Nɔmbɛs 16:15 - EBƆRƐ BE KAWƆL

¹⁵ Ndoŋ nna nɛ Mosis nya agbo ga nseŋ kaŋɛ Enyɛnpe Ebɔrɛ le: “Sa maŋ kaŋ sɔ sarga nɛ basa ere kɔ a bar fo ere. M maŋ wora bumo be ekama kulubi. Ma alɛ maŋ sɔ esa kama be kurma.”

Nɔmbɛs 16:15 ပူးပေါင်းရင်းမြစ်များ

2 Samuɛl 22:22

Kusɔ nɛ Enyɛnpe Ebɔrɛ bee sha nɛ mee wora. Maa ba nɛ n shile ma Ebɔrɛ n ya wora kulubi kikɛ.

Ɛksodɔs 32:19

Mosis ka ba kaa fo keeyi na to nseŋ wu kenabi ka yil nɛ kacha yilso nɛ agbo pɛ mo ga nɛ e yige ajembu na to n lɛ kebee na be kaseto nɛ a buri to.

Aŋasa 21:27

Enyɛnpe Ebɔrɛ kishi belubiworapo be sarga ga. Fɔŋfɔŋ saŋɛ nɛ b nya kumo ekpa lubi so na.

Nɔmbɛs 12:3

Mosis daa kɔ kamubrase nna ga, e daa kɔ kamubrase a chɔ esa kikɛ durnya to.

Nɔmbɛs 16:16

Kede be kaman nɛ Mosis kaŋɛ Koora malɛ le: “Echefo, fo nɛ fo braana na kikɛ nɛ Ɛɛrɔn e ba Enyɛnpe Ebɔrɛ be wajɛbu na ase.

Matiu 5:22

Ama ma e kaŋɛ menyi na fanɛ ekama nɛ e nya agbo n wora mo barkasa a wɔtɔ gba, baaŋ yɛr mo demujipowura be anishito. Ekama nɛ e tege mo barkasa, baaŋ yɛr mo nshɛrwuraana nɛ baa tre Sanhedrinebi be anishito. Nɛ ekama malɛ nɛ e kaŋɛ mo barkasa le: ‘Ewulpo ere!’ Amodoŋwura wora kulubi n daga Setani be edɛ to be keluri.

Maak 3:5

Kumo be kaman nɛ Yesu keni bumo agbo nɛ kagbenejijaso ŋkpal b ka kɔ amu kpakpaso so nseŋ kaŋɛ kanyɛn na: “Teŋi fo enɔ to.” E ka teŋi kumo to nɛ mbe enɔ na nya eleŋ.

1 Kɔrintebi 9:15

Ama ma alɛ daa maŋ ŋini ekpa nɛ ŋ kɔ ana ere be kekama, ma alɛ maŋ naa sibɛ naniere nna a sa menyi nɛ n nya loŋ be kechɛto na. Cha, nɛ n wu gba k bɔ ŋ ka shin nɛ esa e nya ekpa m mɔn ma ashi kepuchi to.

2 Kɔrintebi 1:12

Naniere le be kesheŋ ere so nɛ anyee puchi fanɛ: Anyi be ŋgbene bee kaŋɛ anyi fanɛ an tiŋ ŋ keta anyi be amu nɛnɛ ashi durnya ere to, fɔnfɔŋ anyi nɛ menyi be kebaawɔtɔ be kaplɛa so. Ŋgbene mo nɛ a shi Ebɔrɛ kutɔ a maŋ kɔ kulubi nseŋ niŋi na nɛ an ta n wora asheŋ. Amoso, mannɛ durnya ere be kanyiasheŋ so nɛ an ta n wora loŋ. Ebɔrɛ be kuwɔr be kakɛ so nɛ loŋ be asheŋ tiŋ n wora.

2 Kɔrintebi 7:2

Men shin nɛ an be asheŋ e baa wɔ men be ŋgbene to. Anyi maŋ wora esa kikɛ kulubi, anyi maŋ jija esa kama, anyi alɛ maŋ naŋ ta esa kama n nyalɛ.

Ɛfesesebi 4:26

Fo kama nɛ agbo pɛ fo, fo sa maŋ shin nɛ agbo na e shin nɛ fo luri alubi to, fo alɛ e sa maŋ naŋ keta agbo na n tɔr epeŋi.

1 Tɛsalɔnikaebi 2:10

Menyi nɛ Ebɔrɛ e la an be eshɛdajipoana. An daa maŋ ta da lubi n tu menyi nɛ men yirda na, anyi be da daa du cheembi a kɔ kashenteŋ nna.