Nɔmbɛs 15:21 - EBƆRƐ BE KAWƆL

²¹ A daga fanɛ menyi be kaman to ebi gba ka bɛ le be mbra ere so a ta bodobodo nɛ b juŋkpar n wora a lara sarga a sa Enyɛnpe Ebɔrɛ na.

Nɔmbɛs 15:21 ပူးပေါင်းရင်းမြစ်များ

Nehemaya 10:38

A daga bɔrɛmatapo nɛ e shi Ɛɛrɔn be kanaŋ to ka wɔtɔ jemanɛ nɛ Livaiebi na beeŋ sɔ kudukudusopo na ashi nde nɛ baa shuŋ to na kikɛ. Kumo be kaman nɛ Livaiebi na gba e lara bumo be kudukudusopo m ba sa Ebɔrɛ ashi mbe bɔrɛlambu nɛ kumo be ebu nɛ baa yili bumo be ajibi nɛ asɔwurbi na to.

Ɛksodɔs 23:19

Kafɛ kikɛ men baa ta men be adɔjibi juŋkparso lelaana a bar ma, Enyɛnpe Ebɔrɛ, ashi kakpa nɛ menyee bunyaŋ ma na. Men sa maŋ kaŋ daŋɛ kaboe fɔlbi kumo nio be kenyipochu to.

Ɛksodɔs 29:28

Saŋkama nɛ menyi, ma basa Israɛlebi baŋ mɔ kusɔbɔya n lara kɔnɔkoŋwule be sarga, kusɔbɔya na be kagbene nɛ kebɛaŋ la Ɛɛrɔn nɛ mbe bibinyɛn peya nna. Loŋ be eblaŋ na la meya nna, ama bɔrɛmatapoana e naaŋ baa ji amo hale mbaanaayɔ.

Ezikɛl 44:30

Adɔjibi kama nɛ b juŋkpar n teŋi nɛ kusɔ kama nɛ b ta n sa ma beeŋ baa la bɔrɛmatapoana na peya nna. Jemanɛ kikɛ nɛ basa na wora ebodobodo, a daga fanɛ b ta bodobodo nɛ b juŋkpar n wora na n sa bɔrɛmatapoana fanɛ kakɛ nɛ k bee yɔ Ebɔrɛ kutɔ, saŋɛ na so ma nɛfa beeŋ baa wɔ bumo be elaŋana so.

Levitikɔs 23:14

Men sa maŋ kaŋ ji ajibi popɔr na kebumbuŋ to ŋko atɔso ŋko n ta amo n wora bodobodo n we, ama men juŋkpar m bar amo m ba lara sarga n sa Ebɔrɛ na nna pɔɛŋ. Kede la mbra nna a dese n sa menyi nɛ men be mbia ashi kaplɛkama nɛ men wɔ mbaanaayɔ.

Nɔmbɛs 15:20

Men baŋ wora bodobodo, men ta amo nɛ men juŋkpar n wora na n lara sarga n sa Enyɛnpe Ebɔrɛ fanɛ kananɛ menyeeŋ ta ayu nɛ men juŋkpar m biri n lara sarga na.

Nɔmbɛs 15:22

Ama nɛ fanɛ men maŋ kute n wora n da mbra nɛ Enyɛnpe Ebɔrɛ ta n sa Mosis na be kekama so,

Nɔmbɛs 18:26

e kaŋɛ Livaiebi na le: “Men baŋ sɔ Israɛlebi be kudukudusopo nɛ mee ta a sa menyi fanɛ men be kapetɛ na, menyi alɛ gba e lara amo be kudukudusopo n sa Enyɛnpe Ebɔrɛ,