Nɔmbɛs 16:13 - EBƆRƐ BE KAWƆL

¹³ Men ka lara anyi ashi Ijipt be kasawule nɛ ajibi damta nɛ kedamaya wɔ na m ba lɛ keshishɛrsawule ere so nɛ men mɔ ere bre maŋ kukwe a? Nɛ men naa sha nɛ men ta anyi ŋ ki menyi be nyɛrbi a tɔrɔ a?

Nɔmbɛs 16:13 ပူးပေါင်းရင်းမြစ်များ

Ɛksodɔs 1:11

Ndoŋ nna nɛ Ijiptebi na lara basa fanɛ benyɛnpe nɛ baaŋ baa keni Israɛlebi na so fanɛ anya. Ndoŋ nna nɛ b ta kanyaŋ be kushuŋ a tɔrɔ Israɛlebi na nseŋ shin nɛ b pɔr nde nɛ baa tre Pitɔm nɛ Rameses na n sa ewura Fɛɛro nɛ e baa ta mbe asɔ a yili to ndoŋ.

Ɛksodɔs 1:22

Ndoŋ nna nɛ ewura Fɛɛro sa mbe basa kikɛ ebɔl kenishipereso ŋ kaŋɛ le: “Hibruwebi na baŋ kurge ebinyɛn kikɛ, men ta mo n ya lɛ lɔr nɛ baa tre Nail na to, ama becheso na bre, men yige bumo kikɛ nɛ b baa wɔtɔ.”

Ɛksodɔs 16:3

a kaŋɛ le: “Enyɛnpe Ebɔrɛ daŋ shin nɛ an wu ashi ljipt be kasawule so gba, k daa bɔ, ŋkpal manɛ so, an ka daa wɔ ndoŋ, an daa nya eblaŋ nɛ ajibi kanaŋkamaso nɛ anyee sha a ji. Ama kumo nɛ men bar anyi keshishɛrsawule ere so m ba ka shin nɛ men ta akoŋ m mɔ anyi kikɛ na.”

Ɛksodɔs 17:3

Ama ŋkpal achukoŋ ka daa kɔ basa na ga so b baa bile asheŋ nna nsaa malga a gbiti Mosis a bishi mo: “Manɛ nna bre nɛ fo lara anyi ashi Ijipt m ba kaa shin nɛ fo ta achukoŋ m mɔ anyi nɛ an be mbia nɛ asɔbɔya kikɛ ere?”

Ɛksodɔs 2:14

Nɛ emo nɛ e daŋ fara kolu na bishi Mosis le: “Wanɛ e ta fo ŋ ki anyi be enimu nɛ anyi be demujipo? Ŋko, fee sha kemɔ ma alɛ gba nna fanɛ kananɛ fo daŋ mɔ Ijipt be esa na a?” Ndoŋ nna nɛ kufu pɛ Mosis nɛ e kaŋɛ mbe kumu: “To, k baŋ di efuli nna na fanɛ basa pin kusɔ nɛ n wora na.”

Ɛksodɔs 2:23

Kumo be nfɛ damta ka ba choŋ nɛ Ijipt be ewura na wu, ama amo nɛ amo kikɛ nɛ Israɛlebi na kraa wɔ kenyaya to nna a ji awurfoŋ nsaa shu a tre Ebɔrɛ fanɛ e chɛ bumo to.

Ezikɛl 34:18

Menyi be beko ji ajibi lela nna ŋkukwe; nsaa chichi amo nɛ menyi maŋ ji so a wea shishɛr to! Menyeeŋ nuu nchu lela nna nseŋ gbar nchu nɛ menyi maaŋ nuu na to!

Nɔmbɛs 11:20

ama kufɔl lelemu nɛ menyee we amo hale nɛ a fi menyi. Ŋkpal men ka kini ma nsaa fubel a bile asheŋ a kaŋɛ fanɛ men daa nyi gba nna, menyi maŋ lar Ijipt be efuli so so.”

Nɔmbɛs 11:4

Kachako nɛ befɔ nɛ b daŋ tu Israɛlebi na a yɔ na fara a yɛlga ajibi ko kenishipereso, ndoŋ nna nɛ Israɛlebi na gba fara a fubel a bile asheŋ a kaŋɛ le: “Anyi maŋ nya eblaŋ kikɛ nɛ an we!

Nɔmbɛs 11:5

Ama an ka daa wɔ Ijipt na bre, an daa nya ekɔrɔtɔ kananɛ anyee sha nna a we jiga. Eŋampo nɛ asɔrso nɛ baa tre watamelɔŋ nɛ albasa be eyiri yiri kikɛ wɔ ndoŋ nna nɛ an daa ji anyi be kepar.

Nɔmbɛs 13:27

Le nɛ b daŋ kaŋɛ Mosis: “An ya keni kasawule na nseŋ wu fanɛ k la kasawule lela nna. Kumo be asɔrso gba be ako nde.

Nɔmbɛs 14:2

nseŋ fubel m bile asheŋ m malga ŋ gbiti Mosis nɛ Ɛɛrɔn ŋ kaŋɛ le: “An daŋ wu Ijipt be kasawule so ŋko keshishɛrsawule ere so be kakpa ko gba, k daa beeŋ par anyi!

Nɔmbɛs 14:3

Manɛ nna nɛ Enyɛnpe Ebɔrɛ keta anyi a ba Keenan nɛ b mɔ anyi nseŋ pɛ anyi be beche nɛ mbia ŋ ki anya? An daa wɔ Ijipt be kasawule so gba, k daa ba bɔ.”

Nɔmbɛs 16:12

Kumo be kaman nɛ Mosis shuŋi n tre Deetan nɛ Abiram. Ama le nɛ b daŋ kaŋɛ: “Anyi maaŋ ba!

Luuk 19:14

Mbe efuli so ebi malɛ daŋ kishi mo ga, amoso, e ka yɔ nɛ b shuŋi mbɔ fanɛ b bɛ mo so n ya kaŋɛ bumo nɛ baaŋ buu mo kuwura na le: ‘Anyi ere maa sha kanyɛn ere ka ki anyi be ewura.’

Ashuŋ Shunso 7:35

Mosis koŋwule ere nɛ Israɛlebi daŋ kini nseŋ bishi mo: ‘Wanɛ e ta fo ŋ ki anyi be enimu nɛ anyi be demujipo?’ Mo nɛ Ebɔrɛ daŋ bɔla malaika nɛ e daŋ wu kupumbi chɔɔso na to na so n shuŋi fanɛ Israɛl be enimu nɛ emɔlgapo na.