Nɔmbɛs 15:20 - EBƆRƐ BE KAWƆL

²⁰ Men baŋ wora bodobodo, men ta amo nɛ men juŋkpar n wora na n lara sarga n sa Enyɛnpe Ebɔrɛ fanɛ kananɛ menyeeŋ ta ayu nɛ men juŋkpar m biri n lara sarga na.

Nɔmbɛs 15:20 ပူးပေါင်းရင်းမြစ်များ

Nehemaya 10:37

Anyi alɛ beeŋ naŋ bar aboyu nyifu nɛ an fara ŋ kɔr m ba sa bɔrɛmatapoana na ashi bɔrɛlambu na to. Amo nɛ asɔrso nɛ a walɛ ga na nɛ yabra popɔr nɛ ɔlif be ŋku. Anyeeŋ bar anyi be ayu teŋiso be kudu kudusopo m ba sa Livaiebi nɛ baa nite a sɔ asɔ ashi ndeana na to na.

Ɛksodɔs 23:19

Kafɛ kikɛ men baa ta men be adɔjibi juŋkparso lelaana a bar ma, Enyɛnpe Ebɔrɛ, ashi kakpa nɛ menyee bunyaŋ ma na. Men sa maŋ kaŋ daŋɛ kaboe fɔlbi kumo nio be kenyipochu to.

Ɛksodɔs 34:26

Kafɛ kikɛ men baa ta men be adɔjibi nɛ menyee juŋkpar n teŋi a ba ma, Enyɛnpe men be Ebɔrɛ na be kowu to. Men sa maŋ kaŋ ta kusɔbɔya kikɛ be kenyipochu n daŋɛ kumo pibi.”

Ezikɛl 44:30

Adɔjibi kama nɛ b juŋkpar n teŋi nɛ kusɔ kama nɛ b ta n sa ma beeŋ baa la bɔrɛmatapoana na peya nna. Jemanɛ kikɛ nɛ basa na wora ebodobodo, a daga fanɛ b ta bodobodo nɛ b juŋkpar n wora na n sa bɔrɛmatapoana fanɛ kakɛ nɛ k bee yɔ Ebɔrɛ kutɔ, saŋɛ na so ma nɛfa beeŋ baa wɔ bumo be elaŋana so.

Levitikɔs 2:12

A daga fanɛ men jɔ ayu nɛ menyeeŋ juŋkpar n teŋi kafɛ to n lara sarga n sa Enyɛnpe Ebɔrɛ na, ama men sa maŋ chɔɔ amo bɔrɛsure so.

Levitikɔs 2:14

Kafɛ to be ayu nɛ menyeeŋ juŋkpar n teŋi nseŋ jɔ amo m ba lara sarga n sa Enyɛnpe Ebɔrɛ na daga a baa la ayu nɛ b ke ŋko n yarga nna.

Levitikɔs 23:10

e kaŋɛ Israɛl be basa na le: “Men kaŋ luri kasawule nɛ mee sha keta n sa menyi na to nseŋ ya dɔ n teŋi, men lara asɔ nɛ menyeeŋ juŋkpar n teŋi na be kuyu pati m ba sa bɔrɛmatapo na.

Levitikɔs 23:20

Bɔrɛmatapo na beeŋ ba maŋ ajibi na nɛ ekpakpafɔlbi anyɔ na so ashi Enyɛnpe Ebɔrɛ na be anishito a ŋini fanɛ a la kakɛgboŋ nna n sa mo nsaa la bɔrɛmatapoana be kachige. Le be esarga du cheembi nna.

Nɔmbɛs 15:21

A daga fanɛ menyi be kaman to ebi gba ka bɛ le be mbra ere so a ta bodobodo nɛ b juŋkpar n wora a lara sarga a sa Enyɛnpe Ebɔrɛ na.

Nɔmbɛs 18:12

N ta ɔlif be ŋku nɛ yabra belbelso nɛ ayu nɛ a la sososo be ajibi nɛ Israɛlebi bee lara kafɛ kafɛ kikɛ a sa ma na nna n sa menyi.

Matiu 6:33

Amoso men ta Ebɔrɛ be kuwura na nɛ mbe alelasheŋ be kasha n juŋkpar men be kebaawɔtɔ to nɛ e shin nɛ men nya asɔ na kikɛ n ti so.

Romebi 11:16

Nɛ esa baŋ ta bodobodo be kaba n lara kanya popɔr be sarga n sa Ebɔrɛ, kumo ere bodobodo na gba kikɛ la Ebɔrɛ peya nna na. Nɛ esa malɛ naŋ kaŋɛ fanɛ Ebɔrɛ e wɔ kedibi be nliŋi, kumo ere mo koŋwule na e kraa wɔ kedibi na kikɛ gba.

1 Kɔrintebi 15:20

Ama kashenteŋ malɛ nna fanɛ Kristo juŋkpar bumo nɛ b wu na kikɛ n tiŋi luwu to.

Ditɛronɔmi 14:22

Israɛlebi, kafɛ kikɛ men baa lara menyi be adɔjibi to be kudu kudusopo a yili.

Ditɛronɔmi 14:23

Kumo be kaman nɛ men yɔ kakpa nɛ Enyɛnpe menyi be Ebɔrɛ na lara n yili fanɛ kakpa nɛ menyeeŋ baa shuŋ mo na nseŋ ya ji menyi be ayu nɛ yabra belbelso nɛ ɔlif be ŋku be kudu kudusopoana nɛ ana nɛ mbolpɔ be ewurkoŋ na ndoŋ. Men baa wora le nseŋ koya kebaabunyaŋ Enyɛnpe menyi be Ebɔrɛ na saŋkikɛ.

Ditɛronɔmi 16:13

Men kaŋ loge menyi be kayuteŋi nɛ asɔrso be kechuge, men ji Abuu to be kachɛgboŋ na nchɛnshunu.

Jeems 1:18

Mo gbagba e yili kumo fanɛ e bɔla mbe kashenteŋ be kamalga na to n shin nɛ an ki mbe kepɔrso kikɛ be basa juŋkparso.

Kelaraŋŋini 14:4

Bumo e la basa nɛ b maŋ di beche n jija bumo be amu na, b daa maŋ nyi beche. Kaplɛkama nɛ Kpakpafɔlbi na bee yɔ, b bɛ mo so nna. B daŋ sɔ bumo ashi edimɛdi to nna n yige n shin nɛ b du fanɛ asɔrso juŋkparso mo nɛ baaŋ ta n lara sarga n sa Ebɔrɛ nɛ Kpakpafɔlbi na.