Nɔmbɛs 16:38 - EBƆRƐ BE KAWƆL

³⁸ ŋkpal b ka ta amo m ba Enyɛnpe Ebɔrɛ na be bɔrɛsure na ase so. Ta basa nɛ edɛ chɔ m mɔ ŋkpal bumo be alubi so ere be edɛtɔl m bɛl ebuuso a buu bɔrɛsure na so nɛ kumo be loŋ e baa la kefiɛso n sa Israɛlebi.”

Nɔmbɛs 16:38 ပူးပေါင်းရင်းမြစ်များ

1 Bewura 2:23

Kede be kaman nɛ Sɔlɔmɔn nase kɔnɔ kpakpaso Enyɛnpe Ebɔrɛ na be anishito ŋ kaŋɛ le: “Nɛ m baa maŋ shin nɛ b mɔ Adonija, kumo ere Ebɔrɛ e gberge ma kusoe ga!

Aŋasa 1:18

To, loŋ be basa lubi na bee sho bumo gbagba be amu ajigbelɛ nna. B yɛ basa nɛ baa pugi a jo, ama bumo gbagba be amu nɛ baa kilgi a mɔ.

Aŋasa 20:2

Ewura be kanya agbo du fanɛ buluŋ ka nya agbo nna. Keshin nɛ ewura e nya agbo du fanɛ kapotɔ nna.

Aŋasa 8:36

Bekama nɛ b maŋ nya ma bre bee tɔrɔ bumo be amu nna. Ekama nɛ e kishi ma bee sha luwu nna na.”

Jɛremaya 44:7

To, ma, Enyɛnpetale, Israɛl be Ebɔrɛ na bee bishi nna fanɛ manɛ so nɛ menyee wora menyi gbagba be amu le be kulubi ere? Menyee sha fanɛ benyɛn nɛ beche nɛ mbia wurbi nɛ mbi popɔrbi kikɛ e mur nna nɛ menyi be esa kama maaŋ naŋ ka a wɔtɔ a?

Ezikɛl 14:8

M maaŋ sa mo kashuli. Ma alɛ beeŋ gberge mo kusoe nɛ k baa la kefiɛso n sa ekama nɛ e daa fɛ kewora kusɔ nɛ e wora na. Kumo be kaman nɛ n lara mo ashi ma basa to saŋɛ na so nɛ men pin fanɛ ma e la Enyɛnpe Ebɔrɛ na.”

Habakuk 2:10

Ama ŋkpal kusɔ nɛ men wora beko na so, menyeeŋ bar ŋaba menyi be nnaŋ to ebi so nseŋ shin nɛ kemur e ba menyi gbagba so.

Nɔmbɛs 16:37

“Kaŋɛ bɔrɛmatapo Ɛɛrɔn pibinyɛn Eliaza fanɛ e lara danyaŋ be edɛtɔl na ashi kedɛmurmur na to nseŋ gbeŋi ajanwulɛ nɛ a wɔ amo to na n lɛ. Edɛtɔlana na ki asɔ cheembi nna,

Nɔmbɛs 16:39

Amoso bɔrɛmatapo Eliaza e daŋ ta edɛtɔl na n sa nɛ b bɛl ebuuso a buu bɔrɛsure na so,

Nɔmbɛs 16:40

nɛ k baa la kanyiŋi n sa Israɛlebi na fanɛ esa kama nɛ e maŋ shi Ɛɛrɔn be kanaŋ to, maŋ daga e ka chɔɔ duwu n lara sarga bɔrɛsure na so n sa Enyɛnpe Ebɔrɛ na. Esa kama nɛ e wora loŋ beeŋ wu fanɛ kananɛ Koora nɛ mbe basa wu na.

Nɔmbɛs 17:10

Nɛ Enyɛnpe Ebɔrɛ kaŋɛ Mosis le: “Bɛta Ɛɛrɔn bre be kekpabi na n ya nase ŋkre be deka na be anishito, nɛ k baa la kefiɛso n sa Israɛlebi nɛ baa fubel a bile asheŋ a malga a gbiti ma na. B baa maŋ yige bumo be nfubel na, bumo kikɛ beeŋ wu.”

Nɔmbɛs 26:10

Bumo nɛ Koora nɛ kasawule daŋ baŋɛ to n ta m min, nɛ edɛ chɔɔ benyɛn alfa anyɔ nɛ adunu nɛ b daa bɛ Koora so loŋ be jemanɛ na, nɛ k la kefiɛso n sa Israɛlebi nɛ b ka na.

1 Kɔrintebi 10:11

Asheŋ ere kikɛ daŋ wora bumo nna nɛ an pin kusɔ nɛ k wɔtɔ. B sibɛ amo n nase malɛ nna nɛ a baa fiɛ anyi so, ŋkpal manɛ so, jemanɛ mo nɛ an wɔtɔ ere bee fo durnya be ekar nna na.

2 Pita 2:6

Ŋko nɛ e daŋ wu Sodɔm nɛ Gomɔra be nde na to ebi be alubi nseŋ daŋ chɔɔ amo edɛ nyam n ta kusɔ nɛ k daŋ wora bumo na a ŋini kusɔ nɛ k beeŋ ba wora bɔrɛkinipoana na, e beeŋ yige le be befɛpo ere bre a?