Nɔmbɛs 15:8 - EBƆRƐ BE KAWƆL

⁸ Nɛ b baŋ ta gbolu a lara sarga chɔɔso ŋko kɔnɔ be ketia be sarga ŋko kɔnɔkoŋwuleso be sarga,

Nɔmbɛs 15:8 ပူးပေါင်းရင်းမြစ်များ

Levitikɔs 1:3

“Nɛ fanɛ kena nɛ e bee ta a lara sarga chɔɔso na, a daga k baa la gbolu nɛ e maŋ kɔ ndulgi kikɛ kumo be eyur so. Amodoŋwura malɛ beeŋ bar kumo wajɛbu na be kabuna ase, saŋɛ na so Enyɛnpe Ebɔrɛ na beeŋ sɔ sarga na.

Levitikɔs 1:9

Nɛ esa nɛ e bee lara sarga na e fɔr kusɔbɔya na be apuntosɔ nɛ kaman to be aya kikɛ so nɛ bɔrɛmatapoana na e chɔɔ amo kikɛ bɔrɛsure na so m mur. Ŋkpal manɛ so, sarga na la sarga chɔɔso nɛ kumo be efɛa bee par Enyɛnpe Ebɔrɛ na nna.

Levitikɔs 22:21

Esa kama nɛ e bee shin nɛ e lara kɔnɔkoŋwule be sarga n sa Enyɛnpe Ebɔrɛ n tia kɔnɔ ŋko n ta ŋ kɛ mo, daga fanɛ e bar kusɔbɔya nɛ k maŋ kɔ ndulgi.

Levitikɔs 3:1

Nɛ esa ta kusɔbɔya nɛ e lara kɔnɔkoŋwule be sarga, a daga k baa la gbolu ŋko nache nɛ k maŋ kɔ ndulgi kikɛ kumo so nna, nɛ e keta kumo m ba Enyɛnpe Ebɔrɛ na be anishito.

Levitikɔs 3:5

Bɔrɛmatapoana na be beko beeŋ ta kusɔbɔya na be nfɔ na n ti ayu be sargajibi na so n chɔɔ bɔrɛsure na so nɛ k baa la sarga nɛ kumo be efɛa bee par Enyɛnpe Ebɔrɛ na nna.

Nɔmbɛs 15:24

ŋkpal b ka maŋ nyi so, kumo ere a daga fanɛ kade na to ebi ka fin gbolu n lara sarga chɔɔso nɛ kumo be efɛa bee wora Enyɛnpe Ebɔrɛ na ebel nseŋ ta ayu nɛ yabra belbelso nɛ kaboelote n ti amo so n lara alubi be ketampaŋ be sarga.

Nɔmbɛs 15:7

nseŋ ta yabra belbelso kɔlba nɛ bargato malɛ n lara asɔnuuso be sarga. Le be esarga ere be efɛa bee par Enyɛnpe Ebɔrɛ nna.

Nɔmbɛs 15:9

kumo ere b ta ɔlif be ŋku kɔlba koŋwule m baga nyifu kurwa asa n lara ayu be sargajibi na,

Nɔmbɛs 8:8

Kede be kaman nɛ fo shin nɛ b bar egbolu fɔlbi anyɔ nɛ ayu nyifu nɛ b ta ɔlif be ŋku m baga amo.