Nɔmbɛs 14:34 - EBƆRƐ BE KAWƆL

³⁴ Ŋkpal men ka ta nchɛ adena n dara efuli na so, menyeeŋ nite a kilgi to keshishɛrsawule ere so nfɛ adena. Kafɛ koŋwule kikɛ bee yili nna a sa kachɛ koŋwule. Ndoŋ nɛ menyeeŋ pin kananɛ ma kekilgi ŋ kɔ esa du.

Nɔmbɛs 14:34 ပူးပေါင်းရင်းမြစ်များ

1 Bewura 8:56

“Kemaŋkura e baa la Enyɛnpe Ebɔrɛ nɛ e nase kɔnɔ fanɛ e beeŋ sa mbe basa kagbenewushi na peya. E daŋ bɔla mbe kayɛrbi Mosis so nna n shin nɛ mbe nnɔ naseso nɛ e nase n sa bumo na kikɛ bɔlɔ so.

2 Kronikɛls 36:21

Ndoŋ nna nɛ Israɛl be kasawule na dese nfɛ adushunu nɛ esa maŋ wɔ kumo so, nɛ kusɔ nɛ Enyɛnpe Ebɔrɛ daŋ bɔla anebi Jɛremaya so ŋ kaŋɛ fanɛ kasawule na beeŋ ki keshishɛrsawule n dese nfɛ adushunu na, bɔlɔ so.

Nshɛ 105:42

E daa nyiŋi mbe nnɔ naseso cheembi nɛ e nase n sa mbe kayɛrbi Eebraham na nna.

Nshɛ 38:4

nɛ ma alubi wora ma so egbɛ hale a buri ma to.

Nshɛ 77:8

Mbe kasha nɛ k maŋ kɔ ekar na loge anyi so nna ere a? Mbe nnɔ naseso na malɛ gba ba ekar nna ere a?

Nshɛ 95:10

Nfɛ adena nɛ bumo be asheŋ daa nu Ebɔrɛ agbo, nɛ e kaŋɛ le: “Saŋkikɛ basa ere bee wora a foe ekpa nna; bumo alɛ maa pin ma asheŋ woraso to.”

Ezikɛl 14:10

Anebi na nɛ esa nɛ e yɔ mo kutɔ n ya bishi so na kikɛ beeŋ nya kasogberge koŋwule.

Ezikɛl 23:35

Amoso kusɔ nɛ Enyɛnpetale Ebɔrɛ na bee kaŋɛ fanɛ, Ŋkpal fo ka teŋ ma so nseŋ pal kaman n sa ma so, feeŋ ji awurfoŋ ŋkpal fo kayɛlga lubi be kusɔ jigaya nɛ kesakalea be kebaawɔtɔ na so.”

Ezikɛl 4:6

Kumo be kaman nɛ fo naŋ kilgi n dese fo jisoso malɛ nchɛ adena, a ŋini Juda be basa malɛ be kasogberge nɛ baaŋ nya. Kachɛ koŋwule kama yili n sa kafɛ koŋwule be awurfoŋ nɛ baaŋ ji nna.

Danɛl 9:24

Nfɛ adushushunu be ntuŋ shunu e naŋ fo pɔɛŋ nɛ Ebɔrɛ e mɔlga fo basa nɛ kadegboŋ cheembi na ashi kulubi to. Baaŋ nya alubi be ketampaŋ nsaa ji asheŋ nɛ amo be ekpa so mbaanaayɔ; saŋɛ na so bɔrɛdare na nɛ kewuŋkaŋɛ na beeŋ bɔlɔ so kashenteŋto nɛ b naŋ laŋɛ n ta bɔrɛlambu cheembi na m bɔɔ Ebɔrɛ enɔ.

Hoziya 9:12

Hale nɛ b kurge mbia gba, meeŋ shin nɛ mbia na kikɛ e wu. Nɛ m baŋ maŋ wora loŋ malɛ, meeŋ shin nɛ tɔrɔ damta e tu to bumo.”

