Nɔmbɛs 15:39 - EBƆRƐ BE KAWƆL

³⁹ Saŋkama nɛ men wu ajolobi na, a beeŋ ba nyiŋi menyi Enyɛnpe Ebɔrɛ be mbraana na, nɛ men ba bɛ amo so nsaa maaŋ ya ka ji kubojua a bɛ men be anishi be awuso nɛ men be ŋgbene be aparsheŋ lubi so.

Nɔmbɛs 15:39 ပူးပေါင်းရင်းမြစ်များ

1 Bewura 12:33

Kufɔl burwasopo be kachɛ kuduanusopo nɛ mo gbagba lara n yili fanɛ k baa la kachɛgboŋ na nɛ e yɔ Bɛtɛl n ya lara sarga bɔrɛsure na so n ji loŋ be kachɛgboŋ na nseŋ kaŋɛ Israɛlebi na fanɛ b baa ji kumo kanyiŋi so.

Job be kawɔl 31:7

Nɛ fanɛ n daŋ foe ekpa wora kusɔ ko nɛ k maŋ niŋi, ŋko n ta ma kumu n wɔtɔ kulubi ko to, ŋko n ta ma enɔana n wora kulubi ko nna,

Nshɛ 106:39

Kusɔ nɛ b daŋ wora na shin nɛ b wora eyurpi daŋkare be ekpa so nna. B daa maŋ ji kashenteŋ n sa Ebɔrɛ.

Nshɛ 73:27

O Enyɛnpe Ebɔrɛ, bekama nɛ b kplaŋ fo so beeŋ mur cheche. Fo alɛ beeŋ mur bekama nɛ b maŋ ji kashenteŋ n sa fo.

Ɛksodɔs 13:9

Kesheŋ ere beeŋ baa la kanyiŋi nna nsaa du fanɛ b ka kre mbra na m mata menyi be enɔana so ŋko menyi be nsɔto nɛ men baa ŋini beko kumo be asheŋ. Saŋɛ na so, k beeŋ baa nyiŋi menyi kananɛ Enyɛnpe Ebɔrɛ be mbra na bɔlɔ menyi to kpal manɛ so, Enyɛnpe Ebɔrɛ ta mbe eleŋgboŋ nna n lara menyi ashi Ijipt be kasawule so.

Aŋasa 28:26

Esa kama nɛ e ta mbe yirda n deŋi mo gbagba be kumu so la ewulpo nna, ama ekama nɛ e bee sɔ benyiashempo be mmalga, beeŋ nya kekuŋ.

Aŋasa 3:1

M pibinyɛn, sa maŋ kaŋ teŋ asɔ nɛ mee ŋini fo na so. Baa nyiŋi asɔ nɛ mee kaŋɛ fo fanɛ fo baa wora na saŋkikɛ.

Kaŋinichiŋgeliŋ 11:9

Kebifɔlbi, baa ji fo kumu kagbenefuliso, ŋkpal fo kebifɔlbi so. Baa wora fo kagbene be aparsheŋ kanaŋkama nɛ fee sha. Ama baa nyiŋi fanɛ Ebɔrɛ beeŋ yili kusɔ kama nɛ fo wora so n ji fo demu.

Jɛremaya 9:14

Ama b wora bumo be ŋgbene kpakpa nna nseŋ daŋ shuŋ agbirana nɛ baa tre Baal na fanɛ kananɛ bumo nanaana ŋini bumo na.

Ezikɛl 6:9

Saŋɛ na so, bumo nɛ baaŋ ji efute na beeŋ fɛ ma asheŋ nseŋ nyiŋi kananɛ b lar ma kaman nsaa shuŋ agbirana nseŋ ta nyɔmɔ m pɛ ma na ashi efuliana nɛ baaŋ tintiŋ bumo n yɔ na so. Ndoŋ nɛ bumo gbagba be asheŋ beeŋ baa nu bumo gbagba agbo ŋkpal bumo asheŋ lubi lubi nɛ b wora so

Hoziya 2:2

Mbia, men fiɛ men nio so. Kashenteŋ nna fanɛ e maŋ naa la ma eche nɛ ma alɛ maŋ naa la mo kul, ama men kaŋɛ mo nɛ e yige mbe kesakalea nɛ kebirkɔnshi be kebaawɔtɔ na.

Ditɛronɔmi 29:19

Menyi alɛ e baa da so nɛ menyi to be esa kikɛ nɛ e wɔ nfe kabre nsaa nu kɔnɔkoŋwule be ŋkre ere be atande ere maaŋ fɛ fanɛ hale nɛ e wora mbe aparsheŋ gba, asheŋ kraa beeŋ nite nɛnɛ n sa mo. Kumo be loŋ beeŋ tiŋ m mur basa lela nɛ basa lubi kikɛ.

Ditɛronɔmi 4:23

Amoso, men baa da so nɛ menyi maaŋ teŋ menyi nɛ Enyɛnpe Ebɔrɛ na be kɔnɔkoŋwule be ŋkre na so. Men baa wora mbe mbraana kasonu nsaa maŋ kaŋ shuŋ kegbir be yiri kikɛ,

Ditɛronɔmi 6:12

men baa da so nɛ men maŋ teŋ so fanɛ Enyɛnpe Ebɔrɛ na e kɔ n suge menyi kenyaya to ashi Ijipt be efuli so.

Ditɛronɔmi 8:11

Men baa da so nɛ menyi maaŋ teŋ Enyɛnpe Ebɔrɛ na so ŋko n wora mbe mbraana nɛ n ta a sa menyi kabre ere kusoe kpakpaso.

Ditɛronɔmi 8:14

men baa da so nɛ kamoowu maaŋ luri menyi to nɛ men teŋ Enyɛnpe menyi be Ebɔrɛ nɛ e kɔ n suge menyi kenyaya to ashi Ijipt be efuli so na so.

Jeems 4:4

Basa nɛ esa maaŋ tiŋ n yirda ere! Men maŋ nyi fanɛ nɛ esa baa la Ebɔrɛ mo teri, amodoŋwura malɛ nɛ durnya ere to be asɔ maa ji a kra abar ŋko? To, esa kama nɛ e bee ta mbe kasha a wɔtɔ durnya ere be asɔ to, bee ta mbe kumu nna a ki Ebɔrɛ mo doŋ na.