Nɔmbɛs 15:15 - EBƆRƐ BE KAWƆL

¹⁵ Mbra ere dese nna n sa menyi Israɛlebi nɛ men la ndetobia na nɛ befɔ nɛ b chena menyi to na kikɛ hale mbaanaayɔ. Sarga be kelara bre be kaplɛa so, menyi nɛ bumo kikɛ la kukoŋwule nna ashi Enyɛnpe Ebɔrɛ na be anishito,

Nɔmbɛs 15:15 ပူးပေါင်းရင်းမြစ်များ

Ɛsta 9:27

Juwebi na yili kumo nna fanɛ bumo nɛ bumo nanabiana kikɛ nɛ esa kama nɛ e beeŋ ba ki Juw be esa kachako so, beeŋ baa ji loŋ be nchɛgboŋ anyɔ na fanɛ kananɛ Mɔdikaya kaŋɛ bumo na gbagba.

Ɛksodɔs 12:14

“A daga fanɛ menyi nɛ men be kaman to ebi kikɛ e baa wora kejigboŋ kafɛ kikɛ a nyiŋi kusɔ nɛ ma, Enyɛnpe Ebɔrɛ wora n sa menyi ere. Men shin nɛ k ki mbra n sa menyi mbaanaayɔ.

Ɛksodɔs 12:24

Men ta le be kesheŋ ere ŋ ki mbra n sa menyi be amu nɛ menyi be kaman to ebi kikɛ mbaanaayɔ.

Ɛksodɔs 12:43

Kamalga ere be kaman nɛ Enyɛnpe Ebɔrɛ kaŋɛ Mosis nɛ Ɛɛrɔn le: “Kebansonchoŋ be kejigboŋ na be mbraana nde: K maŋ daga efɔ kikɛ ka ji kumo.

Ɛksodɔs 12:49

Le be mbra ere malɛ beeŋ baa la mbra koŋwule nna n yili n sa bekama nɛ b la Israɛl be ndetobia nɛ bumo nɛ b la befɔ nseŋ ba chena menyi to kikɛ.”

Ɛksodɔs 28:43

A daga fanɛ Ɛɛrɔn nɛ mbe mbinyɛnso na e baa wɔtɔ loŋ be ewondoŋshiimbi ere saŋkama nɛ baa luri Enyɛnpe be wajɛbu na to ŋko saŋkama nɛ baa ba bɔrɛsure na ase nɛ b ba shuŋ ma ashi kakpa cheembi na to, saŋɛ na so b maaŋ wu ŋkpal b ka na kayurkpaŋ so. Le be mbra ere beeŋ baa dese n sa Ɛɛrɔn nɛ mbe kaman to ebi hale mbaanaayɔ.

Levitikɔs 24:22

Mbra ere wɔtɔ nna n sa menyi Israɛlebi nɛ befɔ nɛ b wɔ men to na kikɛ, ŋkpal manɛ so, ma e la Enyɛnpe menyi be Ebɔrɛ na.”

Nɔmbɛs 10:8

Ɛɛrɔn be kanaŋ to ebi be mbinyɛnsobiana nɛ b la bɔrɛmatapoana e daga fanɛ b baa foŋ mbel na. Loŋ malɛ nɛ k beeŋ ba la hale mbaanaayɔ.

Nɔmbɛs 15:14

Nɛ fanɛ befɔ nɛ b wɔ menyi to na gba bee sha kelara sarga n sa Enyɛnpe Ebɔrɛ na, a daga fanɛ bumo alɛ gba e bɛ le be mbra ere so.

Nɔmbɛs 15:29

Mbra koŋwule ere e dese n sa ndetobia nɛ befɔ nɛ b maŋ kute n wora kulubi na kikɛ.

Nɔmbɛs 18:8

Kede be kaman nɛ Enyɛnpe Ebɔrɛ naŋ kaŋɛ Ɛɛrɔn le: “Baa nyiŋi fanɛ sarga nɛ b maaŋ chɔɔ a sa ma na la fo nɛ fo kaman to ebi peya nna mbaanaayɔ.

Nɔmbɛs 9:14

Kadetobia ŋko efɔ kama nɛ e wɔ menyi to nsaa sha keji kebansonchoŋ be kejigboŋ na daga fanɛ e bɛ kumo be mbraana kikɛ so nɛnɛ nna n ji kumo.”

Galeeshaebi 3:28

Amoso, Ebɔrɛ be anishito Juw maŋ kɔr kanyamase to, kenya maŋ kɔr esa nɛ e wɔ mbe kumu to, benyɛn maŋ kɔr beche to, men kikɛ la kukoŋwule nna ashi Kristo Yesu to.

Kɔlɔsiebi 3:11

Loŋ na bumo nɛ b kɔ kebaawɔtɔ popɔr na maaŋ naa kɔ ŋkpɛato a kaŋɛ fanɛ eko la kanyamase nɛ eko malɛ la Juwebi be esa, ŋko ede ku, ede bre maŋ ku kututu, ede la efɔ, ede la edɔtopo, ŋko ede la kenya nɛ ede wɔ mbe kumu. Yesu Kristo na nawule e la bumo be kusɔ kama.

Joshuwa 8:33

Israɛlebi na kikɛ nɛ bumo be bejuŋkparpo nɛ benimuana nɛ demujipoana nɛ befɔ nɛ bumo nɛ bumo wɔtɔ na barga to nna n yili Enyɛnpe Ebɔrɛ be ŋkre be deka na be mba anyɔ so ashi bɔrɛmatapoana nɛ baa sulɔ kumo na be anishito. Basa na be bargato daŋ pal kaman nna n sa kebeegboŋ nɛ baa tre Gɛrizim na nɛ bargato malɛ pal kaman n sa kebeegboŋ nɛ baa tre Ebal na. Enyɛnpe Ebɔrɛ be kayɛrbi Mosis e daŋ kaŋɛ bumo fanɛ b baa wora loŋ saŋkama nɛ b ba nɛ b ba sɔ nɛfa.

1 Samuɛl 30:25

Amoso Deevid daŋ yili kumo fanɛ mbra nna n sa Israɛlebi na, nɛ bumo alɛ bɛ kumo so hale m ba fo nɛ mbre.