Levitikɔs 20:19

Nɛ enyɛn di mo tana ŋko mo niokar ŋko mo niogboŋ, k la ŋaba n sa kanaŋ na nna nɛ a daga fanɛ bumo benyɔ na kikɛ ka nya kusɔ nɛ b wora na be kasogberge.

Zakareya 11:10

Kumo be kamɔnchɛ nɛ m bu kekpabi nɛ mee tre ‘Kushuso’ na to, a ŋini fanɛ kɔnɔkoŋwule be ŋkre nɛ Enyɛnpe Ebɔrɛ nɛ efuliana na kikɛ kre na ku to.

Nɔmbɛs 13:25

Bedarapo na ka dara kasawule na nchɛ adena n loge nɛ b bɛta

Nɔmbɛs 18:23

Livaiebi na nawule e naa ba shuŋ wajɛbu na to nɛ kumo be kewora n da so be turju e ba bɛ bumo. Le be mbra ere dese nna n sa menyi nɛ men be kaman to ebi kikɛ mbaanaayɔ. Bumo alɛ maaŋ nya kapetɛ kikɛ ashi Israɛlebi na to,

Nɔmbɛs 32:13

Enyɛnpe Ebɔrɛ daŋ nya agbo nna n wɔtɔ Israɛlebi na nseŋ shin nɛ b nite keshishɛrsawule na so a kilgi to a kulti nfɛ adena, nɛ bumo to be bumo nɛ b daa maŋ wora Enyɛnpe Ebɔrɛ be aparsheŋ na kikɛ wu.

Ashuŋ Shunso 13:18

Ebɔrɛ na e daŋ ta mbe eleŋgboŋ n lara bumo ashi Ijipt ŋ keni bumo so kiyi to kanyitiso loŋ nfɛ adena.

Ditɛronɔmi 2:7

Men baa nyiŋi kananɛ Enyɛnpe menyi be Ebɔrɛ na nɛfa menyi ashi asɔ kama nɛ men wora to. E keni menyi so jemanɛ nɛ men daa nite keshishɛrsawule palɛlɛ na so a kulti na. Menyi nɛ mo e daa la nfɛ adena ere kikɛ. Menyi alɛ daŋ nya kusɔ kama nɛ menyee sha.

Hibruwebi 4:1

Amoso, ŋkpal Ebɔrɛ be kewushi na to be keluri be kɔnɔ naseso na ka kraa dese so, men shin nɛ an baa da so nɛ kumo be saŋɛ kaŋ fo, b maaŋ wu anyi be ekama ka paŋ keluri kumo to.

Joshuwa 14:10

Enyɛnpe Ebɔrɛ ka kaŋɛ Mosis loŋ, kumo be nfɛ adena nɛ anu nna na. Saŋɛ so nɛ Israɛlebi kraa wɔ keshishɛrsawule na so na nɛ Enyɛnpe Ebɔrɛ kaŋɛ mo loŋ. Enyɛnpe Ebɔrɛ na malɛ keni ma so hale m ba fo kabre. Keni, naniere n nya nfɛ aduburwa nɛ anu.

Kelaraŋŋini 11:3

Ma alɛ beeŋ sa ma shɛdajipoana anyɔ eleŋ nɛ b wu abɔrɛsheŋ ŋ kaŋɛ amo be nchɛ kagboŋ nɛ alfa anyɔ nɛ adeshe na kikɛ to, amo be saŋɛ malɛ kikɛ to baaŋ buu kagbenejija be asɔbuuso.”

1 Samuɛl 2:30

Ma, Enyɛnpe, Israɛl be Ebɔrɛ na e daŋ nase kɔnɔ fanɛ fo kanaŋ e naaŋ baa la bɔrɛmatapoana mbaanaayɔ, ama mee kaŋɛ fo nna fanɛ loŋ maaŋ naŋ wora kikɛ. Basa kama nɛ baa bunyaŋ ma na nɛ mee sa bunyaŋ nsaa sho bekama nɛ b kishi ma na kɔnɔ.