Nɔmbɛs 14:33 - EBƆRƐ BE KAWƆL

³³ Ŋkpal men ka maŋ kɔ yirda so, menyi be mbia beeŋ baa wɔ keshishɛrsawule ere so a kilgi to a ji awurfoŋ nfɛ adena hale nɛ menyi be esa lalalogesopo e wu.

Nɔmbɛs 14:33 ပူးပေါင်းရင်းမြစ်များ

Nshɛ 107:4

Menyi be beko daŋ foe ashi keshishɛrsawule nɛ k maŋ kɔ shɛŋ na so nna, nsaa maŋ naŋ wu ekpa nɛ men bɛta m ba chena kadegboŋ na to.

Nshɛ 107:40

Ama Enyɛnpe Ebɔrɛ na beeŋ sɔ menyi be kɔnɔ so ŋ kɔ basa nɛ b daŋ pɔɔ menyi so na n shin nɛ b baa nite cham cham keshishɛrsawule so.

Nshɛ 78:33

Amoso e daŋ shin nɛ bumo be ŋkpa ku so nna, nseŋ daŋ shin nɛ kufugboŋ ko tɔr bumo so.

Ɛksodɔs 20:5

nsaa jɔŋɛ amo ase ŋko a shuŋ amo, ŋkpal manɛ so, ma e la Enyɛnpe Ebɔrɛ men be Ebɔrɛ na. Ma alɛ maa sha kechamana. Ma e naa kpal betuto nɛ benio be alubi so e gberge bumo be mbia kusoe hale n ya fo bumo be kenanafofo nɛ kenana gbiramuli na.

Ezikɛl 23:35

Amoso kusɔ nɛ Enyɛnpetale Ebɔrɛ na bee kaŋɛ fanɛ, Ŋkpal fo ka teŋ ma so nseŋ pal kaman n sa ma so, feeŋ ji awurfoŋ ŋkpal fo kayɛlga lubi be kusɔ jigaya nɛ kesakalea be kebaawɔtɔ na so.”

Hoziya 9:1

Israɛlebi, men yige kebaaji eyur fanɛ nnyamase na. Men shile menyi be Ebɔrɛ nsaa maŋ naa ji kashenteŋ a sa mo kuraa. Kaplɛkama malɛ nɛ baa bri ayu, ndoŋ nɛ menyee wora menyi be amu fanɛ esakale na a shuŋ kegbir nɛ baa tre Baal na ŋkpal kusɔ nɛ menyee nya so!

Nɔmbɛs 32:13

Enyɛnpe Ebɔrɛ daŋ nya agbo nna n wɔtɔ Israɛlebi na nseŋ shin nɛ b nite keshishɛrsawule na so a kilgi to a kulti nfɛ adena, nɛ bumo to be bumo nɛ b daa maŋ wora Enyɛnpe Ebɔrɛ be aparsheŋ na kikɛ wu.

Nɔmbɛs 33:38

Enyɛnpe Ebɔrɛ daŋ shin nna nɛ bɔrɛmatapo Ɛɛrɔn dii n yɔ kebeegboŋ nɛ baa tre Hɔɔr na be esoso. Israɛlebi ka koso Ijipt be kasawule so be kafɛ adenasopo to be kufɔl nusopo to be kachɛ juŋkparso nɛ e daŋ wu ashi kebeegboŋ na be esoso. E daŋ ji nfɛ kalfa nɛ adunyɔ nɛ asa pɔɛŋ nseŋ wu.

Nɔmbɛs 5:31

Nɛ enyɛn na wora loŋ, kumo be kulubi maŋ bɛ mo so, ama nɛ fanɛ eche na wora n da so nna e beeŋ nya kumo be kasogberge.

Ashuŋ Shunso 7:36

Mo e daŋ juŋkpar bumo n wora emamachisheŋ nɛ kashenteŋ be etɔɔnɛsheŋ damta ashi Ijipt nɛ Teku Peper na to nɛ jemanɛ nɛ b daa wɔ kiyi to nfɛ adena na kikɛ.

Ditɛronɔmi 1:3

Israɛl be basa na ka lar Ijipt be efuli so be kafɛ adenasopo na be kufɔl kudukakosopo na be kachɛ juŋkparso na nɛ Mosis kaŋɛ basa na kusɔ nɛ Enyɛnpe Ebɔrɛ na kaŋɛ mo fanɛ e kaŋɛ bumo na kikɛ.

Ditɛronɔmi 2:14

An ka lar kakpa nɛ baa tre Kadɛsh Bania na be nfɛ adesa nɛ aburwa nna na. Benyɛn kama nɛ b daa tiŋ a kɔ kena loŋ be jemanɛ na kikɛ wu, fanɛ kananɛ Enyɛnpe Ebɔrɛ na kaŋɛ fanɛ baaŋ wu na.

Ditɛronɔmi 2:7

Men baa nyiŋi kananɛ Enyɛnpe menyi be Ebɔrɛ na nɛfa menyi ashi asɔ kama nɛ men wora to. E keni menyi so jemanɛ nɛ men daa nite keshishɛrsawule palɛlɛ na so a kulti na. Menyi nɛ mo e daa la nfɛ adena ere kikɛ. Menyi alɛ daŋ nya kusɔ kama nɛ menyee sha.

Ditɛronɔmi 29:5

Nfɛ adena nɛ Enyɛnpe Ebɔrɛ na juŋkpar menyi m bɔla keshishɛrsawule so na, menyi be asɔbuuso nɛ asɛbta malɛ daŋ maŋ wu kikɛ.

Ditɛronɔmi 8:2

Men baa nyiŋi kananɛ Enyɛnpe menyi be Ebɔrɛ na juŋkpar menyi ashi keshishɛrsawule so be enite tenteŋ to nfɛ adena nɛ a choŋ ere kikɛ. E daa sha kepin nna fanɛ kashenteŋto nɛ menyee sha kewora mo kasonu nseŋ ta menyi be amu n to mo so a?

Ditɛronɔmi 8:4

Kumo be kaman, menyi be asɔbuuso maŋ wu ŋko men nite nɛ menyi be aya tin tin nfɛ adena nɛ a choŋ ere kikɛ.

Joshuwa 14:10

Enyɛnpe Ebɔrɛ ka kaŋɛ Mosis loŋ, kumo be nfɛ adena nɛ anu nna na. Saŋɛ so nɛ Israɛlebi kraa wɔ keshishɛrsawule na so na nɛ Enyɛnpe Ebɔrɛ kaŋɛ mo loŋ. Enyɛnpe Ebɔrɛ na malɛ keni ma so hale m ba fo kabre. Keni, naniere n nya nfɛ aduburwa nɛ anu.

Joshuwa 5:6

Bumo be bekama nɛ b daŋ fo kena be kekɔ saŋɛ so nɛ Israɛlebi na daŋ lar Ijipt be kasawule so a na keshishɛrsawule na so nfɛ adena na bre kikɛ daŋ wu nna ŋkpal b ka maŋ wora Enyɛnpe Ebɔrɛ na kasonu so. Loŋ koŋwule na nɛ bumo nananyɛnana daŋ ta kusoe kpakpaso m paŋ kasawule lela nɛ Enyɛnpe Ebɔrɛ nase kɔnɔ fanɛ e beeŋ sa bumo na.