Nɔmbɛs 16:1 - EBƆRƐ BE KAWƆL

^1-2 Kachako nɛ Iza pibinyɛn Koora nɛ e shi Livai be yiri to nsaa shi Kohaf be kabuna na tre Eliab be mbinyɛnsobi Deetan nɛ Abiram nɛ Pɛlɛf pibinyɛn Ɔɔn, nɛ mo nɛ bumo kre fanɛ b maaŋ naa nu a sa Mosis fanɛ ejuŋkparpo. Bumo nɛ Israɛl be basa alfa anyɔ nɛ adunu nɛ b la bejuŋkparpo nɛ basa bee sa bumo bunyaŋ ga na e daŋ wora kɔnɔ.

Nɔmbɛs 16:1 ပူးပေါင်းရင်းမြစ်များ

Nshɛ 106:16

Bumo be ekama ashi bumo be keeyi to daa besa Mosis nɛ Ɛɛrɔn, nɛ b la Ebɔrɛ be nyɛrbi nɛ e lara n sa mbe kumu na eyur nna.

Ɛksodɔs 6:16

Livai be mbinyɛnsoana be atre e daa la Gɛshɔn nɛ Kohaf nɛ Merari. Livai daŋ ji nfɛ kalfa nɛ adesa nɛ ashunu nna pɔɛŋ nseŋ wu.

Ɛksodɔs 6:18

Kohaf malɛ be mbinyɛnsobi be atre e daa la Amram nɛ Ishar nɛ Hebron nɛ Uziɛl. Kohaf daŋ ji nfɛ kalfa nɛ adesa nɛ asa nna pɔɛŋ nseŋ wu.

Ɛksodɔs 6:21

Ishar be mbinyɛnsobi be atre e daa la Koora nɛ Nefeg nɛ Zikri.

Nɔmbɛs 15:41

Ma e la men Nyɛnpe nɛ men be Ebɔrɛ nɛ e lara menyi ashi Ijipt be efuli so na.

Nɔmbɛs 27:3

“An tuto daŋ wu keshishɛrsawule na so nna. Mo alɛ daŋ maŋ wu nna ŋkpal e ka bɛ Koora so nseŋ kini kebɛ Enyɛnpe Ebɔrɛ so so. Mo gbagba be kulubi e daŋ mɔ mo. Mo alɛ daŋ maŋ kurge mbinyɛnsobi.

Ditɛronɔmi 11:6

Ade be kaman, men wu kusɔ nɛ e wora benyɛn anyɔ nɛ baa tre Datan nɛ Abiram nɛ b la kanyɛn nɛ baa tre Ɛliyab nɛ e shi Ruben be yiri to na be bibinyɛn. Ekama be anishito nɛ kasawule baŋɛ n ta bumo nɛ bumo be nnanto ebi nɛ ewajɛbu nɛ bumo be nyɛrbi nɛ asɔbɔya kikɛ m min.

Juud 1:11

Cha, asheŋ maaŋ nyalɛ n sa bumo kikɛ, ŋkpal manɛ so, ekpa nɛ Keen daŋ ta na nɛ b bɛ so na. Ŋkpal amansherbi so b luri alubi to fanɛ kananɛ Balaam daŋ wora na. B daŋ ji kenimu kikɛ emɔrɔ fanɛ kananɛ Koora daŋ wora na, amoso, bumo alɛ gba beeŋ mur fanɛ mo.