Nɔmbɛs 17:5 - EBƆRƐ BE KAWƆL

⁵ Ekama nɛ n lara fanɛ bɔrɛmatapo na be kekpabi beeŋ gbu kenishi. Loŋ e naaŋ shin nɛ Israɛlebi ere e yige kebaa fubel a bile asheŋ a malga a gbiti fo.”

Nɔmbɛs 17:5 ပူးပေါင်းရင်းမြစ်များ

2 Kronikɛls 26:16

Ewura Uziya ka nya eleŋ nɛ mbe ketre dii ga na, nɛ kamoowu luri mo to nɛ kumo be loŋ shin nɛ e tɔr. E daŋ wora kusoe kpakpaso nna n sa Enyɛnpe mbe Ebɔrɛ na nseŋ ya luri bɔrɛlambu na to nɛ e chɔɔ duwu bɔrɛsure nɛ baa chɔɔ duwu kumo so na so.

Ɛzra 2:62

Ŋkpal bumo be asheŋ ka maŋ wɔ nwɔl to fanɛ b shi bɔrɛmatapoana be kabuna so, b daŋ maŋ sɔ bumo fanɛ bɔrɛmatapoana. Amoso b daa maŋ sa bumo ekpa fanɛ b shuŋ bɔrɛmatapoana be kushuŋ.

Nshɛ 105:26

Kumo be kaman nɛ e shuŋi mbe kayɛrbi Mosis nɛ Ɛɛrɔn nɛ mo gbagba daŋ lara na mbe basa kutɔ.

Ɛksodɔs 16:7

Echefo chipurso menyeeŋ wu Enyɛnpe Ebɔrɛ na be kemaŋkura, ŋkpal manɛ so, e nu menyi be mmalga nɛ menyee malga a gbiti mo na kikɛ. Mo nɛ men daa malga ŋ gbiti na, mannɛ anyi.”

Aizaaya 11:1

Kananɛ keyimu bee purge afantaŋ popɔr nɛ a bee daŋ a ki kedibi na, aloŋ nɛ esa ko beeŋ shi ewura Deevid be kanaŋ to m ba ki ewura kachako so.

Aizaaya 13:11

Ade be kaman nɛ Enyɛnpe Ebɔrɛ naŋ kaŋɛ le: “Meeŋ gberge efuli lubi ere nɛ kumo to be basa kusoe ŋkpal bumo be alubi so. Ma alɛ beeŋ bar ekama nɛ e bee maŋ mbe kumu so kaseto nseŋ gberge ekama nɛ e bee fɛ fanɛ e shi ga nsaa ŋini to, a kute a wɔtɔ basa ebesa to na kusoe.

Aizaaya 27:6

Kachako bee ba nɛ Israɛl be basa nɛ b la Jeekɔb be kaman to ebi na e mur achin fanɛ kedibi nɛ k purge nseŋ wora atoto na. Saŋɛ na so bumo be asɔrso beeŋ chase durnya be kaplɛkama.

Aizaaya 5:24

Kananɛ atuweklaŋ nɛ afitiri bee wɔl nsaa ji edɛ na nɛ menyi alɛ gba beeŋ ji edɛ nɛ menyi be nliŋi e bɛ nɛ menyi be atoto malɛ e wɔl nɛ afu e gbaŋgbaŋ amo n lɛ! Ŋkpal manɛ so, men kini kesɔ Enyɛnpetale Israɛl be Ebɔrɛ cheembi na be keŋini na.

Ezikɛl 16:41

Meeŋ wora loŋ ashi beche damta be anishito nɛ fo kubojuaji e fo ekar nɛ fo jipoana maaŋ naaŋ nya ŋkɛ ashi fo kutɔ.

Ezikɛl 23:27

Saŋɛ na so nɛ n shin nɛ fo yige fo kayɛlga lubi nɛ kusɔ jigaya be kebaawɔtɔ nɛ kesakalea nɛ fo fara a ji ashi Ijipt be efuli so na. Fo maaŋ naa nyiŋi asheŋ ere nsaa yɛlga amo ŋko a nyiŋi Ijipt be efuli so gba kuraa.

Hoziya 14:5

Meeŋ ki fanɛ bunyaŋ nɛ k bee tɔr kasawule so n sa menyi, Israɛl be basa. Menyeeŋ ba ki fanɛ Lebanɔn be ndibi nɛ a kɔ atoto damta nɛ a bugi to a walɛ nɛ amo be nliŋi luri kasawule to m pɛ amo to kpakpa na.

Nɔmbɛs 1:51

Saŋkama nɛ men baŋ chɛrga echenakpa, Livaiebi na e naaŋ baa bɔɔ Enyɛnpe be wajɛbu na. Bumo koŋwule na malɛ e naaŋ baa yuu kumo kaplɛkama nɛ men ya chena. Esa pɔtɛ kama malɛ nɛ e yili n taga Enyɛnpe be wajɛbu na to b mɔ mo.

Nɔmbɛs 11:1

Israɛlebi na fara nna a fubel a bile asheŋ ŋkpal awurfoŋ nɛ b daa ji so. Enyɛnpe Ebɔrɛ ka nu bumo be nfubel na nɛ e nya agbo nseŋ shin nɛ edɛ ba bumo to m ba chɔɔ bumo be keeyi na to be ekarso.

Nɔmbɛs 16:11

Fo baa malga a gbiti Ɛɛrɔn, kumo ere Enyɛnpe Ebɔrɛ na nɛ fo braana bee kini kenu n sa na.”

Nɔmbɛs 16:5

Kumo be kaman nɛ e kaŋɛ Koora nɛ mo braana na le: “Echefo kachipurso Enyɛnpe Ebɔrɛ beeŋ ŋini anyi esa nɛ mo gbagba lara fanɛ e ki bɔrɛmatapo. Amodoŋwura malɛ beeŋ shuŋ mo kashenteŋto.

Nɔmbɛs 17:10

Nɛ Enyɛnpe Ebɔrɛ kaŋɛ Mosis le: “Bɛta Ɛɛrɔn bre be kekpabi na n ya nase ŋkre be deka na be anishito, nɛ k baa la kefiɛso n sa Israɛlebi nɛ baa fubel a bile asheŋ a malga a gbiti ma na. B baa maŋ yige bumo be nfubel na, bumo kikɛ beeŋ wu.”

Nɔmbɛs 17:6

Ndoŋ nna nɛ Mosis kaŋɛ Israɛlebi na kusɔ nɛ Enyɛnpe Ebɔrɛ kaŋɛ na, nɛ bumo be nnaŋ kuduanyɔ na be kekama sa mo bumo be ejuŋkparpo be kekpabi n ta Ɛɛrɔn peya n ti so.

Nɔmbɛs 17:8

Kumo be ŋklade, Mosis ka yɔ wajɛbu na to, nɛ Ɛɛrɔn be kekpabi nɛ k yili n sa Livai be kanaŋ to ebi na gbu kenishi nseŋ purge n futi n wora atoto n sɔr asɔrso nɛ baa tre amɔnd na.

1 Kɔrintebi 10:10

Men sa maa bile asheŋ fanɛ kananɛ bumo be beko daŋ wora nɛ malaika mɔpo na daŋ mur bumo na.

Joshuwa 4:7

nɛ men kaŋɛ bumo fanɛ Enyɛnpe be ŋkre be deka na ka daŋ bɔla Jɔɔdan be lɔr na to na nɛ k ku to anyɔ. Ajembu ere e la shɛda a nyiŋi anyi kusɔ nɛ k wora nfe ere mbaanaayɔ.”