Nɔmbɛs 16:16 - EBƆRƐ BE KAWƆL

¹⁶ Kede be kaman nɛ Mosis kaŋɛ Koora malɛ le: “Echefo, fo nɛ fo braana na kikɛ nɛ Ɛɛrɔn e ba Enyɛnpe Ebɔrɛ be wajɛbu na ase.

Nɔmbɛs 16:16 ပူးပေါင်းရင်းမြစ်များ

Ɛksodɔs 16:9

Kumo be kaman nɛ Mosis kaŋɛ Ɛɛrɔn: “Kaŋɛ Israɛlebi na kikɛ fanɛ b ba Enyɛnpe Ebɔrɛ na be anishito, ŋkpal manɛ so, e nu bumo be nfubel.”

Nɔmbɛs 12:4

Epul na to nɛ Enyɛnpe Ebɔrɛ kaŋɛ Mosis nɛ Ɛɛrɔn nɛ Miriam le: “Menyi besa kikɛ e ba Enyɛnpe be wajɛbu na ase.” Nɛ b lar n yɔ ndoŋ,

Nɔmbɛs 16:15

Ndoŋ nna nɛ Mosis nya agbo ga nseŋ kaŋɛ Enyɛnpe Ebɔrɛ le: “Sa maŋ kaŋ sɔ sarga nɛ basa ere kɔ a bar fo ere. M maŋ wora bumo be ekama kulubi. Ma alɛ maŋ sɔ esa kama be kurma.”

Nɔmbɛs 16:17

Men be ekama e chulgi duwu n wɔtɔ mbe edɛtɔl to m ba chɔɔ n lara sarga n sa Enyɛnpe Ebɔrɛ na.”

2 Timoti 2:14

Baa ŋini fo basa asheŋ ere nseŋ fiɛ bumo so kpakpa Ebɔrɛ be anishito fanɛ b lar mmalga koko be emɔrɔana be nlu to, ŋkpal manɛ so, loŋ be nlu maŋ kɔ kechɛto kikɛ amo to, a bee mur basa nɛ baa nu amo nna.

1 Samuɛl 12:3

Ma e yili nfe na. Nɛ n wora kusɔ ko ŋ gbɛ to nna, kumo ere men kaŋɛ kulubi nɛ n wora na ashi Enyɛnpe Ebɔrɛ nɛ mbe ewura laraso na kikɛ be anishito. Wanɛ be kena ŋko kurma nɛ n daŋ suge? Wanɛ nɛ n daŋ puni ŋko m mɛaŋ? Wanɛ kutɔ nɛ n daŋ sɔ brɔbu? Nɛ fanɛ n wora asɔ ere be kekama nna, kumo ere meeŋ ka kumo be kukɔ.”

1 Samuɛl 12:7

Naniere men yili nfe nɛ n nyiŋi menyi asheŋ tumase nɛ Enyɛnpe Ebɔrɛ wora nɛ kananɛ e mɔlga menyi nɛ men nananyɛnana na.