Nɔmbɛs 17:7 - EBƆRƐ BE KAWƆL

⁷ Nɛ Mosis ta akpabi na kikɛ n nase Enyɛnpe Ebɔrɛ be ŋkre be deka na be anishito ashi wajɛbu na to.

Nɔmbɛs 17:7 ပူးပေါင်းရင်းမြစ်များ

Ɛksodɔs 38:21

Besalɛl nɛ e la Uri pibinyɛn nseŋ naa la Hur nɛ e shi Juda be kanaŋ to na mo nanabi na e wora kusɔ kama nɛ Enyɛnpe Ebɔrɛ kaŋɛ Mosis na kikɛ. Esa nɛ e daŋ chɛ mo to e daa la Oholiab nɛ e la Ahisamak nɛ e shi Dan be kanaŋ to na pibinyɛn nɛ e kɔ enɔ to be kushuŋ be kenyi a tiŋ a ta ago be ejese lela nɛ ejese buru nɛ apeper kpaw nɛ apeper kunɔkunɔ a lue ŋko a jɔ. Asɔ nɛ b daŋ ta n lɔŋɛ Ebɔrɛ be wajɛbu nɛ kɔnɔkoŋwule be ŋkre be deka na nɛ asɔ nɛ a daa wɔ kumo to na be kananɛ a sa nde. Mosis e daŋ bɔla Itama nɛ e la bɔrɛmatapo Ɛɛrɔn pibinyɛn na so n shin nɛ Livaiebi sibɛ amo be egbɛ nɛ kananɛ a sa.

Nɔmbɛs 1:50

Shin nɛ Livaiebi na e baa keni Enyɛnpe be wajɛbu na nɛ asɔ nɛ a wɔ kumo to kikɛ so. Bumo e naŋ baa sulɔ kumo nɛ asɔ nɛ a wɔ kumo to na kikɛ, nsaa keni kumo so, a yuu kumo nsaa yuu bumo be ewajɛbu a chena a kulti kumo saŋkama nɛ b wora keeyito popɔr.

Nɔmbɛs 1:53

Ama Livaiebi na bre beeŋ yuu bumo be ewajɛbuana n chena ŋ kulti Enyɛnpe be wajɛbu na a kuŋ kumo, saŋɛ na so, esa kama maaŋ taga kumo to n shin nɛ n nya agbo ga n wɔtɔ Israɛlebi kikɛ.”

Nɔmbɛs 14:10

Ŋkpal kusɔ nɛ Joshuwa nɛ Kalɛb kaŋɛ na so Israɛlebi na daa sha kekpa bumo ajembu nna m mɔ, ama epul na to nɛ Enyɛnpe Ebɔrɛ be kemaŋkura lar Israɛlebi na so nseŋ buu Enyɛnpe be wajɛbu cheembi na so.

Nɔmbɛs 17:4

Nɛ fo ta akpabi na n ya yili ŋkre be deka na be anishito, ashi Enyɛnpe be wajɛbu na be kakpa nɛ mee kaa tu fo na.

Nɔmbɛs 17:6

Ndoŋ nna nɛ Mosis kaŋɛ Israɛlebi na kusɔ nɛ Enyɛnpe Ebɔrɛ kaŋɛ na, nɛ bumo be nnaŋ kuduanyɔ na be kekama sa mo bumo be ejuŋkparpo be kekpabi n ta Ɛɛrɔn peya n ti so.

Nɔmbɛs 18:2

Fo kurgepoana Livaiebi na e naaŋ baa chɛ fo nɛ fo mbinyɛnsobi to a shuŋ wajɛbu na to.

Nɔmbɛs 9:15

Kachɛ nɛ b yuu Enyɛnpe be wajɛbu na, awɔlpa daŋ ba buu kumo kikɛ so nna a wɔ ndoŋ. Kanyɛ baŋ biri kuwɔlpa na bee kilgi nna n duli fanɛ edɛ na.

Ashuŋ Shunso 7:44

Ebɔrɛ be wajɛbu nɛ k daa ŋini fanɛ Ebɔrɛ wɔ an nanaana kutɔ na nɛ bumo e daa la kiyi to. Kananɛ Ebɔrɛ daŋ ŋini Mosis fanɛ e wora kumo na gbagba chap nɛ e daŋ wora kumo.