Nɔmbɛs 16:29 - EBƆRƐ BE KAWƆL

²⁹ Nɛ Ebɔrɛ baŋ maŋ gberge basa ere kusoe n shin nɛ b wu, kumo ere mannɛ Enyɛnpe Ebɔrɛ na e lara ma fanɛ ŋ ki men be ejuŋkparpo.

Nɔmbɛs 16:29 ပူးပေါင်းရင်းမြစ်များ

1 Bewura 18:36

Kaaseso be saŋɛ nɛ baaŋ lara sarga na ka fo, nɛ anebi Elaija yɔ bɔrɛsure na ase n ya kule Ebɔrɛ ŋ kaŋɛ le: “O Enyɛnpe, Eebraham nɛ Aizek nɛ Jeekɔb be Ebɔrɛ, shin nɛ basa ere e pin fanɛ fo e la Israɛl be Ebɔrɛ nɛ ma alɛ la fo kayɛrbi nsaa bɛ fo kɔnɔ so a wora asheŋ ere kikɛ.

1 Bewura 22:28

Nɛ anebi Mikaya kaŋɛ le: “Fo baŋ bɛta m ba nɛ alenfia bre, kumo ere mannɛ Enyɛnpe Ebɔrɛ na e malga n sa ma!” Nseŋ kilgi ŋ kaŋɛ jimaŋ na le: “Men sa maŋ kaŋ teŋ kusɔ nɛ ŋ kaŋɛ ere so.”

2 Kronikɛls 18:27

Nɛ Mikaya kaŋɛ le: “Fo baŋ bɛta m ba nɛ alenfia bre, kumo ere mannɛ Enyɛnpe Ebɔrɛ na e malga n sa ma!” Nseŋ kilgi kaŋɛ jimaŋ na le: “Men sa maŋ kaŋ teŋ kusɔ nɛ ŋ kaŋɛ ere so.”

Job be kawɔl 35:15

Job, fo maŋ wora n nyalɛ ŋkpal fo ka kaŋɛ fanɛ Ebɔrɛ maa gberge basa nɛ baa wora alubi kusoe so.

Ɛksodɔs 20:5

nsaa jɔŋɛ amo ase ŋko a shuŋ amo, ŋkpal manɛ so, ma e la Enyɛnpe Ebɔrɛ men be Ebɔrɛ na. Ma alɛ maa sha kechamana. Ma e naa kpal betuto nɛ benio be alubi so e gberge bumo be mbia kusoe hale n ya fo bumo be kenanafofo nɛ kenana gbiramuli na.

Ɛksodɔs 32:34

Amoso, bɛta n ya juŋkpar basa na n yɔ kakpa nɛ ŋ ŋini fo na nsaa nyi fanɛ meeŋ shin nɛ ma malaika e baa juŋkpar menyi, ama meeŋ gberge basa na kusoe kachako, ŋkpal bumo be kulubi na so.”

Kaŋinichiŋgeliŋ 3:19

Ŋkpal manɛ so asɔbɔya nɛ edimɛdi kikɛ la asɔ futeso nna. Bumo kikɛ la asɔ nɛ baa fute nna nseŋ naa la asɔ nɛ baa wu. Amoso dimɛdi maŋ bɔ kusɔbɔya ŋkpal manɛ so ŋkpa nɛ an kɔ ere maŋ kɔ kifito.

Aizaaya 10:3

To, nɛ Ebɔrɛ bee gberge menyi kusoe, manɛ nɛ menyeeŋ wora? Nɛ e kaŋ shin nɛ efuli pɔtɛ ko so ebi shi kufɔ m ba nɛ b ba kɔ menyi kena m mur menyi, manɛ nɛ menyeeŋ wora? Nnɛ nɛ menyeeŋ shile n ya fin kechɛto ŋko nnɛ nɛ menyeeŋ ta menyi be mpetɛsɔ n ya ŋana?

Jɛremaya 5:9

Manɛ so nɛ m maaŋ gberge Juda be efuli so be basa kusoe?

Nfabel 4:22

Zayɔn be kadegboŋ na to be basa bre teŋ ka bumo be alubi be kukɔ nna na. Enyɛnpe Ebɔrɛ na maaŋ naŋ shin nɛ an baa wɔ kenyaya to ashi efuli pɔtɛ wɔfɔ so. E beeŋ shin nɛ an bɛta m ba epe. Ama menyi Edɔm be efuli so be basa bre, e beeŋ gberge menyi kusoe nseŋ shin nɛ menyi be asheŋ lubi e dii efuli nɛ ekama e pin amo.

Kelaraŋŋini 11:5

Nɛ ekama baa sha ketɔrɔ bumo, edɛ beeŋ shi bumo be nnɔ to m ba mur bumo doŋana. Kananɛ esa kama nɛ e beeŋ baa sha ketɔrɔ bumo beeŋ wu nna na.