Nɔmbɛs 17:8 - EBƆRƐ BE KAWƆL

⁸ Kumo be ŋklade, Mosis ka yɔ wajɛbu na to, nɛ Ɛɛrɔn be kekpabi nɛ k yili n sa Livai be kanaŋ to ebi na gbu kenishi nseŋ purge n futi n wora atoto n sɔr asɔrso nɛ baa tre amɔnd na.

Nɔmbɛs 17:8 ပူးပေါင်းရင်းမြစ်များ

Jɛnesis 40:10

Epul na to nɛ k futi n sɔr asɔrso nɛ baa tre greep na nɛ a chɛ gbi gbi nseŋ daŋ m bel.

Nshɛ 110:2

Enyɛnpe Ebɔrɛ na beeŋ n shin nɛ fo kuwurji be eleŋ e shi Jerusalɛm n salga to, hale nɛ fo ji kuwura fo doŋana so.

Sɔlɔmɔn 2:3

Kananɛ mangodibi bee wea ndibi pɔtɛ to ashi kupo to na nɛ n jipo du ashi mbrantiɛbia to. Kumo be kiyoyul to be kechena wɔ ebel nna nɛ kumo kusɔrso bee wora ma kɔnɔ to ebel ga

Aizaaya 4:2

To, jemanɛ ko bee ba nɛ Enyɛnpe Ebɔrɛ na e shin nɛ adɔjibi nɛ ndibi kikɛ e daŋ n nyalɛ a walɛ. Saŋɛ na so nɛ Israɛl be basa kama nɛ baaŋ ji efute na be ŋgbene e fuli kasawule na be adɔjibi so nɛ b baa puchi amo so.

Ezikɛl 17:24

Ndoŋ nɛ ndibi nɛ a wɔ kasawule na so beeŋ pin fanɛ ma, Enyɛnpe Ebɔrɛ na e naa ku ndibi tenteŋ a lɛ nsaa shin nɛ ndibi shiimbi bee daŋ nteŋ. Mee naa shin nɛ ndibi bumbuŋ bee wɔl nsaa shin nɛ ndibi wɔlso bee purge. Ma, Enyɛnpe Ebɔrɛ e malga na; ma alɛ beeŋ wora kusɔ nɛ ŋ kaŋɛ na kikɛ.”

Ezikɛl 19:12

Ama agbo so nɛ n tia kumo n lɛ kasawule. Afu nɛ a shi epeŋilarkpa daŋ shin nɛ k bolo nɛ kumo be asɔrso gbaŋgbaŋ n tɔr; nɛ kumo be ayabi lempo na wɔl nɛ edɛ ji amo.

Ezikɛl 19:14

Ndoŋ nna nɛ kumo be keyabi gboŋgboŋi ko pɛ edɛ; nɛ edɛ na bɛ kumo so n chɔɔ kumo be ayabi nɛ asɔrso kikɛ. Keyabi lempo kikɛ daŋ maŋ naŋ ka kumo so nɛ b ku n wora kuwurkpabi. Kashɛ ere la kagbenejija be kashɛ nna n daga kebaaboŋ kagbenejijaso.”

Nɔmbɛs 16:5

Kumo be kaman nɛ e kaŋɛ Koora nɛ mo braana na le: “Echefo kachipurso Enyɛnpe Ebɔrɛ beeŋ ŋini anyi esa nɛ mo gbagba lara fanɛ e ki bɔrɛmatapo. Amodoŋwura malɛ beeŋ shuŋ mo kashenteŋto.

Nɔmbɛs 17:5

Ekama nɛ n lara fanɛ bɔrɛmatapo na be kekpabi beeŋ gbu kenishi. Loŋ e naaŋ shin nɛ Israɛlebi ere e yige kebaa fubel a bile asheŋ a malga a gbiti fo.”

Nɔmbɛs 17:9

Ndoŋ nna nɛ Mosis lara akpabi na kikɛ wajɛbu na to n m ba ŋini Israɛlebi na. B ka wu kusɔ nɛ k wora na, nɛ bejuŋkparpoana na be ekama ta mbe kekpabi.

Hibruwebi 9:4

Ndoŋ nɛ shuwa be bɔrɛsure nɛ baa chɔɔ duwu kumo so na wɔ. Ndoŋ koŋwule na nɛ kɔnɔkoŋwule be ŋkre be deka nɛ duwu mata m mata kumo kikɛ so na daa wɔ nɛ shuwa be kapuya nɛ k kɔ manna na. Ɛɛrɔn be kekpabi nɛ k bee purge afantaŋ na nɛ ajembu anyɔ nɛ b sibɛ mbraana na n deŋi so na malɛ kikɛ daa wɔ deka na to nna.