Nɔmbɛs 16:46 - EBƆRƐ BE KAWƆL

⁴⁶ nɛ Mosis kaŋɛ Ɛɛrɔn le: “Ya chɔɔ bɔrɛsure na so be edɛ n wɔtɔ fo kedɛtɔl to nseŋ ta duwu n wɔtɔ amo to n wora manaŋ n yɔ basa na kutɔ n ya lara alubi be ketampaŋ be sarga n sa bumo. Ŋkpal manɛ so Enyɛnpe Ebɔrɛ na nya agbo nɛ aleblawu fara.”

Nɔmbɛs 16:46 ပူးပေါင်းရင်းမြစ်များ

1 Kronikɛls 27:24

Jɔab nɛ mo nio daa la Zeruwa na, e daŋ fara a karga bumo ama e maŋ tiŋ n loge ŋkpal Ebɔrɛ ka daa gberge Israɛlebi kusoe ŋkpal kabasakarga na so so. Amoso b daa maŋ sibɛ kananɛ basa na sa n nase ewura Deevid be nwɔl to.

Nshɛ 106:29

B daŋ wora asheŋ lubi ga nna nɛ Ebɔrɛ be kagbene kaa, nɛ e shin nɛ kulɔ lubi ko ba bumo so.

Nshɛ 141:2

Nu ma kekule fanɛ duwu be efɛa belbelso, nseŋ wu ma enɔana nɛ m maŋ so ere fanɛ kaaseso be sarga nɛ mee lara a sa fo.

Levitikɔs 10:6

Kede be kaman nɛ Mosis kaŋɛ Ɛɛrɔn nɛ mbe mbinyɛnsobi, Eliazaa nɛ Itama: “Men sa maŋ kaŋ jija menyi be anishiakpa ŋko ŋ kpɛa menyi be asɔbuuso to a ŋini fanɛ menyee shu keeli nna. Men baŋ wora loŋ menyeeŋ wu. Enyɛnpe Ebɔrɛ na malɛ beeŋ nya agbo n wora kade na kikɛ. Ama men kurgepoana Israɛlebi na bre beeŋ tiŋ n shu ŋkpal bumo nɛ Enyɛnpe Ebɔrɛ na shin nɛ edɛ chɔɔ m mɔ na so.

Levitikɔs 9:24

Epul na to nɛ Enyɛnpe Ebɔrɛ na shin nɛ edɛ ba buu sarga chɔɔso na nɛ nfɔ na kikɛ so bɔrɛsure na so n chɔɔ amo m mur. Basa na kikɛ ka wu loŋ nɛ b boŋ to kagbenefuliso n ta enɔana m buu bumo be anishi so nseŋ kur amu n yuu to.

Habakuk 3:5

Fo e naa shuŋi kulɔ nɛ e bee juŋkpar, nsaa ponte luwu so nɛ k bee bɛ kumo so na.

Malakai 1:11

Durnya ere to be basa damta beeŋ bunyaŋ ma. Baaŋ baa chɔɔ duwu a sa ma nsaa lara esarga nɛ a bee bɔlɔ kenishi a sa ma. Bumo kikɛ bee bunyaŋ ma ketre gboŋ na nna.

Nɔmbɛs 1:53

Ama Livaiebi na bre beeŋ yuu bumo be ewajɛbuana n chena ŋ kulti Enyɛnpe be wajɛbu na a kuŋ kumo, saŋɛ na so, esa kama maaŋ taga kumo to n shin nɛ n nya agbo ga n wɔtɔ Israɛlebi kikɛ.”

Nɔmbɛs 11:33

Ama pɔɛŋ nɛ b we eblaŋ na, Enyɛnpe Ebɔrɛ daŋ nya agbo n wɔtɔ bumo nna nseŋ shin nɛ kulɔ be aleblawu tɔr bumo so.

Nɔmbɛs 18:5

Fo nɛ fo mbinyɛnsobi nawule e daga kebaashuŋ Enyɛnpe be wajɛbu na to nɛ bɔrɛsure na so, loŋ nɛ ma agbo maaŋ naŋ ba Israɛlebi na so.

Nɔmbɛs 25:13

Mo nɛ mbe kaman to ebi beeŋ baa la bɔrɛmatapoana hale mbaanaayɔ ŋkpal e ka bee kɔ kukɔrkɔ a sa ma nseŋ shin nɛ Israɛlebi na nya alubi be ketampaŋ so.”

Nɔmbɛs 25:8

m bɛ Israɛl be kanyɛn na nɛ eche na so n yɔ mbe wajɛbu to n ya da mo nɛ eche na kikɛ m mata abar. Ndoŋ nna nɛ Enyɛnpe Ebɔrɛ shin nɛ aleblawu nɛ k bee tɔrɔ Israɛlebi na kikɛ kuu.

Nɔmbɛs 8:19

Ma alɛ lara Livaiebi nna fanɛ kakɛ ashi Israɛlebi na to n sa Ɛɛrɔn nɛ mbe mbinyɛnsobi na nɛ b yili Israɛlebi na be katelamu to a shuŋ Enyɛnpe be wajɛbu na to saŋɛ na so Israɛlebi na maaŋ ba kumo ase nɛ aleblawu e ba bumo so.”

Ditɛronɔmi 9:22

Ade kikɛ be kaman, b daŋ naŋ shin nɛ Enyɛnpe menyi be Ebɔrɛ na nya agbo jemanɛ nɛ b daa wɔ mboŋ nɛ baa tre Tabera nɛ Massa nɛ Kibrɔf Hattava na nna.