Nɔmbɛs 14:8 - EBƆRƐ BE KAWƆL

⁸ Nɛ an wora Enyɛnpe Ebɔrɛ na kasonu, e beeŋ yɛra anyi kasawule nɛ k walɛ nsaa wora adɔjibi nɛnɛ ere so n ya ta kumo n sa anyi.

Nɔmbɛs 14:8 ပူးပေါင်းရင်းမြစ်များ

2 Samuɛl 22:20

B kulti ma n shɛrto nɛ e mɔlga ma nseŋ sɔ ma n yige, ŋkpal ŋ kaa bee wora asheŋ nɛ a bee par mo so.

1 Bewura 10:9

Kemaŋkura e baa la Enyɛnpe fo Ebɔrɛ na peya. Mbe kagbene fuli fo so ga nna so nɛ e ta fo ŋ ki Israɛlebi be ewura nɛ fo baa ji bumo so eleŋ. Ŋkpal kasha nɛ e kɔ n sa mbe basa Israɛlebi na ka maŋ kɔ ekar so, nɛ e ta fo ŋ ki bumo be ewura nɛ fo baa ji asheŋ nɛ amo be ekpa so nsaa wora asɔ nɛ a niŋi ekpa a sa bumo na.”

2 Bewura 18:32

n ya fo saŋɛ nɛ ewurgboŋ na beeŋ lɔŋɛ menyi n chena efuli nɛ k du fanɛ men gbagba be efuli, a kɔ ewaindibi be asɔrso nɛ menyeeŋ baa ta a wora eyabra, nɛ ayu nɛ men baa ta a wora ebodobodo, na so. K la kasawule nɛ k kɔ ɔlif be ŋku nɛ mushoŋ ga nna. Men baa kɔ kasonu n sa mo akoŋ maaŋ mɔ menyi ndoŋ kikɛ, menyeeŋ ba ji a moɛ. Men sa maŋ shin nɛ ewura Hɛzekaya e fule menyi nɛ men baa fɛ fanɛ Enyɛnpe Ebɔrɛ na beeŋ mɔlga menyi.

Nshɛ 22:8

“Fo yɛ fo yirda Ebɔrɛ nna, nɛ manɛ nna nɛ e maŋ mɔlga fo? Nɛ fo asheŋ bee bɔlɔ mo kenishi, manɛ nna nɛ e maŋ chɛ fo to.”

Ɛksodɔs 3:8

Ŋkpal loŋ so, nɛ ŋ gbelge m ba nɛ m ba mɔlga bumo ashi Ijiptebi na be enɔ to nseŋ lara bumo ashi Ijipt be kasawule so n yɛr bumo kasawule lela nɛ k shi so. Kasawule mo nɛ k kɔ kanya alegaiso nsaa wora ajibi nɛnɛ. Loŋ be kasawule na so nɛ Keenanebi nɛ Hitebi nɛ Amɔriebi nɛ Pɛrizebi nɛ Hivebi nɛ Jebusiebi tase so na.

Aizaaya 62:4

Fo ketre maaŋ naa la Kini n lɛ. Efuli na gba be ketre maaŋ naa la Eche nɛ b kini n lɛ. Ama fo ketre popɔr e naaŋ baa la Ebɔrɛ be Kagbene fuli mo so. Efuli na malɛ peya e naaŋ baa la Kagbenefuli be kakil. Ŋkpal manɛ so, Enyɛnpe Ebɔrɛ na be kagbene beeŋ fuli fo so; mo alɛ beeŋ baa la fanɛ ekul n sa fo efuli na.

Jɛremaya 32:41

Kebaawora bumo kelela e naaŋ baa fuli ma kagbene. Amoso meeŋ shin nɛ b chena kasawule ere so hale mbaanaayɔ.

Zefanaiya 3:17

Ŋkpal manɛ so, Enyɛnpe menyi be Ebɔrɛ na wɔ men kutɔ, mbe eleŋgboŋ na e naa kɔ a pɔɔ so a sa menyi. Menyi be asheŋ bee bɔlɔ mo kenishi ga, nɛ mbe kasha bee sa menyi ŋkpa popɔr. Mbe kagbene bee fuli menyi so nna nɛ e bee boŋ nshɛ kagbenefuliso.’

Nɔmbɛs 13:27

Le nɛ b daŋ kaŋɛ Mosis: “An ya keni kasawule na nseŋ wu fanɛ k la kasawule lela nna. Kumo be asɔrso gba be ako nde.

Nɔmbɛs 16:14

Men nase kɔnɔ fanɛ menyeeŋ yɛra anyi kudɔsawule lela nɛ k bee wora adɔjibi nɛnɛ nɛ anyeeŋ tiŋ n dɔ asɔrso nɛ baa tre greeps kumo so na so nɛ k ki anyeya. Ama naniere nnɛ nɛ a wɔ? Menyee fule anyi nna. Amoso anyi maaŋ ba!”

Romebi 8:31

To, asheŋ nɛ an nu ere kikɛ be kaman, nuso nɛ anyeeŋ kaŋɛ? Nɛ Ebɔrɛ baa wɔ anyi be kaman, wanɛ e naaŋ tiŋ m pɔɔ anyi so?

Ditɛronɔmi 10:15

Enyɛnpe Ebɔrɛ na daŋ sha men nananyɛnana na ga so nna nɛ e lara menyi nseŋ yige basa nɛ b ka na. Hale nɛ mbre men kraa la mbe basa laraso nna.

Joshuwa 14:12

Naniere ta kebeeso be efuli nɛ Enyɛnpe Ebɔrɛ nase kɔnɔ kamɔnchɛ afanɛ e beeŋ sa ma na n sa ma. An teŋ kaŋɛ fo fanɛ basa tenteŋ gboŋgboŋi nɛ baa tre Anakebi na e wɔ ndegboŋ nɛ b pɔr egbal ŋ kulti na to ashi efuli na kikɛ so. Ashere Enyɛnpe Ebɔrɛ beeŋ yili ma kaman nɛ n ju bumo n lar fanɛ kananɛ Enyɛnpe Ebɔrɛ kaŋɛ na gbagba chap.”