrɛ be kayɛrbi Mosis e daŋ ta kumo n sa bumo.”

Kelaraŋŋini 21:3

Kumo be kaman nɛ n nu ebɔl ko awɔrso ka shi kuwurputi na akpa ŋ kaŋɛ: “Naniere bre, basa to e ki kakpa nɛ Ebɔrɛ ba nɛ e ba kaa wɔ. Mo nɛ basa beeŋ ba kaa wɔtɔ nɛ b baa la mbe basa. Ebɔrɛ gbagba e naaŋ ba kaa wɔ bumo to a la bumo be Ebɔrɛ.