Nɔmbɛs 15:24 - EBƆRƐ BE KAWƆL

²⁴ ŋkpal b ka maŋ nyi so, kumo ere a daga fanɛ kade na to ebi ka fin gbolu n lara sarga chɔɔso nɛ kumo be efɛa bee wora Enyɛnpe Ebɔrɛ na ebel nseŋ ta ayu nɛ yabra belbelso nɛ kaboelote n ti amo so n lara alubi be ketampaŋ be sarga.

Nɔmbɛs 15:24 ပူးပေါင်းရင်းမြစ်များ

Ɛzra 6:17

Kachɛ nɛ b ta bɔrɛlambu na m bɔɔ Ebɔrɛ enɔ na, egbolu kalfa nɛ ekpakpa alfa anyɔ nɛ mbolpɔ alfa ana nɛ b ta n lara sarga n sa Ebɔrɛ. B daŋ mɔ mboe kudu anyɔ nna n lara sarga ŋ kule alubi be ketampaŋ n sa Israɛl be nnaŋ kudu anyɔ na kikɛ.

Ɛzra 8:35

Basa nɛ b daŋ bɛta m ba na kikɛ daŋ bar esarga nna m ba chɔɔ n sa Israɛl be Ebɔrɛ na. B daŋ yili Israɛlebi kikɛ be katelamu to nna n ta egbolu kudu anyɔ nɛ ekpakpa adekpanu nɛ ashe nɛ ekpakpafɔlbi adushunu nɛ ashunu n lara sarga. Kumo be kaman nɛ b ta mboe kudu anyɔ n lara sarga ŋ kule alubi be ketampaŋ. B daŋ chɔɔ le be asɔbɔya ere kikɛ nna n lara sarga n sa Enyɛnpe Ebɔrɛ na.

Levitikɔs 23:19

Kumo be kaman nɛ men ta kaboenyɛn koŋwule n lara kulubi be sarga nseŋ ta ekpakpafɔlbi anyɔ nɛ a fo nfɛ koko n lara kɔnɔkoŋwule be sarga.

Levitikɔs 4:2

“Kaŋɛ Israɛl be basa na fanɛ esa kikɛ nɛ e maŋ kute n wora kulubi n da Enyɛnpe Ebɔrɛ na be mbra so, kusɔ nɛ e beeŋ wora nde.

Levitikɔs 4:22

Nɛ fanɛ eyiriana na be benimuana na to be eko e maŋ kute n wora kulubi n da kusɔ nɛ Enyɛnpe Ebɔrɛ na yili so gba, e kraŋ wora kulubi nna.

Levitikɔs 4:23

E baŋ pin kulubi na be asheŋ, e beeŋ ta kaboenyɛnso nɛ k maŋ kɔ ndulgi kikɛ n lara sarga.

Levitikɔs 5:15

“Nɛ esa maŋ ka asɔ cheembi nɛ a daga e ka n sa Enyɛnpe Ebɔrɛ na ŋkpal e ka maŋ nyi so, e wora n da so nna na. Amodoŋwura beeŋ bar kpakpa nɛ k maŋ kɔ ndulgi kikɛ ŋko bɔrɛmatapo na beeŋ ku kukɔ n sa mo nɛ e ka nɛ b ta n tɔ kakpa na.

Levitikɔs 5:18

Amodoŋwura beeŋ bar kpakpa nɛ k maŋ kɔ ndulgi kikɛ m ba sa bɔrɛmatapo na fanɛ mbe kewora n jija be sarga. Bɔrɛmatapo na e naaŋ ŋini mo kusɔbɔya nɛ k daga fanɛ e bar. Kumo be kaman nɛ bɔrɛmatapo na e ta kusɔbɔya na n lara kulubi be sarga nɛ e nya kulubi nɛ e maŋ nyi nseŋ wora na be ketampaŋ.

Nɔmbɛs 15:23

ŋko nɛ echefoso Israɛlebi na wora n da amo so

Nɔmbɛs 15:26

Loŋ na, Israɛlebi na nɛ befɔ nɛ b chena bumo to na kikɛ beeŋ nya alubi be ketampaŋ ŋkpal bumo kikɛ ka maŋ kute n wora kulubi na so.

Nɔmbɛs 28:15

B ta kaboelote n ti karechɛ kama be sarga chɔɔso na nɛ yabra be sarga na so n lara alubi be sarga